【新民黨郭浩景】中產太古社區主任如何服務社區?報警,然後警察射返自己啲客

 

師父教落,買樓幾平都唔好買低層,唔知太古住低層既街坊做錯咩事,對社會做左咩貢獻,成千萬既樓瞬間獲享深水埗劏房閂窗熄冷氣待遇,催淚彈地區制霸解鎖太古區。點解一直被視為中產離地區社區會有幸食催淚?歸根究低,原來係社區主任搵左警察黎。

社區主任/區議員點樣服務社區?所謂做區,簡單講就係係街坊間刷啲存在感,又要有啲歸屬感,俾啲親切感俾街坊,加上俾啲幻想既願境,大致個方向係咁,手段方式就各有不同,咁有啲議員會為左證明存在感就會係報導一單自殺案而自拍,有啲社區主任就未拉票就同街坊嘈交,呢啲做區方法都已經令人腦洞大開,殊不知原來一山還有一山高,強中更有強中手,做區做到篤灰都不突止,你啲恩客仲要中哂催淚彈,呢種花式撚化街坊既做法究竟係點樣做區做成既?

太古一直都係和理非既地區,就算811太古站一役折損唔少手足、經歷兩晚太古站質問大會亦都係出左禁制令後都沉寂落黎,到最後亦只係係商場唱下歌,係樓大叫下咁,雖然keep住士氣但都相比之下已經大分溫和,就算係window shopping亦未致於太嚴重,因為popo先係恐懼既來源嘛。

而事源呢位社區主任發出whatsapp俾街坊,就奠定今晚太古唔平安既一晚。

一個服務社區既人將恐懼帶入社區,然後叫街坊貴客自理,先唔講日本人受傷要上國際話題,呢個社區有幾多個家庭有幾多個小朋友?隔離咁大間太古小學有幾多化學物殘留?屋苑有幾多位老人家硬食?冇人知,個位主任亦都答唔到。而個位主任有咩責任要付,又好似冇,如果佢連個whatsapp都冇出,都唔知係佢篤灰添。

另者用另一個平行時空去睇,主任係保護街坊,有暴徒搞事就梗係搵慈母啦,咁適當武力就係要用催淚趕啲街坊走,咁趕走左又成功爭取社區安寧,咁大個豐功偉績訓住羸啦~係暴徒定街坊定街坊係暴徒都唔係佢能力內去分辨,篤到灰有人血饅頭食就嬴左,原來葉劉姐姐既人才叫人既落區同對話係咁樣樣,希望佢既如意算盤打得響啦,祝佢地嬴到開巷。

 

 

作者:武士亭

漢江泄對家

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 199683
Date: 2019-10-04 02:30:02
Generated at: 2019-10-20 07:55:59
Permalink: https://www.vjmedia.com.hk/articles/2019/10/04/199683/【新民黨郭浩景】中產太古社區主任如何服務社區