【真人真事】我收留左個警二代,因為佢去完示威被屋企人. . .

 

– KEVIN CHENG PHOTOGRAPHY- 發佈於 2019年9月29日星期日

(圖片與人物無關,故事純屬虛構)

 

反送中示威已經演變成警民衝突,上至公司,下至家庭都可能因為政見問題而導致關係破裂,我之前發現有啲有心人開咗個channel,幫啲因為呢件事被人趕出屋企嘅人,咁我就姑且報下名,而且條件有啲嚴,諗住match 唔到,點知琴日就收到個referral。

個社工同我講,佢係一個15歲嘅女仔,學生,但令我嚇親嘅佢竟然係個警二代,大家都知黨航而家最鍾意係咩呀,啲人篤灰喎,如果佢篤我我都幾煩,但我諗兩諗,都係見咗面先。

佢要求單獨見面,社工話佢係附近,有事佢會趕過黎,我約咗佢係mos burger等。
我係原定時間坐底,過咗10分鐘都未見人,突然收到個電話,

「喂」
「喂,er你係咪職員呀?」
「係呀」
「我差唔多行到,你可唔可以等我一陣,黑色衫牌,vans,黑色背囊」
「哦好,我白色背心,藍cap帽」

結果我等多咗十分鐘,我見到佢氣沖沖咁跑過黎。

「sor,我遲咗」

佢面帶靦腆,

「坐啦」

同佢傾咗一陣,大致上係佢屋企雙親都係警,老豆老媽發現佢有出去,趕佢出屋企,同佢講你一係就唔好俾我知你出去,如果唔係我一定打死你,well 好typical 覺得打個囡就覺得解決到問題嘅父親,佢而家係呃佢老豆話去佢個fd 到住,佢話佢老豆講只要佢有返學就得,最重要係佢老豆一蚊都唔俾佢,同佢講你出去嘅話,我係唔會養你(大家可以留意返,經濟制裁真係好有用,所以請大大力懲罰黃店)。我一路聽一路覺得好心寒,究竟要幾狠心先可以咁樣對個囡。
講完一輪,我發現佢係咁望住我個薯條,

「食唔哂呀,你食啦」
「唔使喇唔肚餓」

啲少女就係咁麻煩,要人氹,

「你去買啲野食,一陣你去我屋企幫我掃地同吸塵」
「….」

我見到佢個樣有啲委屈,最後佢都係拎咗我啲錢去買野食。
其實由佢話唔食果一刻,我就決定咗俾佢黎住,因為佢果種扭擰,係15歲先有,唔會扮到,我又係度諗,我15歲果陣,又係度做緊咩呢?

同個社工交待好之後,我就帶咗佢去我屋企

「喂你啲衫呢?」
「係個狗竇到」
「吓?」
「係屋企」

我好驚訝呢個妹竟然可以講呢啲野講得咁順口,

「你唔驚咩?我屋企全屋警察」
「驚呀,你要呃我我冇辦法。」
「乜你地唔係要黑警死全家架咩?」
「咁你屋企人係咪黑警?」
「我老豆係,我老媽唔係」
「咁咪唔使死全家囉,哈哈」
「……..」
「我老豆有份打人」
「你點知」
「因為我睇住佢打人,佢先知我有出去」
「……….」
「你係咪即刻想趕我走?」
「咁又唔係,每個人都係獨立個體黎,既然你有自己嘅諗法,我唔會好似共產黨咁鳩黎。」
「聽住先」

然後佢拿起個掃把,用非常唔熟練嘅手勢去掃地,我係度諗,15歲嘅我,只係一個好恨拍拖嘅小朋友。
我絕對冇諗住為警察洗白,只係可憐啲小朋友而已。

 

作者:黨航職員

愛國愛港愛黨

閱讀後覺得好,請多多讚好及分享~:)

其他熱門文章

  • 移民?三四十歲呢班人,點移民? by 林非
    你以為香港「情況很差」,但香港一直以來的問題是「倒退得快」,即是那個delta_change很大。但香港在英國人建設下的確有很好的社會基本制度。例如說你移民去日本、去台灣,其實在社會上都各有問題,很大程度上你移過去,只不過是以「不在當地成長…
  • 同藍絲做廿年朋友,結果係點? by 六月的物管
    話說某日,細妹咁唔好彩撞啱「克警」又亂鳩咁放催淚彈,搞到佢眼、鼻、喉都勁唔舒服,猛咁咳之餘,氣管同皮膚都又敏感又痕。之後,細妹喺FB出post 訴苦…
  • 【輔仁罕有支持泛民行動】技術上,最容易做又可以癱瘓城市運作嘅罷工行業係乜呢? by 白木乩
    回歸返現實,有乜嘢罷工,既影響到好多人嘅生活,同時其實個影響,係好麻煩,但又唔係真係咁致命?我識嘢比較少,呢一刻我想放低成見,支持泛民嘅…
  • 黃店還是藍店? by 健吾
    最近有朋友跟我說,太子某一間火鍋店很藍,但自從某次見到警察在他們外面放催淚彈之後,就變黃了。然後在網路,又有人說究竟是黃是藍。有些員工,天天都看著大台的新聞,他們接收的資訊不多,再加上很多以訛傳訛的資訊,示威者有錢收,前線有小天使等等的消息…
  • 農的傳人 by 健吾
    首先,你要有一堆志工。…
  • 迫大家抗爭 by 健吾
    對這位特首而言,她很清楚,她現在宣佈宵禁,停工停課停市,就是輸。這樣子,「暴徒」的目的就會得逞。所以,她一定不會停課,而更會向「可以上班和上學的人表示敬意」。 …
歡迎讚好我們的facebook page,免費資訊源源送上。

文章資訊

ID: 200033
Date: 2019-10-13 04:04:24
Generated at: 2019-11-13 08:56:58
Permalink: https://www.vjmedia.com.hk/articles/2019/10/13/200033/【真人真事】我收留左個警二代,因為佢去完示威