點解大波madam 會咁受歡迎?

 

 

作為一個男人,我覺得好多人係「大波madam」呢件事上面都有錯誤理解。首先要搞清楚,「美醜」係相對概念,「大波唔大波」都係相對概念,無咩客觀量度標準。我有個朋友曾經食過個E級嘅,到家下佢根本覺得身邊無女仔係大波;反之,識親都係飛機場嘅,梗係出街見到人地心口微微凸起就已經流哂口水。

其次我想令個啲急住要打開個心口俾人睇嘅香港少女知,我好清楚你哋都有驕人嘅身材,但弊在如果我要上網睇,係撇開政治立場下,我就未必會選擇睇你。雖知道,打開個網,台日韓泰歐美款款都有,全球化之下個競爭就好大,要贏就好艱難,無謂白益啲咸濕仔。

好喇,咁返去大波madam個到,到底佢吸引嘅地方係邊?其實就係因為佢出現喺日常生活之中。當你出去遊行,畀警察截停,而上前查你身份證嘅竟然係個大波madam,呢種衝擊你日常生活想像嘅行為,往往比你求其上網見到個double may更加刺激。等如你返工大部份同事都係男人,啲女人都係阿姐阿嬸級,忽然有日有個稍有姿色嘅女仔做你同事,成個department嘅雄性動物都一定會異常興奮,當佢女神咁看待。呢啲唔係前世未見過女仔,係因為個女仔衝擊咗你對日常嘅想像,令你覺得好普通嘅日常變得有啲唔同。

講多個例子,以前Coffee未入大台嗰陣,無錯就係嗰個IFC公廁gathering嘅Coffee。佢屋企有檔嘢喺灣仔東方188賣Game賣遊戲機,佢間唔中都會落去睇下鋪,做下生招牌。我啲中學同學就算無嘢買無嘢睇,都會話不如去188打個轉,睇下撞唔撞到「Selina」(佢以前塊面包包地真係幾似SHE個Selina)。你話佢係咪好靚,就算依家個樣都係見仁見智。不過因為佢出現喺一個你唔suppose有靚女嘅地方,大佬個場唔係成口煙士牙嘅金毛翻版鋪睇場,就係賣MK衫嘅阿姐,忽然有條女睇得下,你就會好鬼興奮。因為所有嘢都係相對,平時見到啲師姐都係男人咁,今次見到個大波madam咁,一定係會衝擊嘅。

雖則我係咁講,但亦唔代表你班人J大波Madam係合理。你班食屎狗如果依家係相安無事嗰陣有個大波madam出嚟就話啫,依家咩時候呀?唔係話唔畀你娛樂,但都唔好揀個黑警呀,700人被捕,有人畀人射盲左,仲有人畀人斬,你係後面搞搞警民關係?我屌你咩,醒下喇!真係以為贏緊20000分呀?

 

作者:阿享

一個戒緊牛肉,但打邊爐仍然會忍唔住既耶青。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 198264
Date: 2019-08-21 04:47:08
Generated at: 2019-09-17 18:32:46
Permalink: https://www.vjmedia.com.hk/articles/2019/08/21/198264/點解大波madam-會咁受歡迎?