香港警察,我就中立嘅,我想知道呢個的士司機幾時提堂,會吿咩罪?

【深水埗女途人捱撞骨折 的士司機被圍毆及指罵】深水埗一輛的士停在行車線,大批示威者在四周步行,期間的士突然行駛並轉左,撞向一間店舖的鐵閘,有現場人士懷疑被的士撞倒。的士司機之後被人圍毆,頭破血流,滿身鮮血,有現場人士指罵他是殺人犯。#香港電台 #港台電視32 #港台電視31 #十點半新聞天地 #深水埗 #的士

香港電台視像新聞 RTHK VNEWS 發佈於 2019年10月6日星期日

 

聽聞呢個的士司機,喺人群之中突然加速,撞倒好多途人,有人斷腳。

我唔係法律專家,唔識交通法例,呢啲算唔算危險駕駛、魯莽駕駛定係不小心駕駛?

定還是可以直接吿意圖謀殺?定係蓄意傷人?

無論點,呢個的士司機,肯定干犯一啲同傷人或者亂咁揸車令人受傷嘅法例。

我想問香港警察,幾時會拘捕呢個的士司機,同埋幾時會將佢提堂?

 

我記得,嗰個被警察槍傷嘅示威少年,一脫離危險期就要提堂,當然啦佢係出席唔到嘅,提堂嘅意思只係警方向法庭提出要吿呢條友喇咁解。

呢個的士司機,被隔離啲示威者咁樣「私了」法,我諗都好難出席提堂。

呢啲所謂嘅「私了」,我可以好容易咁擺低一句「唔啱架咁」就走左去,但有咩意思?

係你地啲警察,擺明大細超,元朗打人嗰啲又算數,荃灣斬人嗰啲又OK,隧道痴下貼紙被人斬到肺都穿又無所謂。

我就中立嘅,我想知道面對呢啲大細超,班示威者唔「私了」,仲可以有咩途徑去尋求公義?

當政府發揮唔到功能,市民就唯有管理自己社群嘅秩序,呢個係好簡單嘅道理,警察對於暴力視而不見,咁有人要透過復仇去保護其他人,就算係法律唔容許,佢都有自己嘅道理喺度,至於啱唔啱我諗只可以交俾神去審判。

 

如果警察同埋政府仲有啲藍絲,仲想啲暴力事件會有完嘅一日,呢個被打到變聖誕老人嘅的士司機,係一個好好嘅機會,向社會各界表明,政府仲係有效管治緊香港。

警察應當儘快落案起訴呢個的士司機,要比起訴中槍青年更快,就算佢死左,都要帶住個控罪去殮房,咁先係政府有效運作嘅證明。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 199865
Date: 2019-10-07 07:18:13
Generated at: 2019-10-20 23:29:26
Permalink: https://www.vjmedia.com.hk/articles/2019/10/07/199865/香港警察,我就中立嘅,我想知道呢個的士司機幾