【權威解讀】好想知道黨中央認為香港警察喺民族黨(已取締)個武器庫搵到乜嘢爆炸品同埋毒品

 

【香港警方搗毀暴力分子武器庫:再拘捕7男1女】香港警方1日晚搜查火炭區一座工業大廈,查獲一處暴力分子武器庫,搜出攻擊性武器和物資,拘捕7男1女,包括已被香港特區政府取締的非法組織“香港民族党”召集人陳浩天。他們涉嫌藏有攻擊性武器、無牌藏有爆炸品及無牌售賣“第一部毒藥”。

人民日報發佈於 2019年8月2日星期五

 

香港嘅社會亂局已經上升到國家日日關心嘅層面,人民日報個面書專頁,而家連蚊茲咁細嘅香港,入面嘅偏遠新界地區入面嘅後工業息微工廠區(aka 火炭)入面搵到「武器庫」,都要走去報導。反而新疆有幾多東突份子,就顯得唔太重要。

人民日報係中國共產黨嘅喉舌,人民日報社係直屬中共中央政治局,係正部級機構。

我比較重視嘅,係呢個報導入面,中央最關心民族黨(已取締)嘅武器庫入面有啲乜。

中央希望社會各界認同,喺呢個偏僻嘅民族黨(已取締)嘅貨倉(亦即係中央話嘅武器庫)入面,有1)攻擊性武器、2)爆炸品、3)毒藥。

 

喺香港,攻擊性武器係咩?其實好簡單,揸住嘅時候懷疑你有攻擊意圖就得,俗啲講,好鳩的;調返轉講,廚師揸菜刀肉刀骨刀,佢只係想攻擊舊冬瓜或者豬腩肉,咁張刀就唔算攻擊性武器。

我想知道,喺個武器庫入面,具體來講搵到乜嘢武器?會唔會係攞你命三千?定係十大武器之首摺凳?

 

而爆炸品,定義真係好化學。i mean,呢個世界好多化學物質都可以爆炸。打邊爐嘅gas 罐可以爆、噴髮膠可以爆,甚至大貨車嘅輪胎爆係可以炸死人。

天水圍早兩日有人向圍堵警署嘅暴徒拋燃點中嘅煙花,煙花就肯肯定係爆炸品。

我想知道,個武器庫入面,搵到幾多支火箭炮、幾多粒手榴彈、幾多舊C4,等香港人可以警惕下,無乜嘢都唔好入火炭。

(利申住馬鞍山)

 

中央話火炭有毒藥賣,呢個係好嚴重嘅指控,茲事體大,一定要睇下香港個毒藥名冊,第一部毒藥有啲乜嘢,搞到要中央關注。

我唔係讀藥劑,睇唔曬個表呀,呢排興物資站要哮喘藥,Google 下,搵到個成份叫「沙丁胺醇」,即係屬於第一部毒藥喇

 

 

正所謂,我褲都除埋,黨中央你俾啲咁嘢我睇?

同一個表,可卡因(堅係毒品)又有,可待因(咳水)又有。

 

 

黨中央,其實一次過飲三公升清水,都會中毒死的,不如你講清楚搵到乜?

希望權威人士快啲出來釋除我呢啲無知之徒嘅繆誤啦。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 【LEGO快訊】LEGO迷你兵團正式登場 by 阿九
    講左好耐嘅 LEGO 迷你兵團終於都喺紐約玩具展前席正式登場!暫時公佈嘅產品總共有 5 款咁多,而當中以 75 […]…
  • 【劏房生活實錄】連打飛機/捽碟都怕被鄰居聽到. . . . . . by 一百八十呎
    上次講過我同隔嚟屋只係一板之隔,夜晚瞓覺連人哋呼吸聲都會聽到。人哋屋企又有小朋友,可想而知,捽碟的話我一定要帶耳機。試過唔記得戴,一開就大大聲「澳門首家線上賭場上線啦」,嚇到我心都離一離,人哋唔知以為我沉迷毒海都唔好啦。…
  • 【引爆中國】(二):中國沒有不分裂的本錢 by 薰華
    上次講到葛劍雄《統一與分裂》提出,中共政治政確下嘅標準計,中國歷史上只係統一過81年,而依照傳統中國所講嘅統一嚟計,其實中國亦都只係統一過950年。咁即係話,無論你中意由夏后帝啟開始計、由成湯開始計、由周召共和開始計、由秦始皇開始計,定係由…
  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【引爆中國】(一):中國只係統一過81年? by 薰華
    「支爆」呢個term,筆者都聽咗好幾年,然而每次話支爆,結果都好似不了了之咁,直至今年武漢肺炎大爆發,有朋友就開始盤點下現時中共所面對嘅所有問題,發現係歷朝歷代滅亡前夕嘅事件嘅大集合。既然係咁,筆者亦都想講下到底歷代嘅統一同分裂,背後究竟係…
  • 【引爆中國】(三):統一之後…… by 薰華
    今日唔係想講秦漢之際喺中原發生嘅事,而係睇下喺我哋呢頭,嶺南一帶發生嘅事。…
歡迎讚好我們的facebook page,免費資訊源源送上。

文章資訊

ID: 197737
Date: 2019-08-02 17:16:17
Generated at: 2020-02-24 17:21:06
Permalink: https://www.vjmedia.com.hk/articles/2019/08/02/197737/【權威解讀】好想知道黨中央認為香港警察喺民族