被捕的白卡少年

13/99月13,下午石硤尾區有聯學人鏈活動。參與學校包括,黃棣珊紀念中學,廠商會中學,東華三院張明添中學,路德會協同中學。當中有學生同舊生參與,人鏈由大坑西街,沿南昌街去到歌和老街。活動期間,他們大叫「支持警方執法!~~~~~講笑咋!」

– KEVIN CHENG PHOTOGRAPHY- 發佈於 2019年9月18日星期三

 

因為有認識嘅小朋友被捕,而嗰啲小朋友本身都係情緒病患者,其中一個仲要有白咭嘅,咁係呢個情況下我就搵那個counselor嘅朋友,因為佢係呢段期間都接過不少發夢嘅小朋友,所以就請教一下佢啦~其實每次同佢傾電話,我都好似被輔導完咁,就算你係佢朋友佢用朋友mode同你傾,你都覺得思緒好似梳理咗咁,好清晰自己思考方向,有種好實在嘅感覺。

唔傾尤自何,大家都面對一個問題,都係有個朋友原本好有同理心,以前會好鍾意同佢講嘢,突然係呢段期間對方講嘅嘢好唔在地,覺得班小朋友要冷靜,指責佢地破壞,對班年輕人做嘅嘢反感,令我地變到好唔想同佢地講嘢。因為做counselor呢位朋友係我之前做有關精神健康嘅義工認識嘅,咁我地都比較著重同理心呢方面,而同理心呢樣嘢先要去搵返啲前因先會知點樣演變到現在嘅心理。所以我同佢都好明白出面打緊仗班小朋友(唔好話唔係呀),由佢地當初點樣死守捱打,敵方點樣無道德底線咁殘害佢地,真係會接受到佢地現在對敵方收起一下個良心,對敵方重設條道德線,先好好保護自己,甚至攻擊返佢地,令對方唔敢再敵視,甚至驚返佢地,佢地先可以係比較安全嘅位置。

係六月開始,起碼頭兩個月嘅捱打時期,啲離晒地嘅道德高線放係佢地道,真係公平咩?因為俾黑社會斬斷手筋腳筋嘅唔係你或你身邊嘅人?因為爆眼只係鏡頭下見到,自己未感受過?因為入過新屋嶺嘅經歷只係靠聲音及文字形容所以你感受唔到嗰種恐怖?又或者入咗新屋嶺幾十個被打到骨折捱好多個鐘先可以入院無聲無畫所以理解唔到嗰種痛?我係一個見到人地傷口都會覺得痛嘅敏感人,打到呢道都打唔到落去,齋用文字形容都感受到嗰種不人道嘅折磨。班黑社會、福建幫同黑警真係無人性,我恨不得佢地無一個平安咁過餘生,法律制裁唔到佢地,絕對接受年輕人用任何手法,自私一點,令對方知道承擔嘅成本係咩。

你會話我偏私去年輕人道,呢個當然,由六月開始整個流程都有追嘅,你睇到一個個大有將來、健健康康嘅大好少年,只係追求民主同公義啫,無私咁為咗我地寫上遺書走上前線又一大堆小朋友因前線續個被捕,而補上位嘅越嚟越多同細個。我地哩啲貪生怕死嘅無膽匪類,點可以唔去撐佢地?你睇警察點撐自己人,你睇藍絲點盲撐,喂!真正幫我地嘅係班年輕人,香港嘅將來你都有份㗎,你唔係認為行過下安全性高嘅贖罪遊行就係有做嘢呀?真正做嘢嘅,就當佢地家人咁,就算有做錯,面對外界都死撐佢地,有咩唔啱等時情過咗先啦。更何況前因積埋咁多傷痛,佢地依家嘅還擊,對比之下,敵方係大學級數,我地班小朋友只不過係剛升中嘅F.1仔咋!剪咗條道德線,重新審視自己,面對公義你嘅道德真係公平咩?

 

 

作者:紫玥

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 199268
Date: 2019-09-22 15:57:45
Generated at: 2022-09-30 15:28:09
Permalink: https://www.vjmedia.com.hk/articles/2019/09/22/199268/被捕的白卡少年