【Sir, this way.】美國總統特朗普,親授做大生意秘訣,你睇左未?

 

 

作為侵侵嘅支持者,無理由唔讀佢嘅「著作」,算係一手資料去睇佢點諗。雖然係遲咗好多,但總算讀完咗第一本︰《THE ART OF THE DEAL》。我相信,閘大大同佢嘅一眾手下文膽都已經讀通讀透呢本書,但好奇怪,點解佢地傾咁耐都NO DEAL?唔通佢地睇譯本,GET唔到嗰種一手感覺?

為咗原汁原味,我係睇英文版嘅。嗰種好似作者直接說話嘅感覺,大部份翻譯係做唔好架,更加唔好講大陸版,唔知幾時會少咁啲或加咗料。

 

首先,「做DEAL」唔只係談判,係一個完整嘅「交易」。對於老闆嚟講,一單DEAL唔係簽個咁簡單,係由發現機會、爭取機會、與對手談判以取得機會、執行、做起盤生意、直至嗰盤生意賣走咗有得數銀紙,成個「交易」先算完成。當然,有啲生意唔賣嘅、有啲房產唔賣嘅,咁就一直要「DEAL WITH IT」,個DEAL無得完。

侵侵係好簡潔咁講咗佢點樣做DEAL,佢點樣去搵機會,點樣去COLD CALL搵機會。嗱,你話佢有錢人出身,要自己做嘅咩?我睇呢本書,加埋電視《TRUMP,THE AMERICAN DREAM》就覺得,佢老竇只係一個中上嘅企業家,在窮區起樓收租,在美國係真中產以上,但係同「富豪家族」仲差好遠。侵侵佢係慳番搵第一桶金嘅汗水、仲有一個地產帝國需要嘅基本班底,但係第二桶金到之後嘅金錢帝國,可以話係佢自己搵番嚟、賺番嚟。

其實,好多大大老闆,佢地係老竇有啲錢,但唔係勁有錢囉,同卡耐基、洛克菲勒、羅斯查爾德呢啲一定差距十萬八千里。咁佢地要唔要落手落腳做?要。佢地要唔要自己諗掂佢?要。佢地要唔要求人?要。佢地要唔要承擔落注輸錢壓力?要。侵侵呢種「富二代」其實大部份同第一代創業無咩分別,佢就慳咗頭嗰十幾年搵第一桶金嘅時間,四十幾就可以發到豬頭咁,咪有多啲時間去滾同埋去玩政治囉。

 

(佢九十年代先遇到真正嘅風浪,呢本書就未講到,電視點到即止話佢差啲反艇,咁有幾多個好似李嘉誠咁行足幾十年大運?)

 

嗱,呢本係一本幾好嘅做DEAL雞精書,自己買嚟睇,無理由讀雞精煲雞精架嘛。

 

=====劇透=====

 

我自己讀完呢書,寫番幾個POINT自己參考︰

「I’m keeping my options open。呢個真係談判同做生意嘅雞精,幾手準備,立於不敗之地。侵侵幾個DEAL都係提到,佢有幾手準備,好多牌打。另外,喺買嘢翻嚟之前,侵侵係擺到明,唔啱價就唔買。

「咁多人死唔見你死。」呢句陳萬賢嘅金句。侵侵發績係佢好運,美國紐約地產低潮,佢提到幾單好DEAL都係上家被銀行迫債,咁佢有錢咪有平貨執囉。

侵侵話唔好心急,啱價先買,錢喺自己度,你真係驚佢走咗去?你急?你志在必得?對手就吊起嚟賣。買貴咗,BAD DEAL風險大增。買得平,GOOD DEAL機會大好多。

「I understand the game. 」侵侵做地產就做地產,無走去做下時裝又做下航空公司,佢強調自己在地產建築行業好熟書、好熟門路,最緊要係︰好熟價錢,無論係生產成本同賣價(賣豪宅要捉心理)。注意,本書係三十年前嘅佢,唔好囉依家嘅嘢嚟辯駁。

「I like scale, which is huge, I like the glamour, and most of all, I like the cash flow. 」侵侵係講緊開賭場做莊點正法。但係做生意最緊要係咩?CASH FLOW,無CASH就即死俾人執骨,有CASH就去食埋人地舊骨,商業世界就係咁。

「it’s about instincts. 」做大生意係講天材,努力最多係做下小生意,發唔大,即係發唔到達。咁人要有自知之明,唔好人人話創業就去創業,人地話發大就發大。細生意大部份係服務小眾,以前樓下士多係服務幾楝樓嘅村民,依家小眾潮牌就係服務幾百幾千個忠心顧客。大生意,真係講天聰,由人際關係,投資眼光,管人管事,都要掂。侵侵都講Think Big,係有無吉士,係你有無耐性,係你有無好多Option。呢啲非凡人物,就係唔普通,學唔到返嚟。仲有,每種生意都係獨特嘅藝術,有竅門,仲有直覺,有經驗嘅老細,信直覺多過信數字。QUANTITATIVE一定唔係萬能嘅。

「My choice was whether to keep all the risk myself, and own 100% of the casino, or settle for a 50 percent stake without putting up a dime. It was an easy decision. 」後生嘅侵侵已經真正明白風險呢回事,美國始終係一個健完嘅國家,無必要搏盡。喺大陸見太多企業主,做生意係豪賭,過關再過關,貴利借盡、投資一追再追、盡地一煲搏發達。

「Leverage is having something the other guy wants. Or better yet, needs. Or best of all, simply can’t do without. 」睇下中美貿易戰,就見到侵侵點樣應用佢嘅LEVERAGE。查「LEVERAGE」正常係講借錢,同銀行借四厘五厘嘅工商貨款,攞去抄樓轉手賺廿個巴仙係東亞窪地玩咗幾千年嘅投機賭搏舊經濟。

「You can enhance a location, through promotion and through psychology. 」呢樣其實係Marketing 101,侵侵做生意一直都好高調出位,佢講到明係搏免費宣傳,Bad news is better than no news。

「The simplest approach is often the most effective. 」官僚最另係將簡單事複雜化。做生意呢,簡單直接先賺到錢,越複雜越易出問題,人嘅問題、事件嘅問題。一人獨裁係最有效率嘅,侵侵在書中強調,佢係投資緊自己嘅錢,「佢盡量唔借錢」(講笑喇,佢梗去借多啲平錢嚟增加回報率喇),佢要話晒事,佢嘅錢去佢自己負責,有幾complicated?侵侵都有講,用得人地嘅錢一定要俾人問責。咪係囉,有責有權、有權有責,缺一不可呀!

「There are times when the only choice is confrontation. 」、「Our message was this: If you try to hurt us, we’ll sue you. 」侵侵好暴力,美式富豪嘅暴力係出律師信,成尺厚文件,告人幾百萬幾億咁。

 

作者:白恩樑

好讀書,不求甚解,每有會意,便欣然忘食。(陶潛《五柳先生傳》) 為天地立心、為生民立命、為往聖繼絕學、為萬世開太平。(張載) 子曰:「飯疏食,飲水,曲肱而枕之,樂亦在其中矣。不義而富且貴,於我如浮雲。」(論語.述而) 創業要準備一桶血,而最大的創業就是打天下。(王強,《亞洲週刊》訪問2009)

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 200095
Date: 2019-10-15 06:15:15
Generated at: 2020-10-30 09:24:26
Permalink: https://www.vjmedia.com.hk/articles/2019/10/15/200095/【sir-this-way-】美國總統特朗普,親授做大生意秘訣,你