馬冇得跑,舞就交由屯公娜娜負責跳嗎?

 

以前我玩三國志11PK,當閣下徵兵徵得狼過狼震鷹,城池民忠跌到30以下,不單人口會不斷流失,仲會不定期發生民變——民變 = 各種內政數字瘋狂下跌,城一藍,腦就殘,齋徵兵,唔攪內政,唔加民忠,咁你座城就會變成真·焦土,齋駐軍養守將都會負錢糧收入,未守已失,醫返都嘥藥費。

民忠跌到30已經令玩家蝕到空虛,假如民忠零會點?城池四週就會峰煙四起,摩肩接踵名為「流寇」嘅NPC部隊就會不斷登場,「流寇」攻防力都好差(正常丫,之係啲小農揸個鏟就上陣,仲要裸防),冇錯玩家用正規軍去打爆流寇係不費吹灰之力,但你出兵要糧餉,又要消費行動力,沒完沒了嘅流寇會一路折磨到你(1)放棄城池由佢焦土(2)死守守到外敵入境,一手打爆流寇,順便打爆你。

誰想境內冇流寇,請注意民忠,派下米兼委任武將做城管,遊戲裏的「人民」冇五大訴求,他們只是一堆參數,你燒啲資源取悅數字就能解決「民怨」。

明明細路仔打機都曉嘅道理,偏偏現實比遊戲更荒謬。當下呢個中殖共產香港,正係民忠零 —— 呀應該係民忠負數才對,數以十萬計嘅香港人扯住美國旗去懇求外國勢力好好鞭打本王,呢種手段早已超越遊戲中的流寇,大家都好明白攬炒大法好,Sir this way 才是正氣吳三桂,想贏就要不擇手段,人人積極排洩左毒,做實事,香港終於天有光。

做賣港賊就要找數,反對港共嘅人都係流寇,不用分勇唔勇武或和唔和理非那麼細,現在但凡有賣港賊出場嘅大小場合,示威者就如蜜蜂摟蜜糖,大家來瘋狂,林奠呢三個月除了阿爾蓋達式cosplay 錄音機錄影帶,佢有幾耐未見過日光?今晚原本元朗白衫共和國精神領袖何君堯會過海睇愛駒跑步,人民吹雞來陪佢睇馬,嚇到馬會都取消是夜賽事。

所以話呢,任由民忠負數嘅弱智政權,唔好話執髮啦,馬都跑唔起呢。

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 199187
Date: 2019-09-18 17:32:23
Generated at: 2020-10-24 10:36:23
Permalink: https://www.vjmedia.com.hk/articles/2019/09/18/199187/馬冇得跑,舞就交由屯公娜娜負責跳嗎?