香港仲有啲醫生一邊拍片宣傳禁煙,一邊對催淚彈無言?

 

早幾日朋友Send咗條片比我,係吸煙與健康委員會出咗隻叫《無煙生活》嘅戒煙歌。我一聽即刻心諗「邊間教會」,即時起哂雞皮,個感覺係比肥媽嘅「啊!!!」同汪阿姐嘅「經過那些年」仲可怕。我知醫生嘅職責係確保市民健康,叫人戒煙戒酒做運動係佢地份內事,但而家香港個環境點睇都係催淚煙有害過食煙下話?近期大家睇住新聞係會有啲抑鬱,想睇下膠野笑下好正常,但都唔會係想聽依隻歌掛?

每個星期,幾百粒催淚彈散落唔同地方。經過幾個月嘅抗爭,好多一直企喺前線嘅市民身體已經受到唔同程度嘅傷害,甚至我聽聞過有人咳出血。點解喺依個風頭火勢之下,你唔係利用自身豐富醫學知識去做個報告,陳述比市民、政府、甚至係全世界知道催淚彈,特別係過期嘅催淚彈對身體嘅損害係幾咁大?唔通喺醫生眼中一支煙嘅殺傷力真係恐佈過催淚煙?

我因為以前嘅工作關係,唔多唔少都會接觸過一啲記者同攝影師,當中唔少人都會有食煙依個習慣。作為一個煙民平時食完飯或者多嘢做都要食支煙透透氣,而家每個星期,每日企喺前線,望住一個個抗爭者比黑警濫用私刑當街暴打、時時刻刻比黑警不禮貌對待甚至推開唔比影、甚至失驚無神就比黑警用水炮車噴顏料水,連食支煙都要比你地話?吸催淚彈都對身體有害,點解冇醫生行去警總痛斥黑警?起碼食煙係個人意願,但吸催淚煙係被迫啊喂。

食煙好多時係心癮,食得嘅都知對身體唔係咁好。但生活迫人嘅香港有唔少人真係靠食煙行開嗰三五分鐘去放鬆一下自己,特別係而家每日都有咁多後生仔被自殺,每日都要面對無理嘅香港政府同警隊,一個煙民想食支煙去減壓抖條真係正常不過。你要叫人戒煙係可以,但絕對唔係喺依個時候去拍條無伴奏合唱片下話?由寫歌、練歌、拍片調音,一兩個月點都走唔甩喇,你有咁多時間不如首先關心一下而家嘅香港先?

做醫生做到咁離地,仲要條條片都唔比留言。話就話為市民健康著想但又唔比煙民留言表達諗法,咁樣同林鄭一尾話自己為香港好但從來唔理香港人點諗有咩分別?

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 傳訊息=互FLIRT?你點睇? by 毋乜贊
    我地就唔好局限喺性別上,社會有同性戀有異性戀,我就一概講sd短訊俾非戀人(講緊係一個駁一個嘅短訊)。耐唔耐約下食飯,傾下心事,八下邊個同邊個係咪有路/分左手,我搵朋友嘅原因都離唔開lee幾個原因,一句起兩句止,而行街睇戲食飯等,我都可以一個…
  • 做求職者都唔一定要卑弓屈膝嘅 by 小盛女
    「我哋而家都見緊好多candidate,所以有個基本要求,就係你2日內要send個email比我哋,講下你可以為公司貢獻啲咩,有咩可以impressed到我哋,有咩優點同工作經驗,說服我哋點解要揀你,咁我哋先會再考慮叫唔叫你second i…
  • 評論人高調收禮物拆禮物,有無職業道德問題? by 論政西人
    你看看?當時評節目主持,都可以這樣子高調收禮物,收完禮物之後就在節目的面書說自己收過什麼禮物,日日收月餅,收到手軟,還有禮貌地說多謝。不知道,若將來這些品牌,這些機構發生什麼事,晴朗主持,又會不會可以持平評論呢?…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
歡迎讚好我們的facebook page,免費資訊源源送上。

文章資訊

ID: 199932
Date: 2019-10-09 00:00:49
Generated at: 2020-09-28 17:19:03
Permalink: https://www.vjmedia.com.hk/articles/2019/10/09/199932/香港仲有啲醫生一邊拍片宣傳禁煙,一邊對催淚彈