（圖文不符）
「頭先呀，你上車之前，啱啱做左轉，一男一女，個男仔睇落好惡架，一上車就換衫，換到成身黑衫！戴曬口罩！」一上車，我講完去邊，司機姐姐就係一輪嘴。
Uber 遇到女司機，其實都好好彩，真心咁多年只係第一次，感覺得到佢唔係扮驚，佢真係有啲不安咁搵我呢個睇落「正常」，而且著藍色衫嘅人訴苦。
我話：「其實佢哋通常都好好人。」，雖然心入面嗰句就係，我其實唔真係識好多個暴徒，只係既然姐姐都擺明開左個話題，我無理由唔奉陪丫？
「你過海牙？陣間我返轉頭唔知會唔會塞隧道呢？香港其實真係一個福地，又無地震，上次山竹都無死人。而家搞左兩個月，真係乜都差曬…」姐姐又真係好平和咁講。
「咁都無辦法嘅，你揸車啲生意有無影響？」我本來諗住揸車呢啲內需嘢，應該差唔多掛？暴徒出街都要坐車架啦？
「梗係有啦，差左好多！而且我本來唔係揸Uber，你估下我做咩？」姐姐仍然只係氣定神閒，語氣有啲唔鍾意現況，但又唔係開火啵。
「估你唔到啵？仔大女大唔係做啦？」我繼續開左9UP mode。
「讀緊大學，都要供佢地讀架。我本來開美容院架，喺銅鑼灣。自從六月尾，度度都咁亂，生意差左好多，幾個員工都要輪流『休息』，我地呢行，都係底薪加拆帳，休息即係叫大家唔好出糧咁囉。」我終於知道點解姐姐講嘢咁柔，原來根本唔係做開司機，係開美容院，係做老細！
「咁真係無辦法喇，都好丫你識揸車可以幫補下。」9UP 模式加左少少同理心同埋警戒心。
「啲後生，今日去下呢度，聽日去下嗰度，都唔知點收科。一日最衰都係林鄭……」唔知佢係咪feel 到我唔會陪佢鬧暴徒，突然講啲咁嘢……「有咩咁大不了姐，搞到咁多人走出來反佢…」
「我都唔知呀。」呢啲時候都出埋隧道，唔通開真話模式同佢傾一晚咩…..
我只係知道，就算好多人生活真係受示威影響，其實佢地都知道冤有頭債有主，一定唔鍾意暴徒架喇，但係咪一定話林鄭很好呢？又唔係架。
「金融才俊」
【真。攬炒】楊岳橋笑住講前線食催淚彈，懶理義士死活
點解班後生咁唔鍾意老一輩？因為廢中廢老其身不正。
【認真答】不中出如何令同居女友懷孕？
誰怕攬炒？
敏華冰廳一個品牌，兩種品質？——旺角朗豪坊與荃灣荃錦中心的天堂與地獄
2019年8月11日
