警察荷槍實彈,就是林鄭的對話基礎?

 

 

一手軟,一手硬,呢個係共產黨嘅慣技,如果無人肯被統戰,戰線就唔會散。

咁點樣睇得出邊個係已被統戰,邊個唔係?

首先乜嘢係統一戰線?即係喺面對主要敵人嘅時候,願意同次要敵人放下成見,聯合一齊打擊主要敵人,就係統一戰線。醒目嘅就會知道,當主要敵人被消滅,次要敵人就變成主要敵人,之後點,你諗你。

 

琴日入過禮賓府嘅賢達,好明顯係戰友嘅一部份,唔存在統戰與否,例如張炳良呢類前高官;張生話,林鄭應該正式撤回送中方案,及成立獨立調查委員會搞警察。即係乜嘢?

即係而家喺中共嘅盤算入面,五大訴求係可以拆散然後個別統戰。撤回方案,可以;成立獨立調查委員會,可以。

另一方面,你地班暴徒,最好快啲消失,快啲死。

 

如果五大訴求真係缺一不可,中共係唔會統戰到任何嘢。

問題係唔同人有唔同嘅諗法,注重嘅嘢都唔一樣。

講野可以好動聽,但有一樣嘢係永遠呃唔到人,就係行動,做出來嘅嘢,永遠都係最老實,就正如絆倒嘢臨跌倒嗰下,一定係搵嘢扶,行動,永遠最誠實。

 

林鄭而家一方面話可以對話,可以溝通,整個乜撚野溝平(溝通平台),話可以傾,另一方面,警員繼續配槍鎮暴,時時刻刻諗住要對示威者開槍,今日終於有機會射下支砲,大家驚唔驚?

我諗最令人震驚嘅,就係人類嘅講一套做一套,原來係可以咁恐怖。

反對派口口聲聲話撐示威者,究竟面對而家中共嘅戰術,佢地點應付?邊個會率先提出「不如溝通下」呢啲咁嘢?邊個會喺示威者日日都被警察打,日日被律政司起訴暴動,另一邊廂就用好輕嘅罪告元朗黑社會,嘅情況之下,都仍然諗住同林鄭又傾又砌?

拭目以待呀真係。

 

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 198390
Date: 2019-08-25 21:56:05
Generated at: 2020-02-17 02:55:51
Permalink: https://www.vjmedia.com.hk/articles/2019/08/25/198390/警察荷槍實彈,就是林鄭的對話基礎?