既然政府亂扣帽子話示威者亂港,不如我地就係強調番政府先係真亂港?

 

– KEVIN CHENG PHOTOGRAPHY- 發佈於 2019年8月9日星期五

 

由六月九號開始既抗爭不斷,唔少人都認為普羅大眾都歸哂邊,但其實仲有一班人立場頗為動搖,而好多動搖既人主要呢幾種諗法,亦都係早前林鄭出黎講廢話既幾大重點

1. 示威者搞到我日常生活步伐好亂,影響民生
2. 示威者根本成班都係廢青,為左發洩情緒先上街,毫無代表性
3. 示威者行為好暴力
4. 示威者搞衰埋香港經濟
5. 示威者想反政府、奪權、反共、搞港獨
6. 示威行為令香港變得唔再安全

所有論點最後都會導向:所以警方用高度武力去壓制都係相當合理
因此要針對呢班游離份子,再去強調黑警執法力度問題就唔係咁可取

 

我有少少愚見覺得文宣可以試下咁既方向

 

1. 強調政府係民生方面既不作為

根本好多民生問題係政府唔做野既導致,詳細內容可以講番佢地在意既住屋、社區規劃、教育等問題,甚至係4000蚊既問題。

一啲真真正正影響基層 / 普羅大眾既議題,佢唔去處理,反而將問題射比示威者甚至市民,政府嚴重失職,無人需要為問題負責,不知悔改,官員只係為左保住其官職 / 利益,問責制形同虛設

 

2. 強調示威者係有經過深思熟慮,亦好多人係學歷高、職位高(拉攏崇尚權威既人)

提番金融人、醫護人員、公務員同各類專業人士既集會同聯署,8月5號民航人員攤瘓機場等等

 

3. 強調示威者既武力同警方絕不對等,只係適當既手段去抗衡暴力

除左對警方既反抗外,反擊一啲傷人藍絲/撞人司機/黑社會係行使公民拘捕權,防止佢地無差別傷人,強調唔容許元朗恐襲再次發生,同時都要煲大荃灣無出發恐襲係因為示威者有制服有兇徒。針對警方對黑社會/撐政府人士暴行既不作為,重申我方先係正義之士,真正為市民安危著想先被迫武力升級(一定要煲大警方只係對示威者甚至街坊同記者強力執法但對黑幫無動於衷,對警方職能提出質疑)

最重要係拎番個道德高地番黎

 

4. 講番香港經濟其實一早已經差緊,根本唔關示威事

呢方面唔係好熟,但可以引番一啲經濟數據出黎講,同埋帶少少中國/全球本身經濟都差左好多而導致香港外向型經濟都出現問題

 

5. 針對「光復香港,時代革命」口號既解讀去講

可以講話光復香港係希望香港變番之前既有國際地位、經濟繁榮個類,強烈譴責政府亂扣帽子,企圖將其角色責任淡化。再強調番香港經濟係同有高度自由同尊重私有財產有莫大關係,道出政府暴政係違反自由,唔尊重私有財產,(例如啲狗強行闖入民居、商場、店舖,又限制市民人身自由、新聞自由、集會自由,甚至醫管局連帶黑口罩都要管)同香港自由資本市場所違背。

呢啲行為先係會嚇怕外資,對香港既經濟造成實際影響,但就將正當既示威行為亂定位為奪權、搞港獨

 

6. 強調係警方同黑社會影響社會安危

個陣大搜捕係嚴重到街坊買餸又打,又用強光照街坊,同街坊口角,然人都係個啲暴行,話佢情緒失控,有失專業,同時指揮官決策上有問題,令示威者以外既無辜街坊都受害,市民日常生活被擾亂。再講埋擾亂既程度係老人院又中彈,屋苑又中彈,細路又差啲比人打,游客又拉但政府絲毫不提,完全唔關心老弱婦孺既安危,反而係示威者做左乜乜乜去關心佢地幫佢地

再次強調元朗同荃灣既黑幫恐襲,警方既不作為但同時其他地區又發哂顛咁大搜捕

 

最後強調政府同黑警先係亂港份子,講番我地行動升級係因為睇唔過政府同警方既不道德不作為,強調我地先係正義之士,先係為市民安危、自由同福祉著想既一方。而高官只係諗點去保住自己個位,而無諗過市民真正需要既野。

 

作者:拓也咖哩哥

無定向喪心病狂尻翕症病人

閱讀後覺得好,請多多讚好及分享~:)

其他熱門文章

  • 我同事笑我唔識用touchpad….. by 緋色雪夜
    「其實你係咪唔識用touchpad?好好用喎~」同事妹妹拎住部macbook坐埋嚟,「不如我教你用touchpad呀。」…
  • 【玩物花絮】正過官方新屋 LEGO集會廣場改建歐陸Jazz Cafe by 阿九
    近期真係冇乜高質素嘅大屋 AMOC 出現喺市面,而官方公佈下年 1 月 3 號正式開賣嘅 10270 Book […]…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 恭喜何君堯終於揾到接班人啦! by 達時製作 (On Time Production)
    何妖能夠孤身(只限香港啫,中國就實有人撐佢嘅)走到今日呢步,殊不簡單。而佢嘅「成功」,亦都感染咗一位等左上位好耐嘅仁兄。佢就係...…
  • How dare you? Because I can. by 諱文
    點都好,首先要恭喜一下Greta本人成為最年輕既年度風雲人物,16之齡得到呢個殊榮證明佢的確厲害;希望佢之後可以真真正正為環境出一分力。點解我會咁講?先唔講佢有班強勁既PR同遊說集團係佢背後撐腰,花少少時間search吓佢背景你就會知得一清…
  • 校服 by 微言
    我對那條藍色裙的認識就只是藍色,及裙,能有什麼改變?可以改動?當然,我相信女生們早已自我分了三、四十派,互相尊重卻各不相讓,守護着自己的傲嬌。老實說,我代表男生們能將她們分為兩派,「短裙」及「一般」兩派。…
歡迎讚好我們的facebook page,免費資訊源源送上。

文章資訊

ID: 197929
Date: 2019-08-10 06:00:38
Generated at: 2019-12-15 20:45:41
Permalink: https://www.vjmedia.com.hk/articles/2019/08/10/197929/既然政府亂扣帽子話示威者亂港,不如我地就係強