大家估NBA 幾時會跪?我估兩個星期內,仲會跪得好徹底。

 

 

我以前係外國讀書既美國朋友好關心香港,佢自己亦係一個公鹿超迷(易建聯第一隊NBA冷板),就問我點睇NBA同大陸單嘢。我好簡單答佢一句:

兩個星期內,NBA會跪,仲會跪得好徹底。好簡單,因為估計NBA會每年賺少四億人仔(如果有更多內地公司斷交可能更多),加上NBA同騰訊簽咗5年總值十五億美金既轉播費。

但係你會話:NBA會俾全世界鬧,又會俾美國官員輪流砌,點會冒呢個險啊?但好老實講,就算我唔係一個商人,只係一個完全冇商業頭腦既白痴,純粹睇數字就已經有答案。彭博社今日分析2018 MVP Harden只係第一個跪低既大球星;跪低既球星只會接踵而來。Harden跪低好正常,因為火箭直接捲入風波對佢影響最大。第一,佢係火箭既中心球員,火箭而家既「封面人物」就係佢,所以佢係火箭職員來講,收入同損失亦係最大。第二,姚明係火箭打咗九年,火箭係中國既市場都係最大。如果風波既中心唔係火箭而Harden係站係同一個情況的話,佢既損失一定大大減少。第三,Harden加盟火箭之後做咗Adidas新寵兒,而連同Messi, Kanye West之類既明星,Harden係Adidas係中國擴展市場一個頗重要既人物。所以佢做第一個跪低係非常合情理。

但係點解其他球星會跪?睇返彭博篇文,唔講球衣剩係講球鞋,美國之後既最大市場就係中國。剩係計今年大概呢個時候,美國球鞋市場銷售量下降咗15%;而係2019財政年度,Nike係中國既球鞋銷售量上升咗22%(主要來自Jordan同埋Nike Basketball)。好自然,除咗Nike以外其他球鞋/運動用品生產商會搶住去做大中國個市場。我睇Nike(我知道NBA球衣係Nike贊助,重申我剩係講球鞋),求其上Nike Basketball個網站,佢地有feature球鞋既球員有LeBron, Durant, Irving, Giannis, Janoski, Paul George,如果呢班大明星因為NBA被大陸封殺而冇一大筆大陸球鞋錢(我知一定會有水貨所以冇講「所有」大陸錢),你覺得佢地會唔會跪?如果個個大明星都跪,你估NBA有冇選擇?

唔好講大明星啦,其實其他球員都有好大影響。NBA係咪成日聽咩salary cap(薪金上限)既,簡單黎講姐係一隊波可以俾幾多錢球員。NBPA(球員工會)同NBA既共識係NBA既所有BRI(basketball-related income;亦即與籃球相關收入)會直接影響salary cap,從而幫助球員有更高薪金。如果中國市場摺埋既話,影響既會係最底層球員,NBPA就會同NBA又嘈一餐,罷工絕對可能會發生。

再者,NBA要面對既問題唔單止係球員或者賺少咗錢定係罷唔罷工既問題,仲有法律問題。如果Nike因為NBA而少咗一大條水魚,你覺得佢會唔會吿到NBA甩褲?我十億美金簽你八年合約,你估我係Nike會唔會因為一個#FreeHK或者#StandWithMorey而放棄大陸?除咗Nike,騰訊都係一個大問題。記得一開始提起騰訊同NBA簽咗總值十五億既五年合約?如果NBA唔跪低,中共一定唔肯播NBA,到時候騰訊一定會吿NBA違約。但係最大既問題係,如果騰訊吿NBA就會係跟法律程序;第一,NBA唔會係大陸用大陸人既所謂法律同大陸人打仗,第二,騰訊係美國有分公司,絕對有方法係美國,用美國既司法獨立同美國打仗,同時騰訊會有中共既全力支持,到時候NBA唔死都會元氣大傷。但係跪低可以避難,咪跪囉,最多俾人限制一陣,跟住又係咩事都冇,因為根本冇其他籃球賽事選擇。

美國同埋好多西方國家係所謂capitalist democracy(資本民主):資本行先,民主行後。我賺唔倒錢,理得你咩first amendment賦予言論自由,我可以用其他法律途徑做低你。Silver同Morey既問題如是,當NBA同火箭評估倒自己蝕幾多既時候,就會反轉咬佢地,佢地走係遲早既事。

當你係一個capitalist democracy既制度下生存,你就要理埋對方對democracy既看法 —— 好可惜,美國對言論自由既界定,同中共差天共地。美國對言論自由絕對唔完美,但未至於因為「國家內政,容不得說三道四」而立即對NBA同埋火箭作出文革式既宣傳抵制。

等吓啦,NBA會跪,HKMap會下架,香港呢場運動都唔會再有咩重大既international support, 就係因為個個都係可以用錢收買,而大陸個market實在太大,放棄大陸係現階段對佢地黎講基本上係冇咩可能。你話我悲觀主義者,但我對啲商人真係零好感。

你有睇曬呢篇文可能會覺得我係中共五毛做維穩,但我同你講既只係事實,唔係我想發生既事情。我只係一個平庸既大學畢業生,都係一個運動迷,都掙扎係搵工既當中,都係鬱悶於香港民主最終既滅亡,都討厭見證中共抑壓香港人既思想。但事實歸事實,雖然我覺得中國有朝一日一定會爆煲,但係唔會係呢連串事件,更加唔會係短期內會發生既事。中國如果下滑,只會係因為自己製造既ultranationalism(極端民族主義),一手一腳引爆個炸彈而成。我相信世界「升得越快,跌得越痛」呢個定律;一個股市係咁,一個國家都會係咁。

 

P.S. 戴頭盔先,如果兩個禮拜內唔跪我唔會裸跑道歉壽終正寢乜乜實實;如果NBA完全唔跪,咁只能說我個人太悲觀,同埋我太高估大陸。到時我會食一大餐KFC,順便慶祝我終於做咗個二百磅大肥仔。

 

作者:諱文

一個儘量不被社會同化的90後,希望自己的思想在被銷聲匿跡前可以用音樂或者文字記錄下來。其實最終想做莊子惠子討論的那條魚那樣,逍遙自在,不用理會煩囂。口頭禪是「做愛做既事」。

閱讀後覺得好,請多多讚好及分享~:)

其他熱門文章

  • 我同事笑我唔識用touchpad….. by 緋色雪夜
    「其實你係咪唔識用touchpad?好好用喎~」同事妹妹拎住部macbook坐埋嚟,「不如我教你用touchpad呀。」…
  • 【玩物花絮】正過官方新屋 LEGO集會廣場改建歐陸Jazz Cafe by 阿九
    近期真係冇乜高質素嘅大屋 AMOC 出現喺市面,而官方公佈下年 1 月 3 號正式開賣嘅 10270 Book […]…
  • 你會同另一半講你嘅性史嗎? by 我從不穿睡裙
    講曬出黎,對方真係完全無野,完全接受倒,覺得呢D過去左既野係唔重要的話,我真係恭喜你。但萬一,對方聽完之後唔係咁既話,你要小心了。…
  • 恭喜何君堯終於揾到接班人啦! by 達時製作 (On Time Production)
    何妖能夠孤身(只限香港啫,中國就實有人撐佢嘅)走到今日呢步,殊不簡單。而佢嘅「成功」,亦都感染咗一位等左上位好耐嘅仁兄。佢就係...…
  • How dare you? Because I can. by 諱文
    點都好,首先要恭喜一下Greta本人成為最年輕既年度風雲人物,16之齡得到呢個殊榮證明佢的確厲害;希望佢之後可以真真正正為環境出一分力。點解我會咁講?先唔講佢有班強勁既PR同遊說集團係佢背後撐腰,花少少時間search吓佢背景你就會知得一清…
  • 校服 by 微言
    我對那條藍色裙的認識就只是藍色,及裙,能有什麼改變?可以改動?當然,我相信女生們早已自我分了三、四十派,互相尊重卻各不相讓,守護着自己的傲嬌。老實說,我代表男生們能將她們分為兩派,「短裙」及「一般」兩派。…
歡迎讚好我們的facebook page,免費資訊源源送上。

文章資訊

ID: 199972
Date: 2019-10-09 23:21:57
Generated at: 2019-12-15 21:37:06
Permalink: https://www.vjmedia.com.hk/articles/2019/10/09/199972/大家估nba-幾時會跪?我估兩個星期內,仲會跪得好