當鐵路罷工時

香港的 都市捷運、近郊火車,分別師承自 倫敦地鐵、(舊)英國國鐵,鐵路處所的保安由警方負責嘅措施,亦係由英國人引入本港。

 

警方於鐵路處所巡邏

 

倫敦地鐵除咗車站多達 200 多個、路軌長達 400 公里,罷工次數都多達每年平均四、五次。工業行動主要由當地三個工會:全國鐵路、海事、運輸工人聯會(RMT)、司機及司爐互助社(ASLEF)、運輸業受薪職員協會(TSSA)發起,最常見嘅原因,不外乎是 員方 與 管方 就薪酬待遇談判破裂;有時則係雙方因政策爭拗而導致。

 

其中,港鐵於 2015 年開始以管理合約方式,代表倫敦運輸局營的「倫敦運輸局鐵路(TfL Rail)」,即將來的伊莉莎白綫均有職員為 全國鐵路、海事、運輸工人聯會、司機或司爐互助社 的會員,所以兩個工會都有派人到香港交流,參觀港鐵的本地客運業務。

 

倫敦地鐵的工業行動告示

倫敦地鐵的工業行動告示(太陽報、晚旗報)

 

行動多數先由工會討論細節,再經會員投票取得共識,由於溫布頓網球賽的場地,以及英超球隊嘅主場,如車路士、水晶宮都喺地鐵站附近,行動好多時會趁乘客準備睇球賽,或者係準備番工時開始,且持續 24 小時,以喚起關注。

 

工會又有時會因應議題,號召個別行車綫的所有會員罷工,方式包括集會、不簽到上班等。有啲特別情況下,例如 2016 年倫敦運輸局準備取消全綫地鐵站的票務處時,就以動員車站職員為主,造成即使司機照樣開車,都因為車站根本無開門,列車只能一直「飛站」至可以上落乘客嘅月台為止。

 

列車因車站關閉而要不停站(BBC)

 

至於巴黎、紐約等地嘅鐵路所牽涉的工會規模龐大,佢地可能為響應會內其他行業嘅需要,例如是航空交通管制員、貨車司機等的聯合行動,而一併癱瘓地鐵、火車服務,繼續發展成「全城大罷工」,但職員都可能會繞過工會程序自發參與工潮,喺「無大台」之下只要人數足夠便可行動,更可能事前唔會向公眾預告,稱為「野貓式罷工」。

 

因地鐵罷工而出場的倫敦古董巴士(鏡報)

因地鐵罷工而出場的倫敦古董巴士

 

今年係港鐵服務第 40 年服務乘客,在港島綫通車前的 1984 年,地下鐵路公司的車務人員曾兩次因新的輪班安排,勞資糾紛的茅盾逐漸出現,最終釀成工業行動影響列車服務。

 

不過,當時本港法律未臻完善,社會氣氛又同今日截然不同,先有員工家屬扶老携幼苦勸靜坐者退出工潮,免得「打爛飯碗」影響生計;後有管方採取強硬措施,喻限時前未復工者將被即時解僱,結果工潮草草告終。

 

環顧世界各地,集體運輸一但出現工業行動,社會都有不同反響,由 1970 年代日本國有鐵道因按章工作,乘客苦候多時「無車搭」而爆發騷動,及至今日倫敦不時仍有呼聲,指應該加強推廣無人駕駛列車,讓大眾可以毋須再受罷工困擾,一勞永逸。

 

 

說明民意未必理解罷工背後的理由,除非發起工業行動者事前與大眾的溝通非常充足,與民眾有共同訴求。但唯一可以肯定嘅係,世界各地嘅乘客遇上罷工時,都會指責管理層未有克盡己任,至會令社會嘅大動脈不能如常運作。

 

 

作者:MTR Service Update

MTR Service Update
數碼媒體平台上影子的鐵路公司溝通渠道, 專注於乘客資訊的工作,目的為示範公共事業之應有水準,服務範圍 ➡️ metroride.hk/ServiceScope

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 「媽劇停」之苦 by 小盛女
    最緊忙緊咩?忙緊請人,你無睇錯,我終於可以請人喇!唔使再一個人頂晒所有嘢,好感動!起初我滿心歡喜,以為會有好多CV send過嚟,點知原來10份都無,仲要有幾份係印度人,我唔係歧視佢地,只係唔識中文真係搞唔掂,好難勝任「媽劇停」嘅工作。…
  • 【邊度囡囡最好?】日本妹世界第一 by Ban Na Wong
    日本妹擁有純潔既氣質,動人既笑容,楚楚可憐既眼神,返到屋企會同你講「哦街li」,較埋熱水俾你沖涼,煮好飯等你食等等,嗚呀真係頂唔順,好想..........以上呢D,日本妹稱之為女子力…
  • 香港警察的政治智慧 by 健吾
    當時特首梁振英叫盧偉聰向習近平交代香港犯罪率情況,盧偉聰即說道:「現在我們的犯罪率是1978年以來最低的一年。」習近平指出香港社會情況變得複雜,人口亦愈來愈多,但犯罪率反而有所下降。盧偉聰答道:「要感謝我們內地的公安部對我們的支持,沒有他們…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【轉工適用】Reference Check 又黎料啦 by HR 扮工週記
    Reference check 一般會喺個 Candidate 拎咗 Offer 之後做,公司會跟據 Candidate 俾嘅資料,然後向以前嘅僱主查詢所提供資料係咪屬實。不過唔係所有公司都會做,一般某啲特定行業或者有少少規模嘅先會去做。其…
歡迎讚好我們的facebook page,免費資訊源源送上。

文章資訊

ID: 197764
Date: 2019-08-03 21:13:33
Generated at: 2022-07-02 04:05:38
Permalink: https://www.vjmedia.com.hk/articles/2019/08/03/197764/當鐵路罷工時