帶十支激光筆告藏械的基礎生物學、公共衛生及香港警員健康與心智問題

 

 

警察示範激光能令報紙燃燒,我認為呢個係與本案完全無關。市面上買到嘅激光筆,所產生嘅激光,要為視網膜感光細胞帶來傷害,估計只需要數秒,激光直射入眼球,就可以造成不可逆轉嘅傷害。

2017年一份醫學文獻評論 歸納了111位因激光筆而令視力受損嘅病人受傷經過,總結出如果使用5毫瓦(mW)的激光,照射十秒就會帶來不可復原的損害,而增加激光的功率,例如呢次浸大學生會會長所買,有報道稱約20毫瓦(mW),應遠低於十秒即可造成損害。

故此,誠如琴晚開記者會嘅警察所言,一樣本身唔設計來攻擊人嘅物件,如果有人用佢來攻擊人,呢樣就係攻擊性武器。從激光筆能夠產生激光,而呢束激光又的確證明能夠令視網膜感光細胞帶來不可逆轉損害,如果有人存心要為他人帶來傷害,的確係藏有攻擊性武器。

 

然而,該文獻評論指出,眨眼同埋擰轉面,喺呢啲受傷個案都唔能夠有效避免損害,原因係通常被激光損害眼睛嘅病人,都係年輕人,甚至係細路,我相信大家都好容易明白,激光筆傷眼絕大多數係因為細路仔用來玩,呢個「玩」,要包括特登唔眨眼唔擰開,咁望住束激光。

咁就令我比較費解。

警方不斷咁聲稱激光筆嘅功率能帶來損害,我諗呢個不容置疑,但另一方面,世界衛生組織定義「健康」,係包括生理與心理健康。科研研究中,激光筆能為心智未成熟,即擺明要冒險嘗試望激光嘅青少年及細路,因為貪玩而唔眨眼同埋唔擰開,我不緊要問,經過多重體能測試及面試程序,及經多月訓練先出班嘅香港警察,有幾心智唔成熟,或者話,呢幫警察有幾痴線,當見到有人用激光筆意圖照射佢嘅時候,會特登睜開眼望到實一實,而為視網膜帶來損害?

一名健康嘅人士,眨眼嘅反應應該係0.1秒內就會做出,其中強光突然照射都算係一個刺激。我建議醫管局應該為香港警隊三萬多名警員做一個眨眼反射動作健康普查,證明香港警察嘅視力係正常到足以執法。

 

的確,激光筆能損害眼睛,但前提係被激光照射嘅人特登俾條激光照,性質如同有車喺高速公路,你跳出馬路。我唔係話警察合理懷疑有人買十支激光筆將會用於示威活動一定錯曬,畢竟真係好多人用來照田雞咁照啲警察,問題係,講到會帶來損傷,呢個未免係誤導公眾乃至誤導法庭。

如果話警察執行職務嘅時候,有人用激光照佢,搞到佢執行唔到職務,呢個其實係阻差辦公。我建議警察即場拉曬啲人告阻差辦公算,如果你地無能力拉咁多人,就唔好用藏械嘅名義諗住告啲細路,咁除左反映你地生理同心理有問題,仲應該係告錯罪,任何一級法院處理呢單控罪嘅時候,除左應該請眼科醫生做專家證人,仲應該請埋兒科專家,驗下呢班警察係咪大唔透到可以用激光照盲佢。

 

作者:容樂其

我覺得總編輯都有得出文係常識囉!

閱讀後覺得好,請多多讚好及分享~:)

其他熱門文章

  • 我同事笑我唔識用touchpad….. by 緋色雪夜
    「其實你係咪唔識用touchpad?好好用喎~」同事妹妹拎住部macbook坐埋嚟,「不如我教你用touchpad呀。」…
  • 【玩物花絮】正過官方新屋 LEGO集會廣場改建歐陸Jazz Cafe by 阿九
    近期真係冇乜高質素嘅大屋 AMOC 出現喺市面,而官方公佈下年 1 月 3 號正式開賣嘅 10270 Book […]…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 恭喜何君堯終於揾到接班人啦! by 達時製作 (On Time Production)
    何妖能夠孤身(只限香港啫,中國就實有人撐佢嘅)走到今日呢步,殊不簡單。而佢嘅「成功」,亦都感染咗一位等左上位好耐嘅仁兄。佢就係...…
  • How dare you? Because I can. by 諱文
    點都好,首先要恭喜一下Greta本人成為最年輕既年度風雲人物,16之齡得到呢個殊榮證明佢的確厲害;希望佢之後可以真真正正為環境出一分力。點解我會咁講?先唔講佢有班強勁既PR同遊說集團係佢背後撐腰,花少少時間search吓佢背景你就會知得一清…
  • 校服 by 微言
    我對那條藍色裙的認識就只是藍色,及裙,能有什麼改變?可以改動?當然,我相信女生們早已自我分了三、四十派,互相尊重卻各不相讓,守護着自己的傲嬌。老實說,我代表男生們能將她們分為兩派,「短裙」及「一般」兩派。…
歡迎讚好我們的facebook page,免費資訊源源送上。

文章資訊

ID: 197885
Date: 2019-08-07 22:05:52
Generated at: 2019-12-15 21:00:52
Permalink: https://www.vjmedia.com.hk/articles/2019/08/07/197885/帶十支激光筆告藏械的基礎生物學、公共衛生及香