台方處理消極 簽證到期在即 流亡義士:心灰意冷 已有準備回港受審

阿Jack不願望向鏡頭,但單從背影已能感受到一臉滄桑

2016年旺角魚蛋革命後,不少參加者被控暴動罪,最終被判監5-7年,王台仰、李東昇、李倩儀三人流亡海外逃過牢獄之災。逃犯條例爭議七一立法會衝擊過後,據蘋果日報報道約有30名義士先後逃亡寶島,不少香港朋友都關心佢地嘅近況如何。中央專案組特派記者於台北市走遍街頭巷尾,終於成功搵到一位自稱阿Jack(化名)嘅落難英雄,同各位分享一下最新狀況。
 

七一當晚曾遭「抄牌」 隱瞞家人溜夜離港

記者本來邀約西門町一邊飲茶一邊受訪,但對方表示怕耳目眾多,要求改道不會有香港遊客出沒的貧民住宅區豆漿店密談。

21歲嘅阿Jack,生於典型藍絲家庭,本身係大學生。七一當晚衝擊立法會後,離開時曾經被警察路障攔截小巴「抄牌」,還好上車前已將手套等物品丟棄,幸獲放行。隨後警方高調進入立法會搜證,考慮到會有被捕風險,得悉有其它義士經已經抵達台灣,隨即向朋友借錢買機票同行李喼,瞞著家人溜夜出發離去;對於這次落荒而逃,中意睇書嘅佢,至今仍然遺憾未能帶走家中寶藏:「(跟朋友借錢買機票)唔通同我老母講我衝完立法會搞到要攞錢著草咩!其實仲有有好多書想帶過黎,但唔知幾時冇得走,有得走走咗先,身外物嘅野當時理唔倒咁多。」

本來就財力不太好嘅佢,來台後被人權團體接濟生活和臨時住處,從記者口中得知當中有部份為港人團體募款,要求本報代為感謝各界雪中送炭。儘管短期生活不成問題,身處異域,每日透過手機觀看香港最新「戰況」但又無法出力,顯得有點無奈。「本來想去西門町印d單張派下宣揚香港黑警暴行,但又怕文匯大公蘋果拍攝跟蹤,台灣果邊又落咗order叫我地低調,驚害咗其他戰友,最後都係冇成事。」
 

至今未獲通知延簽 登台義士前路茫茫

阿Jack同大部份流亡義士一樣,都係持有效期30日嘅「港澳居民網路申請臨時停留許可(網簽)」入境台灣,距離到期大限愈來愈近,至今未獲告知簽證延期安排,流亡義士圈子裡彌漫著不安。Jack表示,即使獲簽證延期,也不代表事情解決。「前果牌又有人出黎同我地放風話會用『林榮基方案』搞,即係點,無限續簽?唔通要佢地(香港市民和台灣機構)養我地一世?」

他又承認出發前已有在台港人警告台灣政府不願收容,「路係自己揀,你又冇錢去德國,又想留喺一個可以幫香港做d事嘅地方,怪得邊個?」

一聲輕歎後,在記者耳邊無力地透露最近其它流亡同道都已經開始感受到台灣政府態度消極,就是不想多理。除此之外,更時有看到社交媒體新聞上來自台港社運界的冷言冷語,稱台灣政府也要提防共諜、難道要全部香港人都救,故不能打開先例云云。「共乜鬼野諜,你睇下韓國瑜有幾多人支持,就知道台灣渣身證嘅共諜本身就已經多過人啦。」

話雖如此,抵台後不久就有「中間人」傳話要求低調做人否則「好難處理」,縱有說不清的冤屈,還是哭訴無門。

台灣政府處理消極 登台義士前路茫茫

「不過話冇錢買機票去德國係假嘅,要借點都借倒,頂多十年後還,怕去到之後同香港斷咗連繫咩都唔倒係真嘅。」他笑言。

無法自力更新,終日領受台港團體生活支援於心有愧,也未能與香港戰友共同進退,思鄉情緒日漸強烈,阿Jack坦言心灰意冷,並且已有心理準備回港受審,坐完出黎又一條好漢,好過成世唔見得光咁話。倘若落機沒有被拉,就繼續上街示威,「個個禮拜出黎同佢地打到死為止」。
 

專家:林基方案不是方案 住滿一世亦無定居

有消息指台方可能以「林榮基方案」處理30人簽證到期問題,本報記者有幸拜訪近年專注香港海外僑務工作的香港城邦皇室駐台北辦事處處長中出羊子,羊子認為所謂林榮基方案不是方案,即使台方願意無限期延續簽證,簽證仍然屬「停留」性質。倘若是3個月以上的「居留」證件,只要連續5年合法居留台灣183日,就可以申請定居。但「停留」簽證則「住滿一世都唔會有」,而且無法申請健保,無權工作,到他們的特區護照過期後,變相終身監禁台灣。

記者問到申請留學或就業是否可行,羊子回應,在《香港澳門居民來臺就學辦法》的歷史遺留過時法規下,只要最近連續5年其中一年在台停留超過120日,就會失去港澳生申請入學(分發)資格,自「七一大流亡」起計距離2019年結束仲有140日、2020年約五月左右才是分發報名截止日,「即係叫佢地集體燒錢去沖繩住四個月囉,期間仲要出入境日本一次」,部份人本身正在港修讀大學,要順利銜接的話至少要到2020年7、8月才有機會循轉學考辦理,意即「二次流亡」沖繩時間會再多一兩個月;而21歲以上義士也無法申請入學所需要的良民證。

就業方面,外國人來台工作居留,分別公司要有1000萬新台幣資產、基本薪資4萬8新台幣以上。台灣儘管經濟不差,但薪金本來就不高,大學畢業生有32k經已不錯,況且大部份傭主刻薄,為逃避勞工保險都不會將全部薪金列入「基本薪資」而改用獎金方式發放。倘若台灣政府不提供進一步支援,無論入學還是求職,都不見得有運行。
 

援助條文有名無實 身份代碼形同虛設

羊子表示,「七一大流亡」本來就是政治事件引發的流亡潮,港澳關系法第18條本來就有列明:

對於因政治因素而致安全及自由受有緊急危害之香港或澳門居民,得(可)提供必要之援助」

「到底點解唔可以名正言順用政治理由收容,而要一直叫佢地由其它管道申請留台?居留證身份代碼HF177係要黎做乜?(編按:身份代碼HF177 ── 因政治因素而致安全及自由受有緊急危害之港澳居民,經主管機關審查通過者)你蔡英文日鳩日話聲援,吃挺港自助餐吸票,難道就唔可以比佢地一個正當名份喺度安身立命?」

台灣政府至今並無處理收容港澳政治難民申請的標準程序,上述提到的港澳條例第18條和居留證身份代碼HF177至今有否被執行和使用,恐怕是一個謎。昨日香港親建制陣營出動黑社會毆打示威後返家市民,隨著政局日漸混亂,可見會有更多可能被政治檢控或存在人身安全問題者來台求援,羊子坦言:訂立處理港澳尋求收容者審批程序、以至完成《難民法》立法,也是刻不容緩。
 

網民:要令台灣感受壓力 輿論支援濟助義人

香港逃犯條例爭議期間,蔡英文高調「聲援」香港,6月24日民調支持度分別領先韓國瑜、柯文哲。更早前已有社評分析香港「逃犯條例」 救了蔡英文民進黨黨內總統初選

面對台灣政府「挺港自助餐」,近日有香港網民主張必須在輿論上令台灣人知道義士狀況,「間接幫韓國瑜助選」,令蔡英文政府和民進黨感受壓力動用國家資源接濟義士。

網民匿名分享

義士命運何去何從,一切還待蔡政府發落。
 
延伸閱讀:FF去「流亡」嘅你,連罪名都未有點流亡?
 

作者:中央專案組

中央專案組
輔仁李八方,每日遊走於中西環和博愛特區之間,盡收政壇耳語。不要問中央專案組是誰,知道得太多會捉你去坐洗頭艇活摘器官。報料熱線(24小時專人接聽): [email protected]

閱讀後覺得好,請多多讚好及分享~:)

其他熱門文章

  • 我同事笑我唔識用touchpad….. by 緋色雪夜
    「其實你係咪唔識用touchpad?好好用喎~」同事妹妹拎住部macbook坐埋嚟,「不如我教你用touchpad呀。」…
  • 【玩物花絮】正過官方新屋 LEGO集會廣場改建歐陸Jazz Cafe by 阿九
    近期真係冇乜高質素嘅大屋 AMOC 出現喺市面,而官方公佈下年 1 月 3 號正式開賣嘅 10270 Book […]…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 恭喜何君堯終於揾到接班人啦! by 達時製作 (On Time Production)
    何妖能夠孤身(只限香港啫,中國就實有人撐佢嘅)走到今日呢步,殊不簡單。而佢嘅「成功」,亦都感染咗一位等左上位好耐嘅仁兄。佢就係...…
  • How dare you? Because I can. by 諱文
    點都好,首先要恭喜一下Greta本人成為最年輕既年度風雲人物,16之齡得到呢個殊榮證明佢的確厲害;希望佢之後可以真真正正為環境出一分力。點解我會咁講?先唔講佢有班強勁既PR同遊說集團係佢背後撐腰,花少少時間search吓佢背景你就會知得一清…
  • 校服 by 微言
    我對那條藍色裙的認識就只是藍色,及裙,能有什麼改變?可以改動?當然,我相信女生們早已自我分了三、四十派,互相尊重卻各不相讓,守護着自己的傲嬌。老實說,我代表男生們能將她們分為兩派,「短裙」及「一般」兩派。…
歡迎讚好我們的facebook page,免費資訊源源送上。

文章資訊

ID: 197372
Date: 2019-07-22 09:31:27
Generated at: 2019-12-15 20:35:19
Permalink: https://www.vjmedia.com.hk/articles/2019/07/22/197372/台方處理消極簽證到期在即-流亡義士心灰意冷