警察打人仆唔仆街？好仆街。
警察執行私刑對付示威者賤唔賤格？好賤格。
香港人有無權示威？有。
香港人應唔應該有人權？有
面對呢啲有好明顯答案嘅嘢，口頭答係好容易，長篇大論都係得，數到去秦始皇暴政所以十幾年就亡國都得。
大家記唔記得，八月五日，全民三罷，罷工罷市罷課，雖然唔係真係全面三罷，但至少一大半個香港，癱瘓左一個上下午，地鐵幾條線停駛，機場幾百班機延誤。
中國共產黨，喺嗰日之後，全面部署，包括逼大企業，最知名嘅就係國泰航空，你要做大陸生意，你就唔可以俾啲員工「請假」去罷工，再進一步，就係唔容許員工以機構僱員名義發表政見，延伸開去就係，你打得呢份工就唔好發表政見。
嗰一種三罷，令社會運作唔到，佢地真心驚，但人地驚嘅意思，唔係亂出牌，唔係好似啲示威者咁講「你咪出解放軍囉」。
根本唔需要出解放軍。
中共係對準每個人嘅弱點，每個人嘅生計。
所謂「寧鳴而死，不默而生」，好明顯，無工返真係慘過死；除非呢啲只係講下。
今日930，好多人一早睇定日曆，請一日放四日，不過呢個唔關我事，我日日都鍾意做就做，唔做就唔做。
迪士尼開左十幾年我都無去過，就係今日去。
我幻想過，我由出門嗰一刻起，會好似八月五日咁，睇定邊條地鐵線玩完，睇定邊條隧道塞左。
不過我一起身，碌下個fb，咩都無，無人講返唔到工，一切如常。
香港絕大部份人，其實唔想真係革命，尤其是革自己條命。
啲大人，個個play safe，反對派政客就諗選舉，示威者死唔死，對佢地來講只係棋子。
革命係好浪漫，浪漫在於，可能得你以為自己搞緊革命。
任何一個理性嘅歐美國家，都唔會想見到中國共產黨倒台，佢地可能想中共唔好威脅到自己，但一定唔會俾佢倒台，因為中國十四五億人，如果真係好似蘇聯咁解體，啲中國人一定會威脅到其他國家嘅繁榮穩定。
唔好話內戰，世界大戰都來。
歐美國家唔係攬炒派，佢地口頭講乜都得，講下姐。
從來要爭取改變，係要做一啲嘢，一係威逼一係利誘，咁令他人改變。
如果你諗住犧牲自己，製造流血場面，係屬於威逼或者利誘，呢個已經係屬於達爾文主義中，有缺陷嘅基因應該從物種中剔除嘅級別。
可能坊間仲有人會讚揚你，比較有人性嘅都仲會可憐你。
612 以來，面對警察嘅進步，我一再強調青年人唔應該送死，所謂嘅送中帶來大崩盤，受害嘅一定唔會係後生仔，而家送中不成，香港變中，無產階級你怕什麼，日後周圍文革，不如諗諗，以後點樣送曬啲你唔鍾意嘅大人入集中營？。
就算空姐係雞， 你係嫖客， 你就有比較高尚嗎？
【遊戲介紹】對抗超強聽覺盲眼怪物 《In Silence》唔想死就要靜
【真人真事。慎入】撞破訓導主任同體育老師偷情兼影相，咁真係好咩？
搵工搵到絕望，佢總會開個窗俾你
誰在恨渾水？
人生這個虎度門
2019年9月30日
