我犯賤

 

自從六月中以來,全世界都見到普遍香港人經歷緊咩生活。呢啲唔再係旅發局對外嘅宣傳片——吃喝玩樂,好客迎人,一片繁榮。我哋爭執不繼之餘,有人講打講殺,有人頭破血流。我甚至懷疑呢一刻,香港除咗樓價第一外,仲係全球最高抑鬱病比例嘅先進城市。

原來香港人犯賤成咁!

我哋明明做到隻牛咁,好唔容易有假期休息,偏偏個個星期去遊行,行到身水身汗;

我哋無人當過兵,但而家個個都知點應付胡椒噴霧同催淚彈,甚至有唔少人要親身體驗過先安樂;

我哋係傳統醒目仔,世界仔就係邊幫有錢就幫邊幫,你睇姓何個議會幾識撈!但係我哋竟然既愛賺錢,又要底線,黑同白要分得清清楚楚,連屋企都返唔到,攞苦嚟辛;

我哋上網唔洗翻牆已經有萬種娛樂,點知個個去晒睇新聞,睇直播睇到唔瞓覺。明明有個大台剪好晒片比你,唔駛你諗就可以收晒,你都唔睇。

我哋呢期突然犯賤嗎?錯晒!我哋係一向都賤骨頭。

只要你肯冒下風險,我哋立即可以用全國最方便嘅支付方式,偏偏仲有一大班人死守張實體卡;

只要你肯放棄母語,我哋立即可以轉講全世界都俾錢學緊嘅語言,偏偏仲有一大班人連好客之道都唔明,人哋嚟香港讀書或聽講座,係要人聽廣東話;

只要你肯隻眼開隻眼閉,我哋成個城市就會和諧晒,偏偏仲有一大班人講出或寫出啲睇唔過眼嘅事情,通街貼memo 紙之餘,比人打都唔還手!

係!香港人就係咁犯賤!

我哋為咗正確同正義嘅事,再犯賤啲都仲可以!

如果你尊重香港既有文化,規規矩矩,安安份份,嚟旅行,嚟留學交流,甚至攞少少油水,我哋仲要搵食,唔會得閒理你。

但係如果你當嚟旅行就自己係大爺,嚟讀書就可以打爛民主牆,嚟嫁完人就當街做雞,或者用自己一套意圖控制我哋,甚至以為我哋會驚咗你的話,我同你講:

你過主啦!

 

作者:之樂

之樂
常言道:「知足常樂」。只要凡事沒要求,那就不是最快樂嗎?於是,之樂樂於成為宅男一「枚」,睇睇女,寫寫字,足矣!

閱讀後覺得好,請多多讚好及分享~:)

其他熱門文章

  • 【PR】開放世界獸人 x 功夫動作 RPG《BIOMUTANT》今月推出多平台對應 by VJGamer
      Epicsoft(Hong Kong)Limited 今日宣佈,由 Experiment 101 […]…
  • 正常生活 by 健吾
    當我看到新聞評論,大家都在一面倒的討論感染者的「私德」不檢,導致大家連假都沒了。這樣子的狀況,似曾相識。就好像是,當愛滋病流行之時,「普通人」、「未感染者」把所有同性戀者的性慾當成是罪,只要你有「性行為」,你就是錯。…
  • 《無限斜棟有限公司》的政治意味 by Terence Yun
    除了三人家庭背景在暗示著一些政治符號外,其實這個三角戀也是一種暗示,盧慧敏周璇兩人之間,兩位男方常強調要求盧決定選擇其中一個,但盧知道兩人都是她的所愛,不能沒有任何一個,不可以失去其中一個,所以盧非常強調不願意選,不想選擇,她只想唯持現狀,…
  • 梅艷芳與姜濤——看一個時代的轉變 by Terence Yun
    香港娛樂產業一如早前提及是需要投資,不能短視,長線投放資源,才能培養一代藝人…
  • 葉劉請你遠離Mirror by Terence Yun
    政客向來都是嗜血的動物,見到一些市場上有價值的,便會撲過去拿著數,Mirror近期火紅,政客們也不忙關顧一下。有人提議姜B打針以鼓勵年青人打針便是例子,而花姐亦很懂技術推卻,可見她是一個高手。建制政客也不會執輸,葉劉淑儀建議Mirror同E…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 197515
Date: 2019-07-24 00:10:27
Generated at: 2021-05-15 16:34:36
Permalink: https://www.vjmedia.com.hk/articles/2019/07/24/197515/我犯賤