南亞籍粉紅色地鐵助理都識扮望左第二邊唔捉跳閘,當日嗰個捉印巴大漢打藍絲嘅香港人道左歉未?

 

反送中梗係we connect,除左利物浦同曼聯可以不再walk alone,男拔喇沙可以握手,仲可以令港鐵請左一堆南亞人同埋鄉音未改嘅女士做粉紅色助理,就算部份唔係好識講廣東話,佢哋嘅官方身份都係負責提供「車站資訊」。

然而我諗連地鐵都未必估到,南亞朋友對香港青年嘅同舟共濟,係不分種族膚色,只問自己係咪香港人。

我就唔會篤灰,所以咩站同埋幾時我都唔會講,相都係亂Google。

話說有晚喺地鐵站等人,等左一陣,期間聽到有位粉紅色南亞助理,答乘客問題,佢係唔識講廣東話,更加唔識普通話,佢地好努力用英文傾。

呢個唔重要。重要嘅係之後。

之後無人問嘢,佢咪施施然咁企喺度,然後有個黑黑實實嘅香港青年,好靈巧咁唔俾錢就跳入閘。

通常我地呢啲自己唔敢跳(其實都係跳唔到)嘅大叔,都會望下周圍有無好事之徒想捉啲細路,好似話走去啲好事之徒隔離大叫話「呢條友跳閘呀」就可以嚇退佢哋,anyway 我今日只係望下個粉紅色南亞哥仔。

佢係即刻扮轉身望第二度。

講得太多乜嘢槍口瞄高1cm 之類嘅廢話,已經無可能叫警察唔好打咁大力,但呢個香港,禮失而求諸野,南亞人反而會知道,逗左人工唔代表要幫你行不義。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
  • 我才不要做那種抱着男人雙腿苦苦哀求的女人 by BEAR 兒
    「只要我說了,我就是輸家。我才不要做那種抱着男人雙腿苦苦哀求的女人。如果不想受傷,你就得先去傷害別人。這道理我年青的時候就學會了。」她穿着一條白色的連身紗裙,披肩的黑髮和鮮艷的紅唇使她散發着成熟女人的魅力。這番話出自她的口中,非但不突兀,反…
  • 所謂「唔想拍拖」,完整意思通常都是「我唔想同你拍拖」 by 月輪
    在情場上無數次暗戀的失敗經驗告訴我,聽到「唔想拍拖」這句話,其實比聽到「我唔鍾意你」更令人上火。直接了當地說彼此不適合,沒有感覺,至少是一槍斃命的痛快,但若說「唔想拍拖」,卻令對方有種要苦候的感覺。因為對方可能會怕若不等待,突然你想拍拖時,…
  • 「玩玩就好!」 by 麻甩水瓶
    這是你在第一次吻了我後說的第一句,當然,沒有人會認真玩火。那一刻你看我的眼神,好像全世界只有我一個人能被你這樣看著,好記得那雙有魅力的眼睛。好記得那淡淡的薄荷煙草味,好記得你早上的問候,而晚上待我洗澡後才睡的關心,好記得你提醒我飲酒前要吃點…
歡迎讚好我們的facebook page,免費資訊源源送上。

文章資訊

ID: 199222
Date: 2019-09-20 22:30:12
Generated at: 2020-09-25 14:41:07
Permalink: https://www.vjmedia.com.hk/articles/2019/09/20/199222/南亞籍粉紅色地鐵助理都識扮望左第二邊唔捉跳閘