美國的國旗法

政治 / 最新文章綜覽

 

中国人問如果香港人既區旗比人掉左落海,香港人會唔會嬲。笑話來?香港人只會笑著咁問點解要嬲?

當然啦,香港又未係一個國家,咁比較唔公平既,不如睇下人地民主大國美國會點?

我讀藝術行政時教授同我地做左一個case study,係起1988年美國,一個黑人藝術家叫DREAD SCOTT,佢做左一個裝置藝術叫What’s the proper way to display a U.S. flag?(展示美國國旗的正確方法是什麼?)。

個藝術裝置係起牆上面掛著一張唔大既相,張相係好多蓋左美國國旗既棺材,而相下面放左一本簽名冊,你可以起上面寫低你既答案,而重點係,起張相同簽名冊既正面地上放左一面美國國旗,如果你想同呢件作品有互動,你就要踩上國旗上面。

嘩~ 激唔激?當時係1988年,美國既民主教育當然無而家咁成熟,當然嘈到國家分裂,DREAD SCOTT借藝術名義搞埋d咁既分化野仲唔係「鬼」?

當時總統老布殊激到鬧佢「不知所謂」,仲想立國旗法砌佢,上到終審法院,法庭判決國旗法違反憲法賦予人民「言論自由」既權利亦違反「基本人權」,所以不獲通過。而DREAD SCOTT就由激嬲共和黨比藉口政府DQ既「鬼」變左言論自由既英雄。

所謂「法治」,唔係人民守法咁低層次既解釋,而更加多係講政府被法律規管去管理國家,就如「憲法」,就係規管國家既法律,而唔係規管人民。

再睇下四圍吠既中国人,人民質素同民主思想呢d野,係要時間培養教育出黎,而且要人民已經對「公德」、「公義」、「道德」有一定程度既教育先會學得識,仲用「衰軟必豬」呢啲民族主義黎教育人民既國家應該用多一百幾十年都唔會追得上,睇下該國出國留學生幾咁野蠻就知,就算出左國起民主國家讀幾多書,點學都係唔會學識。

返黎香港,而家既香港,只有黑警單方面要求市民依法,政府用「一國兩制」單方面去規管人民依法,白衫黑社會無人被起訴,但示威者就被拉左600人,甚至多人被拘留期間被黑警私刑打至骨折、腦出血,再之前仲有示威女士以胸襲警告罪成,暗角7警被減刑……其實香港仲有法治咩?用政府委任既獨立調查委員會可以有幾中立?中共又會唔會連埋個獨立調查委員會加埋個真普選比你?唔會既話,咁跟著呢?你望望台灣、美國、星加波、印度、澳洲,究竟香港要向邊個方向走先會有民主?自己心裡面慢慢諗。

 

P.s 我讀呢個case已經係幾年前既事,詳細內容可能有錯,請大家多多指教。多謝當年既啟蒙教授。

 

光復香港 時代革命

 

作者:Ken Chung

香港首個以街舞成功申請香港藝術發展局資助的街舞支援機構「香港街舞文化藝術專業協會」創辦人 / 總監|找來了多位藝術界知名人仕及藝術系大學講師支持,希望以專業手法,改革街舞文化的落後腐敗,爭取街舞文化應得的政治地位及尊重。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 198084
Date: 2019-08-15 05:37:03
Generated at: 2019-09-18 10:05:48
Permalink: https://www.vjmedia.com.hk/articles/2019/08/15/198084/美國的國旗法