【嫖妓唔啱】先行示範區應該包埋黃色事業啦，唔係咩？

庵念慈我自從大個仔之後，就聽過咩「莞式服務」、「空中飛人」、「ＩＳＯ認證」之類，聽過名就覺得興奮，但出第一份糧個時，東莞剛好掃黃。

呢幾日阿爺成日話要幫深圳搞個「先行示範區」，我真係兩隻手舉起，喂阿哥，香港班後生點解咁好火氣姐，因為無地方出火啊嘛！你快啲係春風路開個主體式樂園，鐵路主題肯定係後生仔最Buy，個骨場就叫「睪貼」，哇，大膽得來又旗幟鮮明。

我幫你度埋啦，著白衫落去收八折，話自己愛國愛黨送個環保吹，稱公安警察送個Body massage。問到錢咪分返幾成我冷氣軍師囉。

真心啊，「中國式陰道」從來都係麻木香港男人嘅最佳方法，你睇下以前有東莞盛放時候，有無人反過共？有幾多人反政府？無啊嘛，而且係一車車男人一收工就搭火車上去，好似邪教咁。

所謂「先行示範區」，梗係要做多小小示範，以一帶一路方式，將泰國、菲律賓、越南串起來，等班白人男人可以巡迴式咁叫雞，而深圳作為先行角色，一定要有領軍作用，統一港人落去，送果盤！

唔係Simon被人行政拘留，我都無呢啲賺錢橋，我幾時都贊成香港「二次收回」，用陰道收回香港男人，係最簡單直接。

作者：庵念慈

娛樂圈的後生老海鮮，日日被容總追稿的追夢人。現為文化研究碩士學生。

閱讀後覺得好，請多多讚好及分享～：）