點解唔好打死一份工?

 

前個禮拜講過 Counter Offer 個問題,有讀者都同小編分享話佢面對緊同一個問題,就係 Take 唔 Take 個 Counter Offer 好。除非你真係非常非常非常之熱愛依家間公司,不論腦細、同事、人工、福利等等,都非常非常非常之合你心意,完全無走嘅理由嘅話,咁當然你梗係拎咗個 Counter Offer 就算啦,咪當扭下計又有多千零蚊囉,如果唔係,小編大方向都係認為有好嘅都要跳下槽。(如果本身份工真係咁好,就唔會特登去見工啦。)

香港本身整體嘅人力市場風氣都係,你一日唔跳槽,你一日就唔會獲得更多。你試諗下自己每年到底加幾多人工?除咗政府工同花紅按業績計算嘅工之外,其他絕大部分嘅工都係按照通漲率去加,近十年都係 Around 4% 左右,你自己都有數得計,每年咪又係加得幾百蚊,十年黎,你到底加咗幾多人工?夠唔夠你退休?

你為公司付出咗咁多,係咪真係值得?先唔講你腦細係咪尊重你做緊嘅野,講返近日發生嘅事,港龍工會主席被炒一事軒起嘅大波。有睇開小編嘅週記,應該都知小編成日會講喺香港地嘅僱佣關係,基本上只要唔犯歧視相關嘅條例(包括但不限於性別、殘疾、家庭崗位、種族以及職工會等),僱主唔需要俾任何理由,只要補足錢你,就可以隨時同你終止雙方嘅僱佣關係。你問小編港龍哩單野有無歧視施小姐,小編答你唔到住,一日法庭未判,一日都未可以下定論。之但係咁,即使證明到港龍係因為歧視施小姐工會主席嘅身份,So What?隔多一段長少少嘅時間,公司亦可以以其他種種嘅方式去打壓你,甚至用其他原因去炒你。

就算當初請你入公司嘅腦細有幾咁好,你始終要明白一點,通常你腦細都係年齡上大過你,所以佢退落黎嘅時間點都會快過你(除非你好把炮,年薪過百萬,可以提早退休),到時候改朝換代,你自己年紀又大咗,隨時搞好咗 Succession Planning,你已經係可有可無了。

打死一份工唔係話唔得,但你一定要堅守自己嘅一個原則,就係唔可以放棄進步!如果你因為依家嘅安穩,放棄令自己進步,放棄大開眼界嘅機會,而令自己一直留喺 Comfort Zone 入面,咁你好快就會俾時代嘅洪流吞噬。

記住記住,因為好重要,所以要講 3 次。

唔可以放棄進步!唔可以放棄進步!唔可以放棄進步!

 

【職場膠事】

 

作者:HR 扮工週記

HR 扮工週記
HEA 到核爆、哩埋係枱底畫下圈圈直至 2046 退休既 HR,同大家分享一下每一日 HR 平淡既生活。

閱讀後覺得好,請多多讚好及分享~:)

其他熱門文章

  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【香港醫生護士幾時先肯罷工?】如今醫療系統淪陷,源自於「道德勒索」 by 殷琦
    「假如醫生護士集體罷工,相信政府就明白如今已經勢危。但,政府就是知道做醫生的不忍見病人垂危而見死不救,有恃無恐地利用了我們的醫德—也許我們也成為了制度的幫凶。」其實這,正正就是所謂的「道德勒索/綁架」。…
  • 【一人一個沙士回憶】零三年,我住在淘大花園。 by 阿迪
      「零三年,我住在淘大花園。」 短短十個字,已包含很大資訊量。 那時小三,明白的事情不多,只知道很 […]…
  • 致A1的妳 by 車干
    也許是上天憐憫我們這群A0女子俱樂部,或是覺得筆者的勇氣可加,終於不負初心,筆者在零售業中開展了她人生中的第一段戀情。…
  • 【一人一個沙士回憶】只要行多一步,大家都可以係抗炎小子! by 韋健
    相信各位八、九十後嘅朋友都會記得我圓碌碌個樣。想當年,沙士來勢洶洶。嗰時我就係中文大學,亦即係某啲人口中嘅「暴大」誕生,作為暴大仔,當然係好暴力,但做暴徒嘅目的只有一個,就係打低沙士大魔王。…
  • 高比拜仁 by 藍兼併
    他不想成為下一個米高佐敦,他只想做高比拜仁。睡至中午看到朋友的第一個分享的資訊,我不明所以地問為什麼,然後下一秒就是鋪天蓋地的難過消息,NBA傳奇高比拜仁巨星磒落,與他一起喪生的,還有13歲的女兒。…
歡迎讚好我們的facebook page,免費資訊源源送上。

文章資訊

ID: 198679
Date: 2019-09-04 06:16:46
Generated at: 2020-01-28 09:09:53
Permalink: https://www.vjmedia.com.hk/articles/2019/09/04/198679/點解唔好打死一份工?