區議會有別於立法會，係以單議席單票制方式喺選區選出一位代表；只要得票率係50%+1或以上就係贏，勝者全取。任何陣營出多過一個人，又假設支持某一陣營選民係偏向原則投票而唔係策略投票的話，「𠝹票效應」出現嘅成數就會高咗。

香港兩大陣營，就採取唔同嘅方法去避免上述問題發生。而好諷刺嘅係，親北京陣營嘅處理方式好「暴力」，不過亦都係最成熟。