Accept Counter Offer 好唔好?

 

前一排,小編有個朋友話有個問題想同小編討論下,就係關於有間公司俾咗個 Offer 佢,個人工就相當吸引。雖然新工嘅挑戰都幾大,但睇錢份上,佢都諗住博一博,舒筋又活絡。於是佢就同依家個腦細講話想辭職,點知腦細直接同佢講,話唔想佢走,開咗個 Counter Offer 俾佢,話可以加到人工同新公司俾佢嘅一樣,叫佢考慮下留返低。(腦細又係賤格嘅,係都要等人走先肯加人工,不過今日就唔討論哩個問題住。)

如果你係佢,你會點揀?好馬不吃回頭草?定抑或係做生不如做熟?(先旨聲明,佢對依家腦細無咩不滿,純粹都只係睇錢份上。)

朋友好掙扎,因為兩份工,人工都一樣,令到佢諗咗兩日都未決定到。新工作喺職級上會有改變,責任同挑戰都唔少,但對佢將來如果想更上一層樓會有幫助。不過大前提係佢要肯定自己做得黎……因為佢同小編講,哩份工嘅危險性係,如果一入去無咩成績交到出黎,可能連 Probation 都過唔到。到時俾人炒咗,個市又開始靜,驚難搵份返工。而佢對自己嘅能力仲有少許懷疑……如果留喺依家間公司,壓力細啲,相對黎講個 Job Security 就高好多,因為知道啲野自己一定做得黎。不過聽聽下,小編 Feel 到佢其實傾向想留喺依家間公司,唔知佢自己有無意識到,定係其實想搵人認同佢。

如果你問小編接受 Counter Offer 有無問題,小編就覺得係無問題嘅,都係選擇嘅一種,而且腦細都係覺得加人工俾你無問題,先選擇俾哩個 Counter Offer 你,完全唔需要有罪惡感,反而你應該有種感覺就係,明明你值哩個價,佢就偏偏要喺你走嘅時候先肯出俾你。不過小編喺到仲係有些少補充。如果你諗住接受咗個 Counter Offer,然後當咩事都無發生,繼續返去你嘅美好生活,一樣嘅工作,加咗一大截嘅人工,咁樣未免天真咗啲……

咁又無話變化一定係 100% 負面嘅,亦都可以將佢諗得正面啲。腦細首先俾咗啲「誠意」出黎(加你人工)。如果你想留返低,大家保持返良好關係,繼續喺公司發展,咁你都要攞返啲誠意出黎。可能係睇下會唔會負責多一個客,或者跟多一個 Project,又或者負責帶多幾隻新豬,唔好俾腦細覺得你想白白加人工。腦細係好善變嘅生物,佢之前加你人工嘅時候唔會覺得有問題,之但係佢事後諗多兩諗,又可能覺得點解佢要白白加你人工,而你又無更多嘅建樹。於是乎佢有機會增加你嘅工作量。世上無免費午餐,與其都係「加辛」,咁不如自己早一步提出,成件事可能會喺其他人眼中睇落正面啲。

好多人話接受 Counter Offer 最後都係無好結果,小編就覺得有機會係心態問題,你提得出辭職,就已經一定有啲野變咗,無論走又好,留又好,工作嘅內容都一定會唔同咗,就好似分咗手之後,一對情侶嘅關係已經變咗質。如果諗住同之前一樣,哩個就正正係接受咗 Counter Offer 之後唔 Work 嘅其中一個頗大嘅原因。

補充返,朋友如果接受 Counter Offer,加咗人工,但做一樣嘅野,喺經濟唔好嘅時候,Job Security 一樣唔會高,因為佢會成為一個咁貴,而又無幫公司增值嘅員工,唔炒你炒邊個?

講到哩到,小編都覺得哩個係現代人嘅悲哀……以上難題只適用於需要搵食,需要顧住份 CV,Career Planning 嘅人,如果你只係 Hea 做,無咁多顧慮,只係有野做就得,恭喜你,以上嘅野唔關你事。

 

【職場膠事】

 

作者:HR 扮工週記

HR 扮工週記
HEA 到核爆、哩埋係枱底畫下圈圈直至 2046 退休既 HR,同大家分享一下每一日 HR 平淡既生活。

閱讀後覺得好,請多多讚好及分享~:)

其他熱門文章

  • 審計雞 by FAKE 文青
    呢個情境每日都上演,你已經分唔清楚你嘅正職係一個auditor,定係一隻雞…
  • 李卓人用Zoom 搞六四,係咪想幫中共引晒啲民運份子出來? by 左膠正垃圾
    丫,唔知李卓人知唔知,係中國用zoom ,如果你講左d咩係國家唔中意既話,係大陸上緊既人,都會被爆門?…
  • 孟晚舟被定罪,比美國不給香港待遇更中中國要害 by Terence Yun
    大家要清楚明白中共決定將國安法入基本法當中,其風險必然會計算美國這一著,計算之內,意味著中共絕對可以承受到這個傷害,包括香港沒有國際地位,金融生意直線下滑,外資大幅離港等等。但中共可以承受得到,因為今天美國不是上世紀八十年代的美國,中國也不…
  • 「廢青」之煉成 by 金仔
    「係喔,就到六點,你要走啦呵?」。那位妹妹不知天真還是「串」,「係呀,就夠鐘。」朋友無言。到了六點,那個妹妹準時離開會議室。朋友第二天跟她照肺,想知道她每天準時下班會不會有什麽特殊理由,會不會需要上課或家裏有什麽事等等。只見那妹妹很鎮定的回…
  • Annual Leave 除咗全日同半日,原來仲有其他玩法…… by HR 扮工週記
    Annual Leave 大家請就請得多,亦都唔會陌生,雖然小編唔能夠代表所有公司,但相信大多數公司都會有規定 Annual Leave 最少以半日為一個單位,同事每次請假最少係半日。正當小編以為哩樣野已經好清晰,好難有咩問題,但原來小編嘅…
  • 嚟得見工嘅你,可唔可以比少少誠意? by M女皇
    有人黎見工,著牛仔褲,孭住個細到爭啲連電話都擺唔落嘅細袋仔,連淡妝都唔化下。咩事呀?去完 shopping呀?我就知道,佢唔會做到我同事。有人黎見工,外表正正常常吖,佢填完表,我問佢拎學歷證明黎影印。佢同我講: 「因為你地尋日係電話度冇叫我…
歡迎讚好我們的facebook page,免費資訊源源送上。

文章資訊

ID: 198240
Date: 2019-08-20 05:10:46
Generated at: 2020-05-29 07:22:39
Permalink: https://www.vjmedia.com.hk/articles/2019/08/20/198240/accept-counter-offer-好唔好?