辭職跳槽?到底你諗清楚未?

 

辭職跳槽喺今時今日已經係相當普遍,因為正所謂合則來不合則去,你估依家仲好似舊時啲人講話要念舊,或者好似舊式日本文化嘅 Lifetime Employment 咁咩,尤其是岩岩派完花紅嘅日子,直頭可以稱之為離職高峰期。

記得有年農曆新年派完 Bonus 之後,一連有好多個同事一齊辭職,而其中一位辭職嘅女同事,喺公司已經做咗差唔多 5 年,暫時叫佢做 T 女士。

T 女士嘅腦細之後有向人事部反映,話覺得 T 女士做野都跟得幾足,而佢部門又缺緊人,於是想小編同 T 女士佢傾一傾,睇留唔留得到佢。

同 T 女士傾完之後,發現原來佢想辭職嘅原因都係現今打工仔嘅心聲,第一係為咗錢,第二係喺同一間公司做耐咗,想出去做下其他野,見識下開下眼界。所以小編收到指示後就同佢講話不如公司加佢人工,然後叫佢考慮下睇會唔會留低。不過個決定權始終都係喺個同事到,唔係你想留人,人哋就要留,監粗 lian 都未必有用。唔知係人工加得唔夠,定因為其他不能說的咪咪,T 女士諗都唔駛諗就一口拒絕咗:「我都係唔會留啦!」

唔緊要,畢竟人各有志,你要出去發達,唔通小編阻你咩,仲希望你快啲出去搵到大錢,返黎帶挈下小編。哩下,小編嘅任務都完成咗,然後返去稟告腦細。

過咗幾日,T 女士突然打俾小編問:「想問下公司之前俾我嘅 Offer 係咪仲生效?如果係嘅話,我想繼續喺到做……」於是乎小編梗係叫 T 女士補返封信,話想取消之前嘅辭職,咁公司就會做其他相應嘅安排。

之後嘅一個禮拜都相安無事,而且小編太忙,都無諗起哩件事。

跟住有一日突然醒起!欸?係喎,T 女士又話會寫返封信俾公司嘅,信呢?打俾 T 女士了解下先。

點知佢話:「我都係唔留低啦,出面有好多工出嘅人工仲高……」

然後就,嘟……嘟……嘟……(Cut 咗小編線)

其實對小編黎講都唔緊要嘅,反正啲野都一樣係咁做,不過改變主意,最好都係盡快通知聲。

如是者,到咗 T 女士嘅 Last Day,佢又同小編講:「係咪已經無得傾?我諗諗下,覺得留返喺到都唔錯。」

………………

媽呀,好辣呀!點解三日唔埋兩日就改變主意?當然,亦有可能係另一個原因,就係出面有好多工作,份人工的確係好高,不過請唔請你先?人生好多野,包括辭職,唔該諗清楚先做,因為決斷同武斷,除咗一隻字唔同之外,都只係一線之差而已。

哩個 Moment,T 女士想留返喺公司,但小編相信到咗哩個時候,公司已經唔想佢再留喺到了……

 

【職場膠事】

 

作者:HR 扮工週記

HR 扮工週記
HEA 到核爆、哩埋係枱底畫下圈圈直至 2046 退休既 HR,同大家分享一下每一日 HR 平淡既生活。

閱讀後覺得好,請多多讚好及分享~:)

其他熱門文章

  • 審計雞 by FAKE 文青
    呢個情境每日都上演,你已經分唔清楚你嘅正職係一個auditor,定係一隻雞…
  • 李卓人用Zoom 搞六四,係咪想幫中共引晒啲民運份子出來? by 左膠正垃圾
    丫,唔知李卓人知唔知,係中國用zoom ,如果你講左d咩係國家唔中意既話,係大陸上緊既人,都會被爆門?…
  • 孟晚舟被定罪,比美國不給香港待遇更中中國要害 by Terence Yun
    大家要清楚明白中共決定將國安法入基本法當中,其風險必然會計算美國這一著,計算之內,意味著中共絕對可以承受到這個傷害,包括香港沒有國際地位,金融生意直線下滑,外資大幅離港等等。但中共可以承受得到,因為今天美國不是上世紀八十年代的美國,中國也不…
  • 「廢青」之煉成 by 金仔
    「係喔,就到六點,你要走啦呵?」。那位妹妹不知天真還是「串」,「係呀,就夠鐘。」朋友無言。到了六點,那個妹妹準時離開會議室。朋友第二天跟她照肺,想知道她每天準時下班會不會有什麽特殊理由,會不會需要上課或家裏有什麽事等等。只見那妹妹很鎮定的回…
  • Annual Leave 除咗全日同半日,原來仲有其他玩法…… by HR 扮工週記
    Annual Leave 大家請就請得多,亦都唔會陌生,雖然小編唔能夠代表所有公司,但相信大多數公司都會有規定 Annual Leave 最少以半日為一個單位,同事每次請假最少係半日。正當小編以為哩樣野已經好清晰,好難有咩問題,但原來小編嘅…
  • 嚟得見工嘅你,可唔可以比少少誠意? by M女皇
    有人黎見工,著牛仔褲,孭住個細到爭啲連電話都擺唔落嘅細袋仔,連淡妝都唔化下。咩事呀?去完 shopping呀?我就知道,佢唔會做到我同事。有人黎見工,外表正正常常吖,佢填完表,我問佢拎學歷證明黎影印。佢同我講: 「因為你地尋日係電話度冇叫我…
歡迎讚好我們的facebook page,免費資訊源源送上。

文章資訊

ID: 199316
Date: 2019-09-24 06:41:54
Generated at: 2020-05-29 04:03:11
Permalink: https://www.vjmedia.com.hk/articles/2019/09/24/199316/辭職跳槽?到底你諗清楚未?