有一種當選模式叫范國威

 

《新同盟恩仇錄》范國威:丘文俊倒戈是儲心積累

 

幾年前,我係幾欣賞范國威議員。

一班人出走民主黨,成立新民主同盟,靠新界東一堆區議員,一支一支紮根社區嘅樁腳,加上鄭家富嘅祝福,撐起一個立法會議員,喺2012 嘅立法會選舉,范國威就係咁,贏左第一次立法會選舉,由區議員晉身the honourable。

呢個模式,係好值得參考。

 

好多政治素人,幻想選票係變戲法變出來,嗰陣范國威嘅團隊,叫新民主同盟,話俾大家知,立法會選舉嘅選票,係一票一票咁經營。

一個政黨,入面嘅區議員,選贏選輸,都得一千幾百票。呢一千幾百票,睇落唔係咩大數目,但係十個區議員呢?就變左係一萬幾千票。

人地民建聯,有國家支持,呢個支持,除左好虛幻咁話人地蛇齋餅粽同埋中聯辦配票,人地仲學識左計數。點解民建聯就算可能會輸,都要打區?我住馬鞍山某個屋苑,係葛珮凡博士(好似係)嘅票倉,自從2015年俾港獨派嘅陳國強贏左區議會議席,民建聯都無走過,2016年立法會選舉,葛珮凡博士(好似係)喺呢區係最高票。

一個政治人物,企出來講下野寫下野派下野就有人支持,係魅力;一班政治人物,籠絡一個又一個社區,一票一票咁經營,呢個先係政黨政治嘅根本。

民建聯做到嘅嘢,范國威當年都做到。

新界東係反對派區議員嘅天下。聯合到一堆區議員,逐票數,都數到個立法會議席。都唔好講,當年終有高登仔撐范國威,(利申高登連登我都叫真雲中龍王)。

 

新民主同盟,呢個同盟,好快就證明唔係咁歃血,2016 立法會選舉,鄭家富「突然」走返出來選,當時多名成員,以丘文俊為首,紛紛變節,改為為鄭家富站台,最終鄭家富范國威攬炒。

范國威仍然係議員,不過唔再honourable,只係區議員。

中間發生左咩事,我唔係匿喺檯底偷聽人地開會,我梗係唔知,個個同我講咩,我都話啱呀啱呀,你講嘢我一定當真咁應,應完就算。

聽聽埋埋,就好似離婚夫婦各自講,細節重唔重要?關我撚事咩,單親老母我唔通又……得閒去過份關心人地咩,總之個結果,就係佢地分開左。

我只係知道,如果個當選模式,係靠地區人士,一票一票咁建立,咁破壞嘅方法,亦係一支一支樁腳咁拔除。

而物必先腐而後蟲生,人地點破壞,我唔care,我只係知道,人地破壞得到,證明佢經營同樁腳關係嘅時候出事。

而呢一點,亦同我多年來觀察反對派人物嘅時候吻合:個個都係大佬,誰也不服誰。

 

The rest is history。2018補選,靠政治議題,飯民唯一支持咖喱飯,18萬超高票當選。

2019年9月13日,法庭宣佈選舉無效。

唔知佢同律政司會唔會上訴呢?

中秋快樂。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 198896
Date: 2019-09-13 18:31:23
Generated at: 2020-02-25 08:34:30
Permalink: https://www.vjmedia.com.hk/articles/2019/09/13/198896/有一種當選模式叫范國威