敵人嘅敵人就係朋友

被質問為何太遲到現場 警員指「無睇錶」

【警員指不知收Call時間】有記者於近凌晨十二時,於港鐵元朗站外追問警察為何未有及時趕抵元朗站,阻止混亂發生。一名自稱是八鄉分區指揮官李漢民的警員指,自己收到報案時「無睇錶」,所以不知道當時是幾點,又要求記者不要質問他,並指記者問問題不會令他害怕。#香港電台 #元朗襲擊

香港電台視像新聞 RTHK VNEWS 發佈於 2019年7月21日星期日

 

「為求達到目的,不擇手段。」——呢一句說話相信大家既五官都感受到。

琴日既遊行路線以至途中既安排,的而且確係一個策略 ,但呢班不擇手段既人絕對無諗過無佈防反而更和平更正常——想一開波就 “ Do something” 呢個如意算盤打唔響。

呢一邊廂警察狂掟催淚彈同埋開槍射喺現場留守既人以及記者 ,而另一邊廂黑社會追打番參加完遊行番屋企既人同埋趕到現場既記者——而當中有個大肚婆亦都俾呢班黑社會打到訓低, 警鄉黑呢個鐵三角唔到你唔信。

港共政府所做既每一樣野都係一本活生生既「毛澤東思想」教科書。

由2014年藍絲打完人之後被警察「護送」離開,到2019年光復屯門女廁門口「保護」娜娜,都好明顯地話俾大家知 「敵人既敵人就係朋友」——就算明知道個阿叔打完人非禮完人、個強國蝗拎刀出黎扮食生果一樣都無問題 ,因為大家已經係警察(以致呢個政權)眼中既敵人,除之而後快果種。

同樣地「人民鬥人民」都係由2014年開始直到今時今日,只係由收錢做野得把口既烏合之眾(So-called 愛港、正義)變成真係郁手既黑社會,目的都係做一場大龍鳳等「目標觀眾」知道連其他人都頂唔順呢班「反對派」,去合理化接下來會發生既事。

呢兩大思想既完美結合,正好解釋哂最近所發生既荒謬絕倫之事,所以唔好再對呢個政府有任何遐想——佢地只會隻眼開隻眼閉 。大家一定要自己保護自己,睇番琴晚班黑社會施施然打人打記者,之後兩手FingFing 入圍村就清楚明白呢三角點樣「打籠通」。

對呢班不擇手段之人黎講打死左市民都係「Who fucking cares,太陽如常升起」,因為唔會阻礙到其最終目標——鞏固政權(即係錢,所以點解要同時向台灣埋手)。

呢個時勢,一定要好好保護同裝備自己!因為只有自己人先會救到自己。

 

作者:陽光宅男

陽光宅男
人如其名,只係一個有陽光氣息既宅男,鐘意打機9up講笑話但懶到出汁,保證大家完全估我唔到。FB PAGE 陽光宅男Ken

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 197462
Date: 2019-07-22 22:07:15
Generated at: 2020-10-31 15:14:04
Permalink: https://www.vjmedia.com.hk/articles/2019/07/22/197462/敵人嘅敵人就係朋友