戴生,無咩事不如你入返去坐

 

 

話說商台雷霆881就請咗啱啱保釋,等緊上訴嘅戴耀廷上節目,咁佢一番關於黑警嘅言論就備受爭議。其實自從佢放咗出嚟,我同身邊朋友都淆咗陣,心諗,XX喇,佢出返嚟會搞衰場運動,結果佢都無令我地失望。

戴生話:「曾經為警隊等紀律部隊提供法律培訓,認為香港警員質素相當高,但現時警察成為磨心,被迫與抗爭者對立,他即使有時見到警員做得不好,也明白和體諒他們,不會稱他們為「黑警」,亦不會用粗言辱罵他們。」

我X你啊?你無嘢啊嘛?你知唔知自己講緊乜?

首先第一句,香港警員質素相當高?你睇咗咁多新聞片段,仲覺得佢地好克制㗎?次次開槍(不論真槍、催淚彈、海綿彈定布袋彈)都對準人嚟射,仲要係平射慌死中唔到人咁,甚至係連記者同FA都唔放過。手足已經被捉住講曬對唔住,照打到頭破血流,牙都甩埋。幾位手足隻眼中布袋彈,視力可能永久受損,女手足甚至毀容,咁就一世睇唔到一邊野,塊臉唔會再完整無缺。全部被捕手足入到狗屋被毆打,女仔甚至被狗視姦同性侵,個個出返嚟都傷曬。市民已經跪曬地,照乜都唔理一腳伸開佢,仲好意思話用腳「推開」?

 

 

其次,現時警察成為磨心,被迫與抗爭者對立,吓?我話佢地不知幾開心就真喇!日日諗住點樣一槍打死你地班暴徒,又或者捉到你地之後帶返狗屋,慢慢折磨你地班曱甴48小時,有排玩喇!同埋呢排啲OT錢都多過本身份糧幾倍,不知幾爽皮!咁成班手足呢?一至五返完工仲要出嚟遊行抗爭,努力賺完啲錢又要用嚟買裝備,發完夢唔舒服整親又要俾錢睇醫生,仲未計要交稅養埋班黑警嚟打自己!被捕、流血個啲手足,成世就咁玩完喇!你叫我地點信佢地係被迫對立啊?

最後,你話會明白同體諒佢地?咁點解你唔花多啲時間,去明白同體諒被打、被捕、被非禮嘅手足?呢排成日講「不分化,不割蓆,不篤灰」,係講得好好聽嘅,但我就見到好多捉鬼Post囉,勁風土病。好多人真係講到前線所有行動,都係黑警扮示威者搞出嚟,搞到日日捉鬼專家上身咁,又話咩螢光棒同螢光貼紙好鬼,勇武手足要小心行事。我想問句,如果你地捉錯鬼,咁你地班冷氣軍師點賠返個手足俾前線?點樣賠返前途俾個手足?唔該你地班人收下把口,本身呢幾年前線手足一直不被理解,難得今次場運動總算抬起頭來,叫做多咗啲人支持(但不包括飯民),結果你地啲捉鬼論又搞到分裂,點贏啊?

真係想贏嘅,唔該做多啲實事,出聲之前諗清楚先講,同埋俾多啲支持班係前線為你地打生打死嘅手足喇!

好,呻完,無咩事我都係繼續養傷先!(醫師話過度勞損,慘,邊個明白同體諒我?)

 

 

作者:圓碌碌腥些

圓碌碌腥些
人如其名圓碌碌(其實我真係唔肥),正職是誤人子弟,兼職是廢青暴徒

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 198444
Date: 2019-08-27 00:52:19
Generated at: 2020-10-24 11:29:20
Permalink: https://www.vjmedia.com.hk/articles/2019/08/27/198444/戴生,無咩事不如你入返去坐