智慧燈柱只係第一步,5G技術先係重點

【智慧燈柱】在九龍灣常悅道一帶,有示威者以手提電鋸等工具,拆除智慧燈柱,又剪斷燈柱內的電線。#香港電台 #常悅道

香港電台視像新聞 RTHK VNEWS 發佈於 2019年8月24日星期六

 

小弟我平時都有跟開科技嘢,其中中美貿易戰嘅核心就係5G技術,點解大家爭得咁急,係因為大家都想拎5G技術嘅話語權,有傳中國間諜偷左美國佬嘅技術返中國,所以侵侵先咁嬲豬。

今日見到大家都好擔心嘅智慧燈柱,我見有記者拎左舊USB出黎,我唔係太熟悉呢類科技,但我知其實個舊係叫Bluetooth Low energy (BLE),係好多科技上應用到,佢其實係一舊唔使用太多電嘅藍芽,負責接受用戶端指令,如果我無估錯只係一個傳送發射器黎,無咩紀錄功能。

係大陸,智慧燈柱最大作用當然可以辨認人樣,但大家唔好以為佢好似一支電燈柱咁簡單,佢係會直接融入係紅綠燈入面,因為智慧燈柱只係一個分支,最核心都係5G技術。

我地過往2G、3G、4G要定位,係靠一種「三角定位」方法,姐係用電話為中心,用最靠近嘅三個發射者射出嘅功率,去定位你個位置。進展到5G技術,點解佢比之前快咁多倍,過往信號係由一個發射站「擴散式」咁向周圍發射功率,咁能量散失底下,信號自然弱;但5G嘅原理核心係功率大波長短,所以要用一個個「信號箱」串連起來,可能50米一個,100米內十個,形成一個龐大嘅信號連結網絡,所以功率強嘅情況下就可以上網快好多,而行位可以收窄到1至2米都ok,因為佢多信號箱嘅關係,可以更加精準。

 

 

而點樣起呢啲箱仔呢?無錯,佢哋就係安裝係紅綠燈入面,大家見到圖示咁,佢一支紅綠燈入面,有好多樣嘢係入面,包括信號燈、空氣檢測、5G發射信號箱、人臉識別技術,仲會有埋電子billboard,等啲人睇下廣告,或者同自己手機互動之類。

所以你明白點解大陸成日可以捉人過馬路啦?因為佢哋嘅紅綠燈功能已經強大到咁。

如無意外,下年香港政府都會公開5G頻譜拍賣,但最大問題係邊個起5G信號箱,因為要起好多個,所以成本係好·撚·貴,我估政府會補貼嘅,佢咁多錢,但一定係用呢種紅綠燈信號發射站,因為大陸呢種技術已經相當成熟,加埋5G定位已經可以收窄到一兩米範圍,你嘅身份證又用RFID技術,所以電話5G、RFID、人臉識別,三樣嘢夾埋一齊,要搵一個人真係除非佢唔帶身份證、唔帶電話、遮到塊面阿叉咁。

所以今日呢幾百支智慧燈柱只係施行下,溫水煮下你班青蛙仔,下年大搞5G技術,班港共膠層一定話要發展5G技術,要換曬香港啲紅綠燈電柱,要跟大陸咁發展咩智慧城市,你阻止佢換就阻止5G技術發展之類云云。

係香港一個咁人煙稠密嘅地方,電燈柱多過鬼,你重認為避得開?

 

 

作者:庵念慈

庵念慈
娛樂圈的後生老海鮮,日日被容總追稿的追夢人。現為文化研究碩士學生。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 198288
Date: 2019-08-25 00:50:20
Generated at: 2020-11-29 09:27:15
Permalink: https://www.vjmedia.com.hk/articles/2019/08/25/198288/智慧燈柱只係第一步,5g技術先係重點