【止 _ 制亂】我最想知道食環署點解可以十幾日就燒左15歲女死者條屍

 

#15歲泳將全裸浮屍海面 #海水已浸多日 #屍體已火化

Savehongkong 發佈於 2019年10月11日星期五

 

一名15歲少女上月19日失蹤,三日後發現浮屍,27日家屬知道死訊並稱係跳海自殺。今日10月11日,被傳媒揭發屍體已經火化。

喺香港,負責火葬嘅係食物環境衛生署。

 

網上流傳好多事件嘅疑點。

警察講乜,我就一定唔信,反正法官都會當佢地誠實可信,多我一個信佢都唔多,咁我唔信算。

反而,我對食環署就有少少期望,畢竟自從十年前繞過家屬燒錯屍,而家火葬一位先人,係要填好多表,我唔信警察都好,都會帶著一個好大嘅疑問:「食環署點可能就咁俾條屍推入個爐呢?」

 

網上都傳,家屬係同意成件事,由於我都唔希望滋擾家屬,所以如果佢地唔自己出來講,我都唔會質疑啲乜嘢。

所以我就當,所有野都係家屬同意之下進行。

但就算佢地全部都同意,好多野都不合乎常理。

就咁睇火葬嘅申請程序,要火葬一位先人,首先要有兩份文件其中一份

 

根據傳媒報導,警察係搵到浮屍,亦曾經解剖屍體及發現無性侵跡象,我會估計,呢種係屬於「先人獲死因裁判官裁定死因並簽發火葬令。 」

無論係邊一樣都好,都會有人簽一張野。

而呢份文件,我相信就算因為死者私隱,唔可以成張擺出來展示,至少死因裁判官或醫生係可以公開講啲野嘅,呢個公開唔係要佢被人圍,而係呢個時候需要有一個人,去話俾社會大眾知道,警察係無可能就咁隊條屍入個爐度。

 

好喇,當呢個火葬令或者火葬紙真係合法存在,食環署接到呢個申請,到放條屍入去個爐,需要幾多時間?

耐唔耐就會見到一啲新聞,話火葬場又唔夠位呀又點,要排隊,既然而家謠言一街都係,不如食環講清楚。

1)而家一般來講,由收到申請,到可以燒得,要排隊的話,要排幾耐?

2)我見署方話可以酌情處理,個酌情理由包括親人要短時間內離港之類,明嘅,制度不外乎人情。咁如果呢次十幾日就火化,係屬於酌情嘅範圍,喺唔涉及死者及家屬私隱嘅情況下,呢次署方有無用到酌情?定還是呢排好少先人用,好多位?

 

謠言止於智者,但如果連政府首長都係咁樣嘅智力,好希望旗下嘅局呀署呀,都做返自己本份,火葬係食環嘅事,請你好好解畫,感謝感謝。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

  • Client 問我點解自己係「仆街磁石」(上) by Professor Chan
    佢自從中學由女校畢業之後就無試過單身⋯⋯連一個月都無。每次同一個男仔分手,佢好快就會同另一個人一齊,佢話佢已經唔記得單身係咩感覺。…
  • Client 問我點解自己係「仆街磁石」(下) by Professor Chan
    依家,你重新行一次,你由出世到依家呢廿五年嘅經歷。好似一段Video咁,由過去,由開始播放,播放到依家呢一刻⋯⋯你可以由得唔同嘅片段喺你個腦入面播放,唔需要去控制佢,一路播一路同我講你見到咩。」我講。…
  • 香港人就係純樸到連日本人都可以喺度橫行霸道 by 白木乩
    就算係日本老母來到香港,無左其他日本人嘅目光,無左其他日本人文化監察,無左其他日本人鬧佢「打咩」、「巴加丫囉」、「渣媽」,出名桎梏出名壓抑嘅大和民族,都係會個性解放,係「個性」解放。…
  • 【遊戲新聞】NS糞級新作引起熱潮 《Final Sword》挑戰任記的可疑作品 by 五木
    以前超任、PS 年代因為資訊不流通,但係「買」Game 又極平嘅關係,所以成日玩到糞作。隨住資訊變得流通,今時 […]…
  • 由林美戀談起——藝人基督徒,係咪好好撈? by 殷琦
    無論16 年背夫偷食單野又好、現時與非基林作拍拖都好(雖然個人而言基與非基我是ok既...~)、「High Profile處理感情生活、信主後感情生活仍然混亂」是我覺得對你算中肯的評價。但這其實都超出一般教會的接納程度了吧?既然是藝人,言行…
  • 吃子的文化 by 健吾
    我有時會想,是不是真的有人會覺得「考得唔好唔緊要」,是一句安慰語。我考得好,所以我沒有辦法說什麼。對考得不好的同學,我也不能說「你考得不好不好意思」。更甚者,我有學生因為考得不好,進不了醫科而感覺遺憾終生,幸好他是一個鍥而不捨的人,讀完一個…
歡迎讚好我們的facebook page,免費資訊源源送上。

文章資訊

ID: 200022
Date: 2019-10-11 23:59:19
Generated at: 2020-07-08 22:28:29
Permalink: https://www.vjmedia.com.hk/articles/2019/10/11/200022/【止-_-制亂】我最想知道食環署點解可以十幾日就