我承諾以後唔笑大學新生玩O-Camp

 

 

每年八月尾至九月頭,正常都係大學入面嘅師兄師姐,為新生搞迎新營,新舊學生一齊玩下癲下。

今年,適逢反送中運動,好多大學生都加入示威行列。

持續兩個就快三個月嘅大規模警民衝突,已經有九百幾人被捕,百幾二百人被落案起訴,唔少都係告暴動罪,一坐就幾年。當中有唔少被捕人士,係會被警察虐待,甚至有傳媒報導,女示威者會被輪姦。

 

喺呢段無講宵禁實質宵禁,無講戒嚴實質戒嚴嘅日子,我貫徹day 0 就悲觀嘅立場,好希望年輕人唔好再送死。

明明只要八成航空業僱員同埋學校教師罷工,成個香港乃至成個中國都會承受不了,偏偏呢班已經正被實質搞到工都無埋嘅行業僱員,死都臨頭都唔肯大罷工。

呢個香港,係唔值得年輕人付出血汗。

 

風雨飄搖,我更珍惜仲有唔少年輕人正確判斷形勢,唔去示威,醉心搞O-Camp 玩O-Camp。

畢竟年少就應該輕狂,做一啲大人唔同意嘅事,但係有啲嘢,後果係一世,例如被捕、被警察打、被警察輪姦、甚至有傳有人被警察殺左、再唔係直頭跳樓殉港,呢啲都係返唔到轉頭。

而家個現況,唔係進擊的巨人嘅調查班,唔係你死左就有人繼承你個精神,大家唔好忘記,自從本土派被DQ 擊潰,建制與反對派嘅二元格局當中,反對派同建制一樣都係一班完全無政治道德嘅人,當831你地打生打死完,佢地會求中共搞政改,為嘅只係自己嘅參選機會,同埋喺狀況外嘅局面當中刷一點存在。

 

 

好似網絡流傳城大同學今年玩得好盡興,呢啲疑似性愛動作,就算拍下,就算被人放上網笑或者聲討,影響都係有限,就算之後有人記得,so what?

細路仔本來就應該玩呢啲嘢,唔係去送死,你地無欠香港任何野,只係班大人欠你地,要死嘅唔應該係細路。

喺呢個行過鬧兩句黑警都會被打穿頭拘捕嘅年代,唔參與示威,唔一定係無撚用,各位年輕人,反而要有勇氣,向叫你一齊示威嘅人說不,要對用血用貞操為飯民助選說不。

人不為己,天誅地滅。

 

BTW,我唔笑姐,人地寫文笑我都會登:)

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • Client 問我點解自己係「仆街磁石」(上) by Professor Chan
    佢自從中學由女校畢業之後就無試過單身⋯⋯連一個月都無。每次同一個男仔分手,佢好快就會同另一個人一齊,佢話佢已經唔記得單身係咩感覺。…
  • Client 問我點解自己係「仆街磁石」(下) by Professor Chan
    依家,你重新行一次,你由出世到依家呢廿五年嘅經歷。好似一段Video咁,由過去,由開始播放,播放到依家呢一刻⋯⋯你可以由得唔同嘅片段喺你個腦入面播放,唔需要去控制佢,一路播一路同我講你見到咩。」我講。…
  • 香港人就係純樸到連日本人都可以喺度橫行霸道 by 白木乩
    就算係日本老母來到香港,無左其他日本人嘅目光,無左其他日本人文化監察,無左其他日本人鬧佢「打咩」、「巴加丫囉」、「渣媽」,出名桎梏出名壓抑嘅大和民族,都係會個性解放,係「個性」解放。…
  • 【遊戲新聞】NS糞級新作引起熱潮 《Final Sword》挑戰任記的可疑作品 by 五木
    以前超任、PS 年代因為資訊不流通,但係「買」Game 又極平嘅關係,所以成日玩到糞作。隨住資訊變得流通,今時 […]…
  • 由林美戀談起——藝人基督徒,係咪好好撈? by 殷琦
    無論16 年背夫偷食單野又好、現時與非基林作拍拖都好(雖然個人而言基與非基我是ok既...~)、「High Profile處理感情生活、信主後感情生活仍然混亂」是我覺得對你算中肯的評價。但這其實都超出一般教會的接納程度了吧?既然是藝人,言行…
  • 吃子的文化 by 健吾
    我有時會想,是不是真的有人會覺得「考得唔好唔緊要」,是一句安慰語。我考得好,所以我沒有辦法說什麼。對考得不好的同學,我也不能說「你考得不好不好意思」。更甚者,我有學生因為考得不好,進不了醫科而感覺遺憾終生,幸好他是一個鍥而不捨的人,讀完一個…
歡迎讚好我們的facebook page,免費資訊源源送上。

文章資訊

ID: 198655
Date: 2019-09-03 04:19:17
Generated at: 2020-07-08 21:41:01
Permalink: https://www.vjmedia.com.hk/articles/2019/09/03/198655/我承諾以後唔笑大學新生玩o-camp