關於「光復香港,時代革命」

 

呢句係梁天琦喺2016年初參加新界東補選時嘅口號。其實喺2016年1月初梁天琦宣布參選時,仲未有呢句口號。當時宣布參選嘅記者招待會上嘅新聞稿公布嘅選舉口號係「知行合一,世代革新。」

喺2016年嘅一月下旬,天琦約左青年新政嘅召集人梁頌恆同另一位成員上當時本民前位於土瓜灣嘅辦公室商討選舉策略。(因當時本民前缺乏選舉經驗,所以好多時都會向有區選經驗以及時有合作嘅青年新政請教)因為覺得當時嘅口號唔夠搶耳,立場亦唔夠鮮明,所以當晚幾個人就喺Office嘅露台構思新嘅選舉口號。其實參與補選嘅主要目的係宣場本土理念同宣傳本民前,而本民前當時最為人熟悉嘅就係佢哋2015年喺屯門、沙田、元朗、上水等地區發起嘅光復行動,所以就想喺選舉口號上用「光復」嘅字眼,提醒選民本民前係喺街頭抗爭爭取香港人應有權利嘅抗爭者。因為係新界東補選,Brainstorm 嘅過程有諗過用「光復新東」,但因為嗌起黎唔夠順口,最後就再放大到用「光復香港」,聽起黎搶耳,講起黎又順口。

 

至於口號嘅後半部份則係由原本嘅「世代革新」進化而成。用「革命」一詞切合本民前嘅政治理念同鮮明嘅組織定位。而當晚則喺「時代革命」同「世代革命」嘅選擇之間,未有決定。最後天琦思前想後,覺得革新同改變唔係取決於人嘅年齡,而係取決於人嘅思想有冇追上時代嘅步伐,所以決定以「光復香港,時代革命。」作為選舉口號。

其實當時本民前喺大眾媒體同埋市民眼中只係一個名不經傳嘅組織,參與一個社會上無乜人討論甚至係連新界東選民都無乜留意嘅地區補選。個選舉口號講到咩光復香港又革命咁,嗰時覺得真係有d誇張。但天琦同台仰係眼光好遠大嘅人,相信佢哋當時都好清楚佢哋參與嘅唔止係一場選舉,而係香港人捍衛香港民族嘅運動。當然我諗佢地都預計唔到往後嘅事情係會咁發展。

「黎明前嘅黑暗係至撚黑暗。」呢幾年,經歷過種種打壓後,大家都曾經意志消沈。但無人諗到今年會因為逃犯條例條訂而引起一連串嘅政治風波,更加無人諗到三年前嘅一句選舉口號,今日會喺街頭嘅戰線上再次從抗爭者嘅口中嗌出黎。雖然我地依然身處伸手不見五指嘅環境之中,但只要你伸出手,就會有温暖嘅手拖著你,因為我地有戰友喺身邊,即使再黑暗都唔使再驚。

香港人只要堅定共同前行,堅信光明必定會驅走黑暗,我地最終必定會迎來明媚嘅晨曦。

 

作者:何夢

何夢
大學畢業後無業幾年,自稱專業廢青。而家塭到正職,決定疊埋心水全力邁向廢中之路。

閱讀後覺得好,請多多讚好及分享~:)

其他熱門文章

  • 【遊戲新聞】IGN PS4 最佳遊戲名單出爐 三甲真係估你唔到 by 五木
    之前《The Last of Us 2》世界各地遊戲媒體不約而同地大讚,外媒 IGN 更係其中一間比 10/1 […]…
  • 民主黨區議員任國棟,究竟有幾憎貓? by 鳩文瘋
    袁教授三番四次提醒任國棟議員,貓傳人的機會很微,多半是人帶著病毒,惟任國棟議員仍鍥而不捨地對貓咪趕盡殺絕。…
  • 【懷疑跨境口罩騙案】黃世澤德國口罩代購苦主申請退款被公開個人資料,知情者呼籲援引歐盟GDPR 追究 by 容樂其
    黃世澤利用香港人對口罩的熱切需求,懷疑收錢但無貨,申請退款則被恐嚇,執法部門應該介入,我地呢啲傳媒只可能將苦主訴求公諸於世。…
  • 論「識玩」 by 健吾
    小粉紅畫了一個網民們玩的舊gag(加一個字毀掉一套卡通)《多啦av夢》,大玩訕笑同志情節,屎尿屁精笑位廣傳,令大家好像很開心。 後來,一覺醒來,大家發現,原來此位畫師,為國內小粉紅,曾指「黃之鋒比屎更嘔心」。於是,又有人又高呼「炒車」…
  • 分手的理由 by BEAR 兒
    有一次她穿着透視睡衣,含羞答答地拿着支白色洋燭和皮鞭,然後低聲說着:「我今晚想給你一個驚喜。」他就像頭野獸般撲到她身上,似是要把她的靈魂也噬得一根不剩。那夜你發現了這一切,你憤怒你叫罵你哭喊,你抓着他肩膀追問原因,把伸手可及的東西都掉爛,除…
  • 【劇透慎入】拆解《半澤直樹》大結局 by 林兆彬
    (終極超級無敵劇透,慎入)這個結局據聞在日本的反應兩極化,有觀眾認為結局很棒,但也有觀眾覺得很失望。無論怎樣也好,據聞電視台已準備開拍續集,改篇原著的第三部小說《失落世代的逆襲》,不知道是以電影還是日劇的形式製作,屆時一定會再次牽起熱潮。《…
歡迎讚好我們的facebook page,免費資訊源源送上。

文章資訊

ID: 197626
Date: 2019-07-28 16:04:59
Generated at: 2020-08-07 16:04:23
Permalink: https://www.vjmedia.com.hk/articles/2019/07/28/197626/關於「光復香港,時代革命」