香港人,信泛民

 

 

泛民左膠最仆街係咩呢?就係當就黎贏既時候,佢地就會諗盡方法,去搞到自己輸為止。點解?因為如果佢地真係贏,呢班冇執政意志既人,係唔識點做野既。係回歸咁多年,因為冇左市政局/區域市政局,三級議會變兩級。所以所有區議員升左做立法會議員之後,佢地唔會用管治角度去諗野,黎黎去去只係識做埋啲區議員野。區議員係做咩既呢?就係派野。以前,梁家傑就好睇唔起區議員既工作,覺得區議員就剩係派蛇齋餅粽,話叫啲專業人士(即係公民黨果啲尊貴既律師呀,醫生呀)去日日坐區,就講唔過去啵。

而家呢?你發現佢地而家做緊咩?民主黨有人係大圍,竟然係派自家製既蚊怕水,仲日日落區同啲阿伯量血壓。而北角公民黨小鮮肉佢仲癲呀,派個唔知咩 RFID 套(聲稱可以防止個人資訊畀呢個仆街政府偷到既高科技套),仲有電話座,仲有可可脆片添呀。又話「唔好為左打敵人將自己變成魔鬼」架咩?點解而家泛民派野,仲派得多過建制架?而家佢地唔係賤撚過佢地既對手囉?不過,就算手段幾哪渣都好啦,泛民自己人做呢,就叫「兄弟爬山各自努力」,「不割蓆不分化」。對家做呢,就係污辱民主,喪屍選票,不得好死架啦。而家建制係度講緊兩蚊閪由65歲降低到60歲啦。到時d後生仔,又唔知要畀幾多出嚟先夠填堆兩蚊閪將過海巴當駁腳巴啦。

仲有,佢地而家最撚驚既係咩?過去廿幾年,成日話去英美遊說,對住鬼佬就話一國兩制運作良好,返黎香港就成日大叫大嗌「一國兩制已死」、「入錢入錢入錢」。而家美國國會就黎搞香港人權及民主法,你泛民議員去美國遊說既時候,有冇拖後腿?有冇出賣香港人?佢地點解會遲過葉劉返香港開記招上電台?點解?冇他既。好多人就話佢地去「遊說」,有人就話佢地stay behind 去左玩。而家出面日日都有人畀警察打,成個運動都未完,呢堆議員根本就冇任何角色。其實佢地都好撚慌架啦。當有大學生搞「民間外交」,呢班係鬼佬面前就成日見人講人話見鬼講鬼話既賣港賊,一定好撚驚。因為,佢地法例又唔識寫,議會又唔識做,係阿爺面前既價值,就只係做「鬼佬既傳聲筒」。咁而家你話我知,啲大學生都識得搵美國領事日本傳媒民間社會傾計,使撚你泛民啲老鬼去呀?你直接問供應商要貨,咁啲買辦呀,中間人,仲有肉食?所以,公民黨阿余大狀,就出左個咁既post,叫人唔好靠外國。

 

 

但你睇下佢之後post 咩?

 

 

呢啲,唔係外國勢力,唔通全部都係中國人?講穿一句,泛民呢啲咁既政工作者呢,直接搵鬼佬,外國勢力,就唔啱既。你地呢啲咁既冇權冇勢冇議席既小市民呢,就應該日日係街度畀狗打,畀狗輪姦,畀人打到半身不遂扭斷頸呢,製造道德籌碼畀我地去同鬼佬傾,咁先係啱既。

做政工作者,捧新人都唔敢光明正大,明明係公民黨人就出埋啲唔知咩鏹水呀,霸x哥呢啲咁既朵係度扮唔撚係泛民。佢地自己都知泛民個朵臭啦咩?香港人,你信泛民,就一定一定一定一定一定會出賣你既。主場係雨傘果陣誤判行山,立場係運動最熱熾之時唔見有捐款人資料既個人電腦,就引證左泛民及其打手係關鍵時刻出賣你既證據。

香港人,信泛民,我真係恭喜你呀。

 

作者:左膠正垃圾

左膠正垃圾
左翼???左膠就大把。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 198747
Date: 2019-09-06 22:06:56
Generated at: 2019-09-17 20:35:41
Permalink: https://www.vjmedia.com.hk/articles/2019/09/06/198747/香港人,信泛民