各大企業已表忠,唔表忠已撤換,和理非連自己份工都唔可以無,勇武仔唔好送死

 

– KEVIN CHENG PHOTOGRAPHY- 發佈於 2019年8月23日星期五

 

自從八月五日全港大罷工(一日咁大把),勇武同和理非大合作,癱瘓交通嘅癱瘓交通,請假嘅請假,罷工嘅罷工,社會運作半癱瘓左大半日,對回歸後嘅香港政權可以話係有前所未有嘅威脅。

中共就係靠鬥爭起家。佢地好清楚乜嘢先至係搞革命,好清楚做乜嘢先可以令到成個社會成個政府成個政權運作唔到,好清楚八月五日呢啲咁嘅癱瘓,成個香港,乃至中國,都承受唔到幾多次。

八月五日有幾個關鍵位,係重要嘅:

航空業大請假,幾百班機取消。

其他行業都唔少人請假,又有好多請左假嘅人去塞地鐵,地鐵三條線癱瘓。

主要幹道都有零星堵塞。

 

針對呢啲對政權穩定來講係有傷害嘅行動,中共唔係就咁坐喺度等運到。

比較明顯嘅,就係呢幾日,國泰港龍,同埋港鐵嘅舉動,反映左好多野。

國泰高層撤換,係一個要你表忠嘅「儀式」。

喺社會有大事件發生,政局動盪嘅時候,中共派人同各級幹部,各大機構高層「打招呼」,喺八九民運嘅時候都有大規模做過。表面係包裝得好靚的,表面上係中央向大家「解釋清楚」呢排發生咩事,之前大家唔清唔楚咁做左嘅嘢講過嘅嘢,中共可以覺得你係不知者不罪。

好喇,而家同你解釋清楚左喇,你有咩行動,有咩講,去停止繼續損害到國家利益呢?留意返,乜嘢係國家利益,乜嘢係損害,係佢話事架。我嘅分析係,損害到「民主集中制」呢個政權威信嘅,就唔得。

 

國泰港龍容許啲員工請假,搞到航空業大癱瘓,中共唔容許呢啲嘢再發生。

同樣,港鐵作為香港嘅最主要公共交通工具,次次大型遊行都加開列車咁接人去製造浩瀚場面,中共都唔想你咁做。

反送中運動搞左兩個幾月,示威者固然係醒,但中共睇在眼內,或者話,運用佢地嘅鬥爭經驗,一層一層嘅升級(好似係升級),對中共來講究竟有無「surprise」?

 

直接炒鳩個工會主席?喺外國我諗無飛機起到飛架喇,不過呢度係香港,搞個聯署求國際社會制裁中國啲航空公司算啦#罷工唔暴力架畫面好靚架#贏緊幾多萬分

容樂其發佈於 2019年8月23日星期五

 

中共係好清楚,乜嘢可以俾你任搞,最好你就搞多啲,例如拖手。

呢幾日和理非全面進場,全面揚和貶暴,口頭不割席,其實全面割席,可以預期嘅係,暴徒們將會面臨前所未有嘅打壓,啲乜嘢射爆眼乜嘢新屋領虐待,只會不斷發生,政權知道,反對派除左乞求一早已經自顧不暇嘅國際社會支持之外,連直接解僱工會主席都不會再次上演大請假。

暴徒們,唔好再送死,香港仲有好多人,連自己份工都唔可以無左,你唔好為佢地無左條命。

 

作者:容樂其

我覺得總編輯都有得出文係常識囉!

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 198368
Date: 2019-08-24 18:51:34
Generated at: 2020-10-25 10:57:28
Permalink: https://www.vjmedia.com.hk/articles/2019/08/24/198368/各大企業已表忠,唔表忠已撤換,和理非連自己份