定性不斷變

 

又黎啦,《宮心計5 之 驚你唔死啦》

 

特選此圖,為左朋友 #渾水 廣傳下我既文章,唔好剩係傳立場新聞果啲。

 

一手硬一手軟,向來係中國對付所有事情既方法。硬果手,林太話左你知啦?話係港獨丫嘛?之後又到冷氣軍師出講,叫人唔好再叫「光復香港時代革命」,即係要軟啦。哄你地啦。哈哈哈哈,咁熟口熟面既。前輩話,「梗係又係唔知咩中間人,又同商界同泛民講,總之而家你可以叫群眾退,我就會engage你架啦。你做官定係要政府宣傳project?你出聲就得架啦……」

呢d ,就係香港政治油水流動方式。好多年都係咁,唔係咩風聲,只係大家唔願意去知道jei。

所以呢,呢d時候,又要立體咁睇下建制點出招:

姐姐又黎啦。

等我又出下好耐冇人過既hashtag #葉太精譯 啦。

咁大段文,其實得幾句:一、獨立調查委員會,查咩?查你特首有咩不足,即係叫人自己查自己呀?

二、咁叻啦你,你出去那人屌下囉。

當大家都以為「獨立調查委員會」係其中一條出路。大學校長提出「真相調查委員會」。然後,又有人話啦,獨立調查委員會係由特首任命,咪即係「自己查自己」?!

下台階都拆左你先。

好啦,之後再加咩呢?你睇下人地法國佬點搞?全國大辯論。喂,我地做議員既,人人係街畀人屌,你係要畀人鬧架,畀人鬧下囉。反正阿麥美娟(疑似)係街畀人屌到飛起啦(政圈流傳個囡仔開口用粗口屌特首),你畀出去畀市民屌下囉……

拿,我又要補返呢句啦。

你2014年果陣畀左雙普選,咪由得建制同泛民鬥快出賣市民囉。香港人好易呃之嘛。

你2019年612 肯撒回,大家咪又要等下一個議題囉。而家建制泛民都為左選舉,根本就craving for 議題/話題去令大家投票。

612 炒起左啦,攻入立法會,阻住你開會,你先過唔到條條例咋。

你去到71,就變左 #五大訴求缺一不可。而家事件既定性,畀你叫左做「暴動」,畀特朗普加持成「暴動」。咁你其實就會好頭痕啦。

無啦啦,如果我地歌舞昇平日日開開心心,人人搵到食,晚晚有女攬有野搞,咁點會得閒同你畀人出去畀人扑畀人畀人斬?我講下容祖兒演唱會唔好?

而家香港有「暴動」,就一定有深層次問題,你要解決暴動,亦都需要解決問題。而家,係將係1997年,香港過去所有因政治而出現既問題,一次過,一個一個咁爆晒出黎。

點解香港冇租務管制?

點解香港冇標準工時?

點解香港人畢業之後,要搵食幾乎人人都只係可以做sales?

點解香港人睇個公立醫院都要搞咁耐?

點解香港人睇個醫生都要驚個醫生係咪講廣東話?

點解大學生畢業出黎都係萬二蚊人工,而做記者做足二十年都係三萬數人工,係兩呎階磚都買唔起?

點解香港有堆人真係自稱收成期,可以叫新一代永遠做佢地既奴隸,等佢地可以指點江山,話佢地活得冇佢地咁好係因為「唔夠努力」?

呢d,叫深層次問題。從管治角度,早就講過,你見到咩叫「群眾鬥群眾」啦?這是中國人的管治哲學。香港現在面對的問題,是異常的嚴峻的:現在是中美貿易戰+貨幣戰。借此,香港會亂,而係選舉之前,個個都craving for 亂,都希望大家政治狂熱,保住自己的存在需要。

所以,獨立調查委員會as 五大訴求,一定要做,但如果問題既核心,好似陶傑所講,係林鄭月娥本人,咁個問題又可以點解決呢?

我唔係冷氣軍師,留返畀d冷氣軍師講啦。佢地有好多人眾籌畀佢講呢d。我講呢d 係嗜好,係想香港人好,你真係要支持我既,去冷氣食店,我介紹既,梗有好野畀大家:www.patreon.com/eatgoodsite

 

 

Become a Patron!

 

作者:健吾

健吾
專欄作家、記者、編輯……商業電台節目《903國民教育》、《光明頂》主持,香港中文大學日本研究學系講師。著書超過40本。email:[email protected] |Facebook: facebook.com/kengopage |微博:t.sina.com.cn/kengowrites

閱讀後覺得好,請多多讚好及分享~:)

其他熱門文章

  • 【遊戲新聞】一年一度 E3 遊戲展 講完無影嘅作品年年都有 by 森麻
    又黎到一年一度嘅 E3 遊戲展,貴為遊戲業界盛事每年嘅 E3 及相關遊戲展都會有大量新作消息公佈,而且每年都總 […]…
  • 國安法下的香港電影 by Terence Yun
    倘若國安法成為指引下,創作人又再多一重限制,這條紅線之無形壓力便走進創作人的腦海之中,無形刀壓在創作人頸上。香港沒有審批劇本制度,不同大陸,批左就可以開拍(當然亦有批左,拍左都不能上畫),而香港沒有審批,意味著創作人在創作時要估計和預計在什…
  • 八仙嶺縱火案翻案問題 by 蕭少滔
    我以下按刑事偵緝的「排除法」,讓大家客觀地重組案情。大家如有指正及補充,可以有助澄清事實的話,無任歡迎。…
  • 八仙嶺之殤——災難回顧報告 by 無妄齋
    以下為我們翻查當年事故資料所得,目的並非要指控當年誰是誰非,也無意勾起當事者的傷痛。相反,是旨在透過重溫事件經過及法庭紀錄,為讀者提供較為完整的說法及根據,並寄望從此杜絕坊間的主觀臆測,以正視聽,還世間一個公道。…
  • 2020TVB份業績——間公司由內爛到外 by 庵念慈
    去年都仲有10億廣告收入(點解仲有人會去TVB落廣告),雖然跌左一半,不過以今年TVB個情況,可能更惡劣,VIU TV搶廣告真係屌打,個個爭住落《調教你MIRROR》。…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 197834
Date: 2019-08-06 14:21:56
Generated at: 2021-06-13 12:45:48
Permalink: https://www.vjmedia.com.hk/articles/2019/08/06/197834/定性不斷變