【攬炒KOL 林鄭】緊急法,送俾香港人嘅最佳禮物

 

十月一號,國慶日,但對很多香港人來說,是國殤。市民在香港各區,發起了遊行集會,最後各區活動亦演變成激烈衝突。市民在各處都噴上了塗鴉表達訴求,很多中資背景或支持警察的「藍絲」商戶,亦遭到不同程度的損壞。

– KEVIN CHENG PHOTOGRAPHY- 發佈於 2019年10月2日星期三

 

寫稿既一刻,坊間傳緊會開特別行政會議,通過《緊急法》同埋《反蒙面法》。推反蒙面法既前提係要先實行緊急法,而一出緊急法,大家就真係可以放煙花慶祝都得。

點解我咁期待緊急法?

第一件事:緊急法下,所有保險已經無效,無得賠,唔理財物損失定人命,之後既野…有請神獸!比我係做零售生意,特別係貴價品,我仲敢唔敢賣?特別係藍絲紅底商人,唔怕獅鳥完無得賠咩?結果就係人人自危,無人敢做生意,你想係街靜,我保證靜到連買餸既人都無。

第二:緊急法下,香港金融一定大跌,有邊個敢放錢去會出事既地方。唔知恆指會唔會跌返落去一千點呢?如果緊急法出左,港幣仲值唔值錢…係時候準備美金交易或者以貨易貨喇(如果仲有鋪頭敢做生意…)!我仲未計中國幾多貪官同暴發戶既資產係香港,緊急法後佢地既資產應該可以蒸發曬,到時…要多謝林鄭曲線推動支爆喇!

第三:緊急法出唔出,黑警可以用既火力同人手唔會有大分別,話就話所有遊行唔再出現,但係小組式去快閃,甚至暗殺,你仲難防。3萬警力,一半當更,去保護另一半休班既,仲要護埋一堆藍絲紅底黑社會,我睇你點做!

第四:如果緊急法後出埋解放軍,仲正,等收外國軍援喇!

而家做既野,其實同法國大革命果時無分別,以恐懼令你收聲。但係正正就提供最佳良方比香港人,好好利用緊急法帶泥既「恐懼」!

一推緊急法就等如政府官方攬炒,到時大家返屋企,足不出戶,慢慢睇香港政府點搞死自己又得。所有野地下化,小組化快閃、攻擊個別目標補多腳又得。

得左!無得彈!

 

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 199685
Date: 2019-10-03 18:00:51
Generated at: 2019-10-20 23:24:47
Permalink: https://www.vjmedia.com.hk/articles/2019/10/03/199685/【攬炒kol-林鄭】緊急法,送俾香港人嘅最佳禮物