【唔出聲當無嘢】投共親共大公司你搞得幾多間. . .

 

 

文宣前線一定要相互配合,我想解釋一下點解去到郁商鋪係未做到好深思熟慮之前,唔係一個BEST IDEA。

因為如果你要講到同強國有生意往來就郁得。但去到大企業,香港有邊間無?如果按上市比例八成都係國企,香港商鋪只要有紅色資本同內地有投資,你全部都要郁的話,你係咪有全部郁晒既心理準備?舉例,唔講黨鐵呢D仆街,講其他交通工具。以下某上市集團年報第一頁就已經咁寫:

//我們深信國家的良好發展前景,並正朝著實現全面建成小康社會的目標邁進。「一帶一路」倡議、粵港澳大灣區融合、以及堅持以供給側結構性改革的主線策略等,將會為市場帶來無限的發展機遇。//

然後講營運回顧:
//杭州繞城公路、唐津高速公路(天津北段)、廣州市北環高速公路及京珠高速公路(廣珠段)為本集團四條主要高速公路,一貫為道路業務貢獻逾80%的應佔經營溢利,其日均交通流量全面錄得穩定增長,按年同期最高達到18%的增幅。而於大灣區的其他高速公路,包括深圳惠州高速公路(惠州段)、廣肇高速公路、廣州市東新高速公路及廣州市南沙港快速路的交通流量亦持續錄得增長,按年同期最高達到28%的增幅。//

但呢間上市公司既巴士,大家隨時日日都搭。咁點算?叫中伏?

好喇,美心衰多口,我都無打算同佢辯護。我講另一間大型食肆上市連鎖,佢年報簡介又有幾句係咁

//中國內地業務表現穩定,集團將加快其在大灣區的網絡擴展。//
//中國內地業務方面,儘管經營環境充滿挑戰,仍能跟隨市場發展,繼續保持穩定的增長。於回顧期內,集團擴大其分店網絡,包括於深圳及廣州機場開設兩家重點分店。//

業務分析:
//為配合集團於中國內地的網絡發展,我們加快分店拓展步伐,於回顧期內開設了7間新分店,包括2間分別位於深圳及廣州機場的重點分店。截至二零一八年九月三十日,我們共經營98間分店(二零一八年三月三十一日:97),並計劃於本年度下半年增設10間分店。目前,集團的分店網絡遍佈大灣區內九個主要城市及兩個特別行政區。我們將於二零一九╱二零財政年度進一步加快分店網絡發展步伐,尤其專注於大灣區的一線城市。//

以上舉既例,亦係冰山一角。大家自己可以繼續搵。搵完你就知紅色資本同港商去發掘大灣區機遇,一早遍布香各行各業。等於你想避開誠哥一樣,你有心理準備你隨左去深山修行,你其實無咩可以做。係咁既情況底下,就會出現優品360出事,但名創優品無事;STARBUCKS出事,但PACIFIC COFFEE無事既令人摸不著頭腦現象。

核彈都唔割。但係咪細節野,覺得都要再諗諗呢?文宣要做既野前線做既野係解到俾中間派同外國勢力,俾到道德高地功課出黎。一時三刻解唔到,就好令人頭痛喇。

 

作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 199830
Date: 2019-10-05 22:08:25
Generated at: 2019-10-20 03:04:55
Permalink: https://www.vjmedia.com.hk/articles/2019/10/05/199830/【唔出聲當無嘢】投共親共大公司你搞得幾多間