我們將會從一個政治撚,回歸正常生活。

 

– KEVIN CHENG PHOTOGRAPHY- 發佈於 2019年7月10日星期三

 

諗返起成個六月,好似發左一場夢咁。雖然未係時候,亦未值得打飛機住,但係呢個月簡單係顛覆左我近幾年既政治觀。

由絕望,去到重燃希望,再返去以前既無力感。相信有唔少人都會有我呢種感覺。明明上一次立法會選舉之後,我以經對議會、對泛民、對媒體徹底失望,估都估唔到終有一日會大和解,而且係可以將錢同日後既選票(希望)賭上都在所不惜。

係政治上,大家都在進步中,就正如依家掟野已經唔再係一回事。你問我依家香港即時有雙普選,我都唔認為可以即刻贏哂,始終呢場戰爭係世代之爭。任你做幾多文宣、做幾多分化滲透都好,影響到既基數有限,上年紀既人點都會對大中華同建制有情意結,而且仲係不可撼動既力量。

所以大家都係到同時間鬥快,當上一代慢慢老去死去既同時,下一代亦都以倍數咁增長,講緊係完完全全比政府殖民既新一代。所以有時真係唔明究竟身邊既人諗乜,明明生於一個最好時代,但係就自甘墮落,成為細個你最唔想做既果種人。可能你覺得政治唔關你事,可能你覺得政治好煩,我地要將頑石點頭亦都唔係易事。所以同一時間將兩個世界當成一個世界係一件好難既事。

我會形容呢種平行時空係現代版既,「朱門酒肉臭,路有凍死骨」。當你好似個精神病人既時候,佢地就偏偏好似個正常人咁,吃喝玩樂,不問世事。你知道,可能過多一個月、兩個月,所有野都會回復正常,到時你都由一個充滿政治、充滿社運既社會,回歸到日常。

真係唔知點樣去面對呢班「正常人」既時候,不妨嘗試認識多幾個身邊志同道合既朋友,因為,當你有難既時候,相信佢地會在所不惜咁樣去幫你,去保護你。

當大多家庭都有一個親政府既屋企人/親戚,你想唔想你既下一代都係呢個環境下成長?

所以由今日開始,慎交朋友,遠離損友。
對同樣理念既人少一分猜疑,多一分付出。

 

作者:文日

無咩好講

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 197190
Date: 2019-07-19 05:27:14
Generated at: 2019-08-20 23:09:24
Permalink: https://www.vjmedia.com.hk/articles/2019/07/19/197190/我們將會從一個政治撚,回歸正常生活。