【致交了遺言給我的年輕人】如果你準備今晚犧牲條命,請你記得八九民運六四死左幾多人都撼動 / 感動唔到啲乜嘢

 

 

即時開始有好多示威者從機場出返東涌

– KEVIN CHENG PHOTOGRAPHY- 發佈於 2019年8月12日星期一

 

從第一日開始我就叫人唔好去。

去衝,死 / 拉 嘅係你,救了樓價,救了公民社會,救不了你自己;反對派有嘅傳統人脈傳統資源,一啲都唔會益你呢啲「素人」,睇睇雨傘之後嘅青年新政,你估最大鑊真係政權打壓?係反對派寧願自己都被人DQ,佢都要眼白白睇住你俾人DQ 左先。

 

人類最大嘅歷史教訓,就係唔從歷史中吸取教訓。

中共喺1921年先開第一次全國代表大會,嗰陣開會嗰人,只有21人,28年後,佢地攞左個政權返來。

中共呢幾十年來,從來只係同你講贏輸,講生存,而唔係同你講道德,講對錯。其他民族其他國家,我呢度唔評論,你問我,我就覺得全世界自古以來都一撚樣的,十字軍東征咪又係只係想洗走曬班後生嘅貴族,美其名打左就係你,實質係唔好搶阿爺塊地;美帝一樣話伊拉克有大殺傷力武器,到頭來刀仔就大把。

 

講返中共。遠嘅唔識講咁多,就咁講八九民運。

八九民運,六四鎮壓,死幾多人?官方承認,一千,民間例如啲乜撚野幾十萬屠城。

我而家就當係幾十萬先,反正同你拗呢啲做乜嘢,死一個人都係錯的。

死左幾十萬人,換來嘅係乜嘢?

中共開坦克入天安門之前,已經去曬唔同省市唔同國企,美其名叫打曬招呼,叫做好曬工作,實質就係要大家表好曬忠。忠邊個?忠鄧小平?係忠個「國體」。

如果話日本個國體係天皇,你想郁天皇,佢發動世界大戰都唔俾你郁;如果話美國嘅國體係憲法,一樣啦,佢最鍾意碇肥仔核彈。

中共嘅國體,就係「民主集中制」,即係一層一層咁,名義上係由縣人大咁選上去,選到上去國家主席,實際上係由中共黨中央開始一層一層咁操控。

八九民運嗰陣,初頭李鵬假惺惺都要話,沒有話搞動亂嘅係廣大同學。後來呢?戈爾巴喬夫訪華,你絕食,你要全世界睇住你點樣動搖呢個「國體」,佢地就會發功。

然後呢?死幾十萬人(支聯會稱),定係一千人(官方)?重點係,死左幾多人都動搖唔到中共,反而佢更大力度箝制一切嘅組織。

 

呢個民主集中制嘅「國體」,延伸到香港,就係「一國兩制」同埋「基本法」。

當有人要郁中共嘅國體,好似今次咁,中央已經定性為動搖一國兩制,即係佢覺得你想搞佢後面前面方方面面,中共會點做,你會點做,上面嘅歷史,唔遠的,三十年前架咋。

呢兩個月,當你時時刻刻都準備好「今晚到我死了」,你以為你嘅犧牲可以換到乜嘢?真係全國人民覺醒?真係美軍來了我帶路?

 

香港喺百幾年前只係一條漁村,如果中共嘅暴政真係要令一切嘅嘢倒退,我寧願我地可以一齊出去打魚。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • Client 問我點解自己係「仆街磁石」(上) by Professor Chan
    佢自從中學由女校畢業之後就無試過單身⋯⋯連一個月都無。每次同一個男仔分手,佢好快就會同另一個人一齊,佢話佢已經唔記得單身係咩感覺。…
  • Client 問我點解自己係「仆街磁石」(下) by Professor Chan
    依家,你重新行一次,你由出世到依家呢廿五年嘅經歷。好似一段Video咁,由過去,由開始播放,播放到依家呢一刻⋯⋯你可以由得唔同嘅片段喺你個腦入面播放,唔需要去控制佢,一路播一路同我講你見到咩。」我講。…
  • 香港人就係純樸到連日本人都可以喺度橫行霸道 by 白木乩
    就算係日本老母來到香港,無左其他日本人嘅目光,無左其他日本人文化監察,無左其他日本人鬧佢「打咩」、「巴加丫囉」、「渣媽」,出名桎梏出名壓抑嘅大和民族,都係會個性解放,係「個性」解放。…
  • 【遊戲新聞】NS糞級新作引起熱潮 《Final Sword》挑戰任記的可疑作品 by 五木
    以前超任、PS 年代因為資訊不流通,但係「買」Game 又極平嘅關係,所以成日玩到糞作。隨住資訊變得流通,今時 […]…
  • 由林美戀談起——藝人基督徒,係咪好好撈? by 殷琦
    無論16 年背夫偷食單野又好、現時與非基林作拍拖都好(雖然個人而言基與非基我是ok既...~)、「High Profile處理感情生活、信主後感情生活仍然混亂」是我覺得對你算中肯的評價。但這其實都超出一般教會的接納程度了吧?既然是藝人,言行…
  • 吃子的文化 by 健吾
    我有時會想,是不是真的有人會覺得「考得唔好唔緊要」,是一句安慰語。我考得好,所以我沒有辦法說什麼。對考得不好的同學,我也不能說「你考得不好不好意思」。更甚者,我有學生因為考得不好,進不了醫科而感覺遺憾終生,幸好他是一個鍥而不捨的人,讀完一個…
歡迎讚好我們的facebook page,免費資訊源源送上。

文章資訊

ID: 197997
Date: 2019-08-12 17:35:42
Generated at: 2020-07-08 11:54:47
Permalink: https://www.vjmedia.com.hk/articles/2019/08/12/197997/【致交了遺言給我的年輕人】如果你準備今晚犧牲