【理性討論】馬蹄露係真正烈女豪傑勇武派,廢青打佢正仆街

 

尋晚愛國烈士花甲處女馬蹄露落旺角大戰香港暴徒被打到爆缸,最後要搵外國勢力求救,Jason 仔本人對暴徒廢青予以最強烈譴責。

嗱,Jason 仔並唔係少女唔鋤愛阿婆,而係見到作為愛港馬蹄露竟然唔係做番當年商台嘅馬蹄露天使,奉獻自己身體慰藉一眾義士,而係做沙包畀暴徒們出火,見到馬小姐咁畀人當死物咁打,真係好心痛~

講番正題,作為愛國勇武派嘅馬蹄露,絕對係藍絲中嘅忠義烈女,不論立場,肯上前線呢樣實在值得一讚!

今時今日,美心畀人裝修,班藍絲廢老有冇話支持美心,去元氣同星巴巴消費呢?「哎呀~生冷嘢唔食㗎~咖啡削胃呀~」翠園美心皇宮都幫襯吓?「哎呀~美心皇宮茶錢一位都十五蚊,好貴呀~富臨都係八蚊位咋~」講完,甫即轉身行入誠哥間百佳,搶咗十包$14.9灣仔碼頭水餃,因為睇微信群話香港會有宵禁令,入定貨包冇死。

響娛樂圈,能夠似馬小姐咁忠於自己相信嘅事情嘅人真係唔多,所以更加要推廣。我做按摩店嘅老闆朋友爆料,年年25歲嘅樂壇老而不「鹹蟲倫」,仔都生撚埋,去按摩店都仲要抽啲泰國大姑水,貪人哋唔識講中文所以咋家依摸人個胸~嗱,呢啲咪就係恃強凌弱囉~

自從神獸鶳出場後,有幾多口講支持政府嘅藍絲,會落場教訓班後生呢?「Jason 仔,你傻嘅咩?落去畀班暴徒打?我先冇咁蠢呀~」藍絲廢老們眼睛都係雪亮嘅,作為一隻經濟動物,西瓜靠大邊,邊度會同你講loyalty 吖,傻西瓜~

所以,馬蹄露嘅自我犧牲上前線挑戰暴力廢青呢一樣勇武事跡,我個人係好支持嘅~唔知連個女都教唔掂嘅無牙網上廢老,會唔會單拖入陣呢?

 

作者:Jason仔

某大中資銀行Insured Banker,寸得起因為做親嘅刁都多過你年薪。情陷夜中環?你都戇鳩嘅,依家幾多大公司Office都搬撚晒去太古啦!

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 199874
Date: 2019-10-07 19:00:30
Generated at: 2019-12-16 12:26:03
Permalink: https://www.vjmedia.com.hk/articles/2019/10/07/199874/【理性討論】馬蹄露係真正烈女豪傑勇武派,廢青