【有朋友做零售業高層】動亂期間「逆市造好」?原因真係個個都知道. . .

 

(圖文完全不符)

 

對上一次食九記牛腩係幾時?我記得係幾年前,被店員當狗咁撚,雖然我面皮厚,但真係唔知點解要走去受呢啲氣,又唔係真係咁好食。

但聽聞,而家九記牛腩係一去到就有位坐。

無他嘅,佢地近年專服侍大陸人,呢排目測少左九成生意,係咪抵死我就唔評論啦,可能人地賺夠,我呢啲窮人都無謂為人家擔心咁多。

不過無論點,我以後都唔會再去食啲餵狗都嫌難食嘅嘢。

 

琴日講到海港城生意大跌,我個朋友喺嗰度有舖,但佢就唔會真係咁慌張,做生意要做埋風險管理,我諗對佢來講呢啲係基本常識。

佢唔只留意零售,仲會睇下餐飲業,畢竟消費市場都係同一堆嘢,要研究個市場就一定要研究埋其他板塊。佢有個朋友,喺旅遊區嘅食肆都損手,生意大跌一半,但係同時呢,喺金鐘嘅生意就錄得微升,當然喺咩商場同埋咩食肆就唔講啦,再講又變篤灰,反正金鐘仲有咩商場丫。

飲食業就係咁得意。每個人日日都要食飯,呢個係不論貧富都要進行嘅消費活動。出開去食飯嘅人,一定係有啲原因先會日日出街食,可能係同屋企關係唔好,可能唔識煮,咩都好啦,總之唔係話一句「呢間野藍絲開架」就會令佢返屋企煮飯。

美心唔係上市公司,所以唔存在發乜嘢盈警,不過呢間公司琴日連創辦人長女伍淑清都講到係同集團無關,就不禁令人懷疑,呢排佢生意真係被呢個阿婆搞到好唔掂。

全港咁多食肆嘅大集團搞成咁,唔通一大堆人突然深閨玩煮飯仔咩?唔會架嘛。

 

所謂嘅「逆市造好」,其實講穿左,係近乎常識。

如果我間公司,平日做開大陸人生意,甚至為左做大陸人生意,完全同香港人嘅需求割裂,咁當呢堆大陸人唔來香港,我啲生意一定仆街架啵。

而如果我間公司,平日係做開本地人生意,咁大陸人來唔來香港,對業務影響短期內係唔會有咩大跌。

再遠少少,如果市場上面,有一啲本來做香港人生意,但係好似美心個阿婆咁亂講野,得罪咁多客,咁市場上面嘅其他餐廳真係多謝曬,人總要食飯,黃絲唔食藍絲餐廳,咪食其他,相反藍絲唔食黃絲餐廳,都係fair 嘅。

所以聽聞而家各大零售同埋食肆,管理層最驚就係啲前線員工口臭,返工期間無端端講政治。

而家個局勢,你講藍嘢梗係得罪黃,但唔通啲員工日日喺舖面鬧黑警就會好過癮?你估驚動到班「人一藍腦便殘」嘅object 去你間舖度玩遊戲好歡樂咩?

 

我諗喺香港做生意嘅人都係務實嘅,既然香港都注定會經歷大變,消費市場一定會乘機由服務大陸遊客,轉為重新以香港人為本。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【香港醫生護士幾時先肯罷工?】如今醫療系統淪陷,源自於「道德勒索」 by 殷琦
    「假如醫生護士集體罷工,相信政府就明白如今已經勢危。但,政府就是知道做醫生的不忍見病人垂危而見死不救,有恃無恐地利用了我們的醫德—也許我們也成為了制度的幫凶。」其實這,正正就是所謂的「道德勒索/綁架」。…
  • 【一人一個沙士回憶】零三年,我住在淘大花園。 by 阿迪
      「零三年,我住在淘大花園。」 短短十個字,已包含很大資訊量。 那時小三,明白的事情不多,只知道很 […]…
  • 致A1的妳 by 車干
    也許是上天憐憫我們這群A0女子俱樂部,或是覺得筆者的勇氣可加,終於不負初心,筆者在零售業中開展了她人生中的第一段戀情。…
  • 【一人一個沙士回憶】只要行多一步,大家都可以係抗炎小子! by 韋健
    相信各位八、九十後嘅朋友都會記得我圓碌碌個樣。想當年,沙士來勢洶洶。嗰時我就係中文大學,亦即係某啲人口中嘅「暴大」誕生,作為暴大仔,當然係好暴力,但做暴徒嘅目的只有一個,就係打低沙士大魔王。…
  • 高比拜仁 by 藍兼併
    他不想成為下一個米高佐敦,他只想做高比拜仁。睡至中午看到朋友的第一個分享的資訊,我不明所以地問為什麼,然後下一秒就是鋪天蓋地的難過消息,NBA傳奇高比拜仁巨星磒落,與他一起喪生的,還有13歲的女兒。…
歡迎讚好我們的facebook page,免費資訊源源送上。

文章資訊

ID: 199322
Date: 2019-09-25 06:56:37
Generated at: 2020-01-28 09:17:43
Permalink: https://www.vjmedia.com.hk/articles/2019/09/25/199322/【有朋友做零售業高層】動亂期間「逆市造好」?