唔好為咗班St.John離地大學生送頭喇

 

繼城大體育學會OCamp流出Disco Night有男女熱舞動作後,又再傳出港大St. John Hall OCamp 晚飯果果陣開心跳舞

OCamp 本來就係應該癲,就係俾打完DSE勝仗嘅學子釋放一試定生死嘅壓力,順便適應一下作為就二字頭應有嘅食玩瞓X生活。和平時期嘅話,呢條片真係絕對冇人覺得有問題

偏偏係,香港而家唔係處於和平時期,而呢啲OCamp事就係喺呢個時候出咗嚟

由DSE考完果陣,香港已經每個周末都大大鑊。一班組爸組媽 Pre-camp 果陣,已經講緊要取消系Camp Soc Camp Hall Camp 甚至係大Camp。好喇,到8月條行都係有堆商學院工學院甚至護理學院啲Tee嘅人玩緊City Hunt。點解?錢吖嘛,收咗Sponsor錢又落咗訂嘛點停?做獸父食女嘛,人哋唔搞我繼續搞就梗係威啦

好,冇問題,但你搞都可以好似暴大咁,有鏡頭有A1上。細O上唔到A1,都可以回應時勢搏見連登,但結果呢?

 

 

就係繼續食玩瞓X

Kong U之所以俾人笑離地虛偽,皆因學生成份中有好多離地到爆炸嘅名校直升機,咩國際學校IB狀元,咩督察呀大狀呀個仔個女,比比皆是。有呢種不食人間煙火家底嘅學生充斥喺薄扶林道,你仲可以有咩期望?

如果你認識過果啲人,就唔會覺得佢哋可以繼續搞OCamp談笑風生係一件怪事。呢種人可能對非洲小朋友又或者改善氣候變化好有熱誠,但對香港就 WFC 。平生慣手持兩三本護照,做人好「Globalized」,「地球都就死啦仲搞咩雙普選……」

「你為香港前途上前綫呀?加油!我暑假去上海實習,然後同屋企人去法國南部渡假,不過我都會支持你嫁,Fight For HK! 」

貼咗張網球手Hockey手相就關心抗爭?因為見到條仔有肌肉咋。玩親呢味體育嘢,屋錢都有啲閒錢嫁啦。你試吓黃大仙果個用鐵兜冇Gear整住催淚彈果個,又唔見U Street啲女話佢型英帥?

各位前綫手足,如果你嚟緊都DSE,又或者已經被社會大學捱緊劏房麵包,仲為咗呢班咁嘅人衝甚至送頭,值得咩?你打贏場仗,佢哋都係人生勝利組,個果實都係佢哋呢啲「青年才俊」拎晒嫁。呢班人今日可能會喺 ig講WTF,聽日繼續做IG女神吊厹,他日勝仗輸仗,佢哋都仍然會係管理階職,繼承老豆老母嘅社會資本,同你嘅付出,係冇關係嫁

大家問吓啲剛畢業出嚟仗嘢幾年嘅,5年前金鐘灑熱血嘅大仙,畢業之後有幾多去考督察?佢哋心態係你死你事呀「我人生爽過喇,而家我搵食就打X番師弟妹又點?我邊有錯?邊個叫你送頭俾我打俾我拉?你人生唔爽關我咩事?」

前綫手足,要長大喇,唔好學St. John仔玩蠟滴JJ咁自虐,戀戰最後終送頭。香港當權嘅下一代,場仗最後點樣佢哋都係會當權。為佢哋送頭,真係唔好傻喇。不如每周末更好好保護自己,完咗目的就下周再戰。又或者識個後勤中產巴打絲打,好好再裝備自己應付更大嘅大佬喇,好嗎?

 

作者:毒舌男

聽聞係某編輯分身,專用來出啲與編輯身份不符又得罪人嘅毒舌文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 198602
Date: 2019-09-01 12:48:38
Generated at: 2020-02-19 22:17:21
Permalink: https://www.vjmedia.com.hk/articles/2019/09/01/198602/唔好為咗班st-john離地大學生送頭喇