【幼稚園人面識別系統】個人資料?超,算係咩?收集你就收集你,出賣你就出賣你啦。

 

做人無公關就死得人多,呢句說話的重心在於,一個人還有一點廉恥。如果做野嗰啲人已經冇晒廉恥,擺明車馬同政權做野,咁就冇咩可以講架啦。

當你以為而家個個星期出去示威遊行,咩和理非勇武係度爭黎爭去果陣,人地已經係度做緊組織工作。

 

最近,有個朋友返到屋企之後就炒蝦拆蟹。咩事呢?原來,佢個大老細(即係佢個仔呀!)今年起放學後,竟然要用人面識別系統既app 黎接放學。

 

 

「一班得果二十個人,你班老師校長白痴架?你都唔認得邊個接放學架咩?以前未有呢個系統之前,佢都有張放學卡,畀三個人去接放學既。而家點解要搞d 咁既野?點會無啦啦使錢去整多舊野去轉?一定冇好野。一睇果張所謂『同意書』,嘩,真係唔睇由自可,一睇就把幾火。原來佢個詳情呢,係冇得opt out 畀我去唔同意將個人面識別資料系統畀第三方既。喺香港,咁做已經係違反左個人資料私隱條例。仲有,我接放學之嘛,點解一個教育App ,要同信用系統或支付等相關掛勾?」

 

 

(iv) 對閣下要求的任何付款指示、直接支賬付款設施及/或信用設施進行處理;
(v) 使閣下與該服務有關的賬戶能夠進行日常運作及/或未清償賬款能夠收回。

 

「第二個問題,佢地嘅免責聲明內容就聲明佢地對保密條件嘅申明,唔會有所保證,即係話,如果有一日佢地系統被人hack左,攞晒啲野,佢地係無責任的。」

「你知唔最仆街係咩呀?佢中間仲有一段咁既野:『如果任何法律,法例,法庭命令,指令,守則或指引要求作出披露,我們可能根據該等法律或規定向有關政府或執法機關,司法機關或監管機構披露閣下的資料。』喂,咁大件事,你梗係要睇過先簽啦?呢間幼稚園個校長,竟然叫個老師叫接放學果個人,要即刻簽畀佢啵。喂,我老母唔識字架,你同叫佢買倫敦金有乜撚野分別?佢份聲明,講到明,最後一點,係會有機會將個人資料,披露俾佢有合作嘅公司同任何子公司或控股公司等等。即係佢根本冇重視過,佢地收集人面識別資料既重要性,剩係識得set database 同發展將來既支付系統。」

 

好明顯,是直接用平日的法律樣版文件去交差,叫所有家長或監護人簽完之後,就當冇件事,冇法律責任。今日先又有新聞講,係大陸學生要戴人面識別頭環去識別學生有冇專心上堂。而家就連家長既人面資料都要拎埋,仲要唔識點解要去畀第三方支付系統做數據。香港有幾多家長真係有意識呢件事係緊要?定係覺得間幼稚園好好,好高科技?

有啲野,已經唔係冇公關咁簡單。而係為左錢,不擇手段。今時今日咁既時勢仲收集家長、監護人同細路既人面資料而仲要氹啲阿婆簽一份咁樣既同意書去賺錢,呢啲唔係叫心地唔好,叫咩呢?我唔知啦。生仔,本來就係好勇敢既。畀著個仔讀一間咁撚心腸壞既幼稚園,就煩上加煩。希望各位家長,睇清楚你地啲父母同姐姐去接放學果陣,係咪要用埋啲出賣左你個人資料都唔使負責任既公司搞既app 黎接放學啦。

 

作者:隨緣

八十後公關公司小卒一名,渴望有一天,只是有人按讚,我就會飽。

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 「媽劇停」之苦 by 小盛女
    最緊忙緊咩?忙緊請人,你無睇錯,我終於可以請人喇!唔使再一個人頂晒所有嘢,好感動!起初我滿心歡喜,以為會有好多CV send過嚟,點知原來10份都無,仲要有幾份係印度人,我唔係歧視佢地,只係唔識中文真係搞唔掂,好難勝任「媽劇停」嘅工作。…
  • 【邊度囡囡最好?】日本妹世界第一 by Ban Na Wong
    日本妹擁有純潔既氣質,動人既笑容,楚楚可憐既眼神,返到屋企會同你講「哦街li」,較埋熱水俾你沖涼,煮好飯等你食等等,嗚呀真係頂唔順,好想..........以上呢D,日本妹稱之為女子力…
  • 香港警察的政治智慧 by 健吾
    當時特首梁振英叫盧偉聰向習近平交代香港犯罪率情況,盧偉聰即說道:「現在我們的犯罪率是1978年以來最低的一年。」習近平指出香港社會情況變得複雜,人口亦愈來愈多,但犯罪率反而有所下降。盧偉聰答道:「要感謝我們內地的公安部對我們的支持,沒有他們…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
  • 【轉工適用】Reference Check 又黎料啦 by HR 扮工週記
    Reference check 一般會喺個 Candidate 拎咗 Offer 之後做,公司會跟據 Candidate 俾嘅資料,然後向以前嘅僱主查詢所提供資料係咪屬實。不過唔係所有公司都會做,一般某啲特定行業或者有少少規模嘅先會去做。其…
歡迎讚好我們的facebook page,免費資訊源源送上。

文章資訊

ID: 199293
Date: 2019-09-23 15:34:22
Generated at: 2022-07-02 03:38:22
Permalink: https://www.vjmedia.com.hk/articles/2019/09/23/199293/【幼稚園人面識別系統】個人資料?超,算係咁。