隱魚與海參

 

 

Pearlfish 個名好靚,珍珠。

中文學名係隱魚。隱魚大概有32種,喜寄居於其他海洋生物身體,如貝類海洋生物、海星同海參。 部份隱魚類別嘅名會以佢地宿主命名。

當你喺 Google search pearlfish 嘅時候,通常會出埋 sea cucumber。Cucumber 小黃瓜,或我地叫開嘅青瓜,漢堡包入面嗰塊,有人鍾意食,有人唔鍾意食。Sea cucumber 係海參,從英文字面推斷,西方人係認識青瓜後先發現海參嘅;而華人就係認識參(沙參、白參、人參等),再接觸海參。至於海參崴(Владивосток)則同海參無直接關係。

 

Pearlfish 與 sea cucumber 嘅肛門。

海參係隱魚最喜歡寄宿之一。海參有三個特點,行得慢、無速度、唔夠快。就係咁,機警靈敏嘅隱魚可以隨時搵到佢地嘅宿主。隱魚唔做嘢、又唔讀書,但入人屋時唔會爆人道門,佢地會隨住海參開放肛門嘅時候入屋。

隨著海參身體一收一放,水會從佢地嘅肛門流入,而從中呼吸。隱魚就係針對海參呼吸系統嘅特點,把握佢地肛門排出嘅氣味而發現合適嘅住所。隱魚通常獨居,成年隱魚有時比人類更人類更殘酷,會殺死嘗試爭宿主嘅同類。不過,有時候會有多過兩條隱魚喺同一條海參入面,甚至有發現過十五條。

究竟點解毒撚隱魚會咁 sociable?原因係,土地問題。隱魚同香港人一樣,都係連扑嘢嘅地方都無。海參好珍貴,睇價錢就知,而夠大夠住嘅海參就更難得。所以,隱魚有時候會 share 間屋一齊住,好似劏房咁,當然入面應該無板間。喺特別嘅日子,即交配之時,就會開群交 party 以提高繁衍機會。呢個時候某少部分智力同隱魚差不多嘅人類會稱呼雌性隱魚為天使。

自然界有好多共生嘅例子,但隱魚同海參未必係一種共生關係。隱魚只係寄宿海參入面,而未有發現海參同時得益於隱魚;部分隱魚更會以海參嘅內臟或生殖腺為食物。海參嘅復原能力好強,遇到捕獵者嘅時候,有時會吐出內臟作掩護嚟逃走。可能因為有令人羨慕嘅再生能力,所以唔係好介意洩底少少俾隱魚。

又或者叫對於海參嚟講被隱魚食少少內臟,可以讓器官重生,都係一種共生方式。

作者:麥錦鈿

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 199871
Date: 2019-10-07 06:58:58
Generated at: 2019-10-20 23:31:26
Permalink: https://www.vjmedia.com.hk/articles/2019/10/07/199871/隱魚與海參