美人計自古以來屢試不爽。
美唔美，唔同人有唔同嘅定義，正所謂情人眼裡出西施，娜娜唱一支歌值幾錢，有單有據，有成交有市場。
年年考第一就梗係唔明點解考第尾嗰個咁都唔識，就好似自細住開半山屋仔嘅，點會明白劏房點解咁多需求。
屯門公園啲長者，摸下手仔，喺「舞池」chok 下chok 下（啲手腳），就一張張銀紙咁俾大媽賺，我地呢啲尚且叫做有正常性生活嘅人，點會明白其實呢個就係佢哋唯一滿足到嘅方法先？你叫佢不如正正經經同人開房？喂呀，你唔好咁啦，開到房唔代表支嘢用得架。
同樣道理，點解咁多「同路人」喺度J 大波警花？
明唔明呀？有啲人你真係唔好以為咁「高質」，一個特登呢兩日先update 嘅IG，已經釣到一班「同路人」咁慶恰恰，唔講以為全香港啲後生仔都性飢渴。
乜嘢五大訴求？其實一對肉球就已經主導曬啲所謂文宣。
得意嘅你估得啲狗公？有啲自覺身材好好又靚過警花嘅「同路人」，即刻大show 美好身段，美其名益下自己友，其實呢？都一樣係參與緊個遊戲，配合警花一齊歪樓。
不過咁，其實J 差婆又好，乘機貼泳衣相又好，同啲成日提住大家贏到開巷20000分嘅人都係一樣，就咁睇呢兩日啲post，真係以為六個跳樓嘅復活左，百幾個落案都無左件事，獨眼龍妹妹好似林鄭咁話好番曬睇番立體嘢。
色不迷人人自迷，美人計成敗不在於條女，係在於啲仔咋。
【LEGO快訊】《狂野時速》大佬 Dom戰車 Dodge Charger正式公開
一場肺炎，令香港配合中國走「國進民退」的「經濟改革」
你哋有冇聽過綠帽反噬定律？
無諗過會有人打來人事部講：「我都唔駛返工，我無做野好耐啦……」
不要讓「黃色經濟圈」淪為笑柄
唔通確診左既人之前去過酒店，同幾多人玩過又同防疫中心講咩？
2019年8月19日
