退無可退,只有堅持落去——屯門三罷發言

 

作者巫堃泰——屯門公園衛生關注組召集人

 

各位屯門人、元朗人、天水圍人、新西人、香港人:

7月6日光後屯門公園之後,我哋屯門人再次聚集一齊。我哋更加歡迎大西北,元朗天水圍同其他區嘅朋友嚟到屯門嘅三罷集會

 

堅持五大訴求  林鄭下台

97年之後,香港主權被移交到北京手上。自此之後,大家見證制度衰落同失敗。大家諗吓,屯門公門噪音同大媽問題,搞住大家成十幾年。要成一萬人行出嚟喇,區議會、康文署同慈母先至做果少少嘢。特區政府連大媽都解決唔到,大家睇吓,所謂嘅「一國兩制、港人治港」係幾咁失敗。

政治問題,本來說就應該政治解決。但大家睇吓,呢個北京把持嘅特局政府,過去22年嚟做過啲咩好嘢出嚟。2000年,董建華宣佈殺咗市政局用區域市政局,諗住陰乾進步力量。點知養到一班康文署同食環署嘅官僚,做嘢得個hea 字,我哋香港人同議員質疑佢哋就擺官威。董建華任內壞事做盡,今日呢個同美國拍晒膊頭嘅二世底,仲無憑無據話我哋反送中運動係由外國勢力策動,收咗外國錢。你當年搞23條一鑊粥,今日仲含血噴人,可唔可恥?

北京拎咗香港之後,先廢立法局,搞個自己欽點嘅臨立會,一年之內閹割立法會提案權,閹割集體談判權,恢復公安條例惡法。而家義士嘅冤獄,全部都係拜民建聯工聯會一眾親北京派,喺臨立會做嘅好事,大家話要點樣處理佢哋呀?

北京走數香港人真貨雙普選十幾年,干預司法唔告胡仙。0371後自己犯基本法22條,成日派中聯辦出嚟搞事。近年嚟見後生仔反抗,竟然唔係解決問題,而係去解決提出問題嘅人。叫政制局DQ候選人,甚至將佢哋拉晒去坐監。呢啲係咪暴政呀?

今次送中修例,林鄭聯同李慧琼周浩鼎騎劫台灣慘案潘家家長。我自己為咗呢件事,飛過幾次台灣,唔似果兩位民建聯兩位議員得把口講,同台灣唔同部門傾點樣處理。你林鄭、行政會議同立法會議員唔做,我做咗喇。人哋已經俾晒牌你諗埋辦法俾你,有幾個方法可以處理引渡。你班人偏係要搭單拉埋啲中國在港富豪,先搞到單嘢咁疆。搞成咁,你林鄭仲賴香港人?李慧琼同周浩鼎而家知大鑊,就走嚟叫陳生自首,將自己責任割到一乾二淨?你有冇賤格啲呀?

13萬人行出嚟,你唔理
30萬人行出嚟,你都唔理
75萬人行出嚟,你話照樣二讀
200萬人行出嚟,你出催淚彈

我哋香港人,俾晒機會你哋班777票內閣,你睇吓搞咗啲咩出嚟?你就係硬頸,一味派慈母,一班只係讀過毅進,只有法冇治嘅爪牙出嚟,亂扑人、催淚彈同胡椒放題、打記者、尋晚仲除女義士底褲!然後求其拉,困足48個鐘,然後掟上庭,告暴動。仲唔夠,側翼仲出埋黑社會搞恐怖襲擊。你話林鄭同恐怖組織有咩分別?

 

我們不是暴動  撤回義士撿控!

今朝劏房波話,再搞落去,香港經濟記搞唔掂。我就話,廢話!今日嘅正宗香港人,中年嘅買唔到樓,因為俾中國人走資買貴晒。想做生意?俾中國人炒舖炒到咩都團唔到皮。後生仔,就要同中國學生搶學位,搶飯碗,住司長家族投資嘅劏房。你話經濟唔掂,又關我哋咩事?

我哋冇嘢可以輸都算,只可以話生不逢時,爛命一條。但你民個特區政權,引入單程證大媽,洗腦教育,普通話殘體字溝淡香港,仲要我哋包容娜娜,包容大媽,包容拳頭行先嘅劣質文化,你叫我哋點忍呀?林鄭上台後,更加叫低增值人士請離開香港,去大灣區甚至萬山群島,騰出空間俾高增值人士進入。佢哋想DQ嘅,想殺害嘅,係我哋一代人,一代真正愛香港嘅土生土長嘅香港人。假如呢一仗我哋輸咗,我哋呢一代同下一代將會慘絕人寰。中國同新疆地區乜嘢信用評分、人面AI監控甚至以教育為名嘅集中營,就係我哋呢一代同下一代香港人嘅命運。所以,我哋退無可退  堅持落去!

黎明前嘅黑暗真係好黑暗。但是天色漸漸光,這裡有一群人,為了守護我們的夢,變成更加勇敢的人。大家都好辛苦,但大家只可以繼續頂落去,直到香港可以由番香港人話事。

光復香港 ,天佑我城!

 

 

作者:巫堃泰

巫堃泰
屯門區議會民選議員(2020-2023),香港大學法學(人權法) 碩士,香港機場發展關注網絡發言人。曾參與香港電台節目評論時政,並經營民間網上電視台。熱衷公共政策及管治研究,從過去到現在積極參與公民社會組織及倡議,創造多項時政惡搞產品,期望用創意改變社會。

閱讀後覺得好,請多多讚好及分享~:)

其他熱門文章

  • 【遊戲新聞】IGN PS4 最佳遊戲名單出爐 三甲真係估你唔到 by 五木
    之前《The Last of Us 2》世界各地遊戲媒體不約而同地大讚,外媒 IGN 更係其中一間比 10/1 […]…
  • 民主黨區議員任國棟,究竟有幾憎貓? by 鳩文瘋
    袁教授三番四次提醒任國棟議員,貓傳人的機會很微,多半是人帶著病毒,惟任國棟議員仍鍥而不捨地對貓咪趕盡殺絕。…
  • 【懷疑跨境口罩騙案】黃世澤德國口罩代購苦主申請退款被公開個人資料,知情者呼籲援引歐盟GDPR 追究 by 容樂其
    黃世澤利用香港人對口罩的熱切需求,懷疑收錢但無貨,申請退款則被恐嚇,執法部門應該介入,我地呢啲傳媒只可能將苦主訴求公諸於世。…
  • 論「識玩」 by 健吾
    小粉紅畫了一個網民們玩的舊gag(加一個字毀掉一套卡通)《多啦av夢》,大玩訕笑同志情節,屎尿屁精笑位廣傳,令大家好像很開心。 後來,一覺醒來,大家發現,原來此位畫師,為國內小粉紅,曾指「黃之鋒比屎更嘔心」。於是,又有人又高呼「炒車」…
  • 分手的理由 by BEAR 兒
    有一次她穿着透視睡衣,含羞答答地拿着支白色洋燭和皮鞭,然後低聲說着:「我今晚想給你一個驚喜。」他就像頭野獸般撲到她身上,似是要把她的靈魂也噬得一根不剩。那夜你發現了這一切,你憤怒你叫罵你哭喊,你抓着他肩膀追問原因,把伸手可及的東西都掉爛,除…
  • 【劇透慎入】拆解《半澤直樹》大結局 by 林兆彬
    (終極超級無敵劇透,慎入)這個結局據聞在日本的反應兩極化,有觀眾認為結局很棒,但也有觀眾覺得很失望。無論怎樣也好,據聞電視台已準備開拍續集,改篇原著的第三部小說《失落世代的逆襲》,不知道是以電影還是日劇的形式製作,屆時一定會再次牽起熱潮。《…
歡迎讚好我們的facebook page,免費資訊源源送上。

文章資訊

ID: 197807
Date: 2019-08-05 15:31:11
Generated at: 2020-08-07 23:55:18
Permalink: https://www.vjmedia.com.hk/articles/2019/08/05/197807/退無可退,只有堅持落去-屯門三罷發