烏克蘭與香港

 

有留意開我嘅朋友,都知道我偶爾都些牙烏克蘭妹,因為真係靚過歐美金髮妹多多聲。

我對烏克蘭嘅理解,係大學時期讀全球化嘅科目,順便了解下究竟世界邊度發生緊戰爭,認識嘅切入點係2014年有一架飛機係烏克蘭東部接壤俄羅斯邊境被擊落,當時雙方互相指責對方射飛彈,我再開始慢慢了解發生咩事。

懶人包啲講,就係當蘇聯解體之後,喺2013年烏克蘭人已經忍夠一個親俄嘅政府,出發點係個on9 總統擱置同歐盟嘅貿易協議,所以最後爆發示威衝突。最後反對派自己同親俄政府達成協議,因為最後會俾個總理啊、副總理佢哋做,試圖平息怒火;但有個後生仔衝上台話唔接受呢個方案,話如果亞努科維奇唔下台,第日十二點就會將行動升級,直到佢下台為止。之後親俄總統亞努科維奇之後逃亡俄羅斯,烏克蘭建立新政府。

而呢個上台講野嘅後生仔,就係今日大家些牙嘅「如果我接受點對得住死去嘅戰友」個位仁兄。

但俄羅斯一路都無放棄騷擾,喺2014年出兵攻打原本屬於烏克蘭嘅克里米亞,引發烏克蘭不滿,但克里米亞當地公投決定入俄,咁無嘢講啦,人地公投(但注意返俄羅斯用媒體攻勢係呢場公投有一定影響力)

所以烏克蘭目前係屬於親歐盟狀態,但俄羅斯一路係度收購烏克蘭媒體,佢哋做法唔係話加入俄羅斯有幾好,而係放大加入歐盟有咩問題。局勢方面,當年歐美都係一齊經濟制裁俄羅斯,但俄羅斯態度上都係don’t give a shit 咁。

近期好多人都話烏克蘭同香港connect,我只能話,烏克蘭係真。戰鬥民族。原則上烏克蘭人民去到後段肯越搞越大,因為佢哋搵到歐盟呢個朋友,同時美國又肯助攻,係呢個「敵人嘅敵人就係朋友」嘅策略下,確實係贏左場仗,但學周庭話齋係「慘勝」,因為俄羅斯不停做啲濕鳩嘢係暗角發功。

如果香港真係想要五大訴求,先唔好講咩獨立唔獨立問題,如果唔搵外國勢力幫手係好難成事,烏克蘭如是,我地亦如是。而如果搵外國勢力幫手,我地唔會再係「攬炒」嘅策略,而係要打「消耗戰」,因為俄羅斯同中國嘅戰略書係同一個老母同一條腸,佢哋唔會正面攻擊你,而係慢慢收購你地啲媒體,再打輿論風向,佢地唔會話中國有幾強大,而係話你脫離中國有幾危險有咩問題,我相信大家係呢三個月都感受到,係會慢慢消耗你地嘅意志,等你地疲倦,等你地覺得食飯同經濟重要過搞革命,呢一點係烏克蘭已經係一個好大嘅試驗場;而中國嘅試驗場,就係台灣。

某程度上中國用咁多錢去收編台灣媒體,但香港呢一場戰役反而令台灣人民覺醒左。以前最多都係話中天on鳩鳩報新聞,而家開始慢慢發現紅媒如何佔領台灣言論,某程度上烏克蘭同台灣嘅媒體戰場係同一種性質,但台灣紅媒俾我感覺係開始失利,呢一點因為我唔係台灣生活,所以都係我自己個人意見。

最後,美國佬點解建立民主法案,好簡單,因為敵人嘅敵人就係朋友,美國佬唔會死錯人,建立法案係政治角度係分化中港嘅一步棋,而林鄭跪低係令美國發現呢步棋行得越來越正確。我個人睇法係,如果想香港民主道路更進一步,外國勢力係重要一環,我地唔係要求美國殖民我地,而係俾美國發現香港原來係可以捏住中國個春袋,有自身嘅價值,美國就會幫我地,呢個先係真正烏克蘭同香港可以connect 到嘅地方。

 

 

作者:庵念慈

庵念慈
娛樂圈的後生老海鮮,日日被容總追稿的追夢人。現為文化研究碩士學生。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 198717
Date: 2019-09-05 21:53:50
Generated at: 2019-09-18 10:02:56
Permalink: https://www.vjmedia.com.hk/articles/2019/09/05/198717/烏克蘭與香港