【人人都可以做父母】助養戰場上身邊嘅細路

 

– KEVIN CHENG PHOTOGRAPHY- 發佈於 2019年7月25日星期四

 

網上面有一大堆人突然話要去資助啲細路去購買話劇道具同埋支援佢哋嘅三餐加埋車費,咁本身都唔係一件壞事。但係我就發覺到好多人嘅討論都好離地,唔係話你哋嘅出發點唔好,之但係好多時要考慮實際阿。

打呢篇嘢主要係想講返啲(我覺得而家啲細路,同埋問過啲真實嘅細路)比較現實嘅問題,同埋想做一樣嘢,話說我寫咗文咁耐,絕對有客觀因素證明我一定唔係鬼,我覺得響呢啲時候如果可以用呢個身份去做到啲嘢去消除一啲實際操作上嘅尷尬,我應該做。

有句嘢想講咗先,各位細路,如果有任何需要,任何急切需要同埋任何嚴重需要,歡迎立即搵我個page《外賣仔 遊歷記》

細路注意,請勿接受來歷不明嘅父母協助
好啦,呢度開始係俾啲愛心爆棚嘅父母睇嘅。

首先,唔好諗住你非常善心爆棚,就可以幫助到啲細路,你嘅善心係好,但係人有自尊架,例如你直接請佢食飯,佢唔會好受。你試想像下,不斷問人攞資助食飯,自己又唔係付出咗啲咩咁,真係會覺得好自卑架。你要請佢食飯係得,但係唔好令佢自卑好重要。

第二,個細路可能已經冇晒錢,連搭車都有困難,如果住新界大西東北嘅細路車費係非常高昂車費有得幫手就好幫啦,先感謝各車隊。(但係有細路同我講出去唔知點……..)

第三,請諗方法幫助嘅時候唔好幻想個細路可以搭幾蚊車以至十幾蚊巴士去搵你救命。

第四,見到有人話想資助啲細路買話劇道具。係得嘅,但係要諗下個細路有冇辦法接收先,同埋如何可以做到有效分配資源兼可以做好多場話劇先。仲有,都係嗰句請諗方法幫助嘅時候唔好幻想個細路可以搭幾蚊車以至十幾蚊巴士去搵你。
留意返,你幫佢買話劇道具係可以減輕人哋負擔,但係並不代表佢會有返能力食飯。

第五,個細路可能成個月都無返過兼職(甚至可能十幾歲無返兼職),有空閒時間都只會去表演話劇,唔好幻想啲細路會有收入。

第六,有細路同我講話佢哋同屋企反咗面,想搬但係無能力。或者有時太夜返屋企,無地方瞓,要訓公園。要解決住嘅問題呀

講到呢到,如果啲細路實際上有咩問題要解決,但係我無寫嘅,歡迎pm 我講

各位細路,如果有任何需要,任何急切需要同埋任何嚴重需要,歡迎立即搵我個page《外賣仔 遊歷記》

 

 

作者:外賣仔

外賣仔

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 197657
Date: 2019-07-30 05:38:31
Generated at: 2019-09-19 05:33:56
Permalink: https://www.vjmedia.com.hk/articles/2019/07/30/197657/【人人都可以做父母】助養戰場上身邊嘅細路