做保安做到打風後射波,你估下佢用咩理由?

 

 

首先,介紹一下將要出場嘅「黑主任」。點解咁樣稱呼佢?因為佢成日參加毅行者、渣馬、長跑同三項鐵人,加上膚色拗黑、外貌同氣場似足黑X會大佬。其實佢份人好nice 、好肯分享經驗俾小弟。未做物管前,「黑主任」拎住「碩士沙紙」做跨國公司嘅香港區經理,所以小弟覺得佢轉行做物管真係大材小用,甚至覺得就業錯配浪費咗佢。

話說「黑主任」對住「天才同事」就會秒變黑X會大佬。當中嘅「鶯鶯燕燕」,就要由某次颱風講起。眾所「鳩」知,打風前後風後一定係最忙;加上個風又打得勁屋苑又臨山近海、樓齡又有番咁上下…….唯有講句:祝 我哋好運、我真係恭喜你!唔知「天才同事」喺真心傻定真心叻,風後第一日開工就一個華麗轉身「射波」,仲要喺射足幾日。結果,搞到「黑主任」同「賤嘴同事」硬食,夾硬幫佢執掂風後啲手尾。兩位當然好不滿,但又唔可以等佢返嚟做,皆因啲客已經嘈到拆天再拖就攬炒,大家都無好日子過。

某日,《業委》舉辦嘅新春行大運一日遊。
我:「[賤嘴同事],你估下[天才同事]會唔會射波?」
賤嘴同事:「唔駛估,打賭咩到得,肯定又射。」
吹水經理:「唔駛等佢,佢打咗電話嚟,話要陪老豆去醫院睇心臟科。」
我:「星期日,去醫院睇心臟科?」
吹水經理、賤嘴同事異口同聲講:「不 要,問只要信。」
黑主任:「[天才同事]一定唔會出現。我無同你講過;上次風後佢射完波返嚟,我就放狠話。我拍晒檯兼用手指指住佢咁講:[你唔好 part 我,你part 我一定玩謝你!你咁鐘意不負責任,自以為醒目走精面嗱!]佢知道今日part我,又要同架旅遊車,所以佢實唔夠膽返嚟。」
我:「好強嘅氣勢呀!」
(心暗[黑主任]絕對不能得罪)
然後,我哋準備好就出發去「受刑」。

後記:點解喺「受刑」?「一日遊」本身就係一個「懲罰活動」,懲罰管理處仝人嘅活動。「一日遊」嘅故事,下次有機會再續。

 

作者:六月的物管

真係做左六個月物業管理

閱讀後覺得好,請多多讚好及分享~:)

其他熱門文章

  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 大埔浸信會借 Nick Vujicic 籌款事件補充 by Do Chan
    聚會的定位是「佈道暨擴堂籌款」聚會,這一點是令很多人勃然大怒的。我猜想,其實主辦方並不是想非信徒買票聽福音,他們的目標其實是教會內的富貴會友,他們買票捐錢給教會,教會還以阿 Nick 親身講見證,本意是想雙贏,但結果卻釀成公關大災難。敝教有…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 197565
Date: 2019-07-26 05:28:52
Generated at: 2022-08-09 06:52:07
Permalink: https://www.vjmedia.com.hk/articles/2019/07/26/197565/做保安做到打風後射波,你估下佢用咩理由?