【當代青春】學生衝衝子為左每樽寶礦力平$1.5,大熱天時由街頭行到街尾. . .

唔知依到有無腐女fans專登影比你地㗎Btw佢地真係好可愛,gear男專登逐個逐男同學仔都埋去攬攬佢,咀啖佢(當然隔個豬咀啦),以示打氣同鼓勵。(佢唔會抽水乘機攬女仔同錫女仔)總有人會說成何體統,似d乜?但人與人之間,最直接最真嘅表達,就是簡單的擁抱。反問自己,有幾耐無真真正正去擁抱過身邊重視嘅人?

– KEVIN CHENG PHOTOGRAPHY- 發佈於 2019年9月24日星期二

 

先問你一個簡單既問題,青春呢兩個字你會諗起啲咩野?

「……..嘻嘻哈哈,溝女,去玩,讀書,抄功課,整蠱同學,班際比賽,上堂訓覺,燒野食,實驗室玩火,打機打波,唱k,罰留堂…..」

喺一個正常社會之下「青春」會令你諗返起有笑有淚既School Life ,但係唔知點解日曬雨淋、槍林彈雨、買裝打仗、無飯開成為左呢一代年輕香港人既青春代名詞。

我自己都有一班學生,每見一次我都有種好矛盾既感覺——既開心亦唔開心。

我:「天氣熱記得買寶礦力同水補充下,記得仲要去食飯啊!」

學生A:「我買完俾返張單你啦…」

我:「傻啦,唔洗單啦!應承我無穿無爛返黎就得。」

親眼睇住呢班學生由街頭開始逐間逐間舖入去,但都係兩手空空咁樣出返黎——直至行到街尾其中一間士多先見到佢地開開心心每人拎住一箱水/一箱寶礦力出返黎…..

我:「點解你地行到街尾買既?前面果幾舖唔肯做你地生意?」

學生B:「唔係啊,前面間間舖都賣5蚊但士多平好多賣3個半咋。」

學生A:「無辦法啦,買完眼罩頭盔同水都無哂錢,唯有再慳d既啫….」

我從來都無諗過只係因為買到枝平左個半既水,佢地可以開心到好似如獲至寶咁樣。
三十四度之下,汗水同淚水我已經分唔清楚…………..

呢班細路為左香港呢個家日曬雨淋無飯食之餘仲將自己條命豁出去 「擋子彈」;但最諷刺既係有班濕鳩政客去幫呢個運動去「眾籌」ー Sorry,呢個所謂既基金就連一樽3個半既水都無俾過呢班身處前線既細路。

呢一班嘰嘰怪就吹冷氣Cap水做Freerider收割選票同成果(雖然未成功),而出面班細路就打生打死連飯!都!無!得!食!

知唔知有班細路為左買裝食飯(幫人/自己)上完前線之後仲要返400蚊一日既雜工要訓麥當勞?

612基金?我屌撚哂你地老母!

我情願輸到仆街都唔會同你呢班嘰嘰怪坐同一條船啊!

 

作者:陽光宅男

陽光宅男
人如其名,只係一個有陽光氣息既宅男,鐘意打機9up講笑話但懶到出汁,保證大家完全估我唔到。FB PAGE 陽光宅男Ken

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 199359
Date: 2019-09-26 13:36:38
Generated at: 2020-10-29 15:28:23
Permalink: https://www.vjmedia.com.hk/articles/2019/09/26/199359/學生衝衝子為左每樽寶礦力平1-5,大熱天時由街頭